1 Abhakörintö 16:19 - Imuuma Eehya

¹⁹ Abhantö abha amakanisa agha Asia Enke, bharabhakëërya. Akiira na Purisika, na abhakumya bhano bhakosaasaamera waabho hayö, bharabhakëërya bhököngʼu ku iriina irya Omonene wëëtö Yëësu Kiristo.

1 Abhakörintö 16:19 ပူးပေါင်းရင်းမြစ်များ

Amangʼana agha Abhatomwa 16:6

Mbe, Pauro, Siira na Timoteo, bhakakora oroghendo, bhakahetera ahasë hano Furighia yaaheegheraini na Gharatia. Bhakaheteerania, bhataghambirë-mo engʼana. Ko bhoora Umwika Ömöhörëëru, yaabhakaanëri bhatakaraareka engʼana iya Waryobha mu-kyaro ikya Asia Enke.

Amangʼana agha Abhatomwa 18:18

Mbe, hano amangʼana ghayö ghaahööyë, Pauro akaikara Bhökörintö hayö sinsikö sinsharu këmwëkëmwë. Ho yaamarrë, akaragha abhakumya bharikyaye, akaghya mu-mughi ghono ghwaabherekerwanga igha Siria. Hano yaahikirë Kenkirea, akaghingira situukya syaye ko-teemo iya Ikiyahudi, ko okoghera iya okohekerania ikityano keno yaarenga aihiimirriyi. Mbe, umwene hamwë na Purisika bhaana Akiira bhakariina mu-ryato irya ukughya mu-kyaro ikya Siria.

Amangʼana agha Abhatomwa 18:2

Akasikana-yo na Umuyahudi ono yaabherekerwanga igha, Akiira. Akiira uyö, nu-mwebhorrwa uwa omokowa ughwa Ponto yaarë. Akiira hamwë na mokaaye ono yaabherekerwanga igha Purisika, bhaarwërëëyë mu-mughi ughwa Ruumi mu-kyaro ikya Itaaria, ko bhoora Kaisaari Kiraudio yaaraghërrëëyi igha Abhayahudi bhonswe igho, bharughibhwi ukurwa Ruumi. Mbe, Pauro akaghya okobhakëërya.

Amangʼana agha Abhatomwa 18:26

Apöörö akasoha mu-nyumba iya esango iya Abhayahudi, akasimya ukwëghya-mo Amangʼana Amaiya agha Yëësu ko obhokarë. Hano Purisika bhaana Akiira, bhaaighuurë kya bhono Apöörö yëëghyanga, bhakamuhira waabho, bhakamwörökërrya enshera iya Waryobha bhuuya kya igho ërë.

Amangʼana agha Abhatomwa 19:10

Pauro yaaghëndërrëëyi na emeremo ghiyö, imyoka ibhërë. Ekahekera-ho enkaagha eno abhamënyi abha ikyaro ikya Asia Enke, Abhayahudi, na abhantö bhano bhatarë Abhayahudi bhonswe igho, bhakaighwa engʼana iya Omonene Yëësu.

Amangʼana agha Abhatomwa 2:9

Mö-bhëëtö mono, bhaamo abhantö abha ukurwa mu-kyaro ikya Abhapaati, Abhamëëdi, na Abhaeramu. Bhano bhaarwërëëyë Mesopotamia, Yudea iyö, Kapadokia, Ponto na Asia Enke,

Abharuumi 16:15

Ko okomarërrya, mönkëërri Firorogho na Yuria, Nerea hamwë na mohara waabho, Örimpa na abhakumya abha Yëësu Kiristo bhonswe igho bhano bharëngë hamwë nabho.

Abhakorosaai 4:15

Mötökëërri abhakumya bharikyëtö abha mu-mughi ughwa Raodikia. Mökëëri umusubhaati Nimufa na ekanisa iyö ikusikanera mu-nyumba iyaaye.

2 Timoteo 4:19

Ökëëri Akiira na Purisika mokaaye, na abhantö abha Onesiforo.

Firimoni 1:2

Torakëërya na umusubhaati Afia, bhaana Arikipo umwitani murikyëtö uwa riihë irya okoraareka Amangʼana Amaiya agha Yëësu Kiristo. Torakëërya hamwë na abhakumya bhano bhakusikaneranga ka waaho kuyö.

1 Peetero 1:1

Ritashandighi reno, nö-öni Peetero omotomwa uwa Yëësu Kiristo ndyandëkirë. M-bëënyu abhaahorwa abha Waryobha nandëkëëyë, bhano mwanyaraghana ukughya okomenya ku-bhyaro ibhya abhandë, mo-mekowa ighya Ponto, Gharatia, Kapadokia, Asia Enke na Bhitinia.

Okohonyora 1:11

Engamba iyö yaaghambirë igha, “Andeka mo-ketabho amangʼana ghonswe igho ghano oraamaahe. Omare otomane eketabho kiyö mo-makanisa muhungatë agha Ëfësö, Simirina, Perighamo, Tiyatira, Saridi, Firadërifia, na Raodikia.”