1 Abhakörintö 16:16 - Imuuma Eehya

¹⁶ mwighwerenga abhantö kya bhayö, na abhandë bhano bhaana omotono ughwa okokora hamwë nabho emeremo.

1 Abhakörintö 16:16 ပူးပေါင်းရင်းမြစ်များ

Abharuumi 16:12

Mönkëërri Tirifaina na Tirifosa. Abhakari bhayö, mbaana omotono ughwa okokora emeremo ighya Yëësu Kiristo. Kora ghwiki ni-igha mönkëërri omoghonshe uwaane Perisisi. Omokari uyö wonswe, yaakörrë omotono ughwa okokora emeremo ighya Omonene Yëësu Kiristo.

Abharuumi 16:3

Mönkëërri abhaköri abha emeremo bharikyane, bhaabho Purisika bhaana mushaasha uwaaye Akiira. Bhayö bhonswe m-baköri abha emeremo abha Kiristo Yëësu.

Abharuumi 16:6

Mönkëërri Maryamu ono yaakoranga omotono ughwa okokora emeremo ko okoghera iya ehoorohooro iyëënyu.

Abharuumi 16:9

Mönkëërri Urubhano ömököri uwa emeremo murikyëtö ku-Yëësu Kiristo, mönkëërri na Sitaaku omoghonshe uwaane.

1 Abhakörintö 12:28

Abhatomwa mbo Waryobha yaatoora mo-kanisa abha mbere, abha kabhërë abharööti, abha katatö abhëëghya. Ghwiki yaatoora-mo bhano bhakokora amakono, na abha ituho iya ukuhwënia abharööyë, na abha ökötöörrya abhandë, na bhano bhakotangata bharikyabho, na abha ituho iya okoghamba ebheghambo ebhehya.

1 Abhakörintö 3:9

Nkoghamba ndë igho ko bhoora bhëëtö m-baköri abha emeremo abha Waryobha törë, na ömöghöndö ughwa Waryobha, m-bëënyu, kora m-bëënyu inyumba iyaaye.

Abhaëfësö 5:21

Mwihooterane bhëënyu abheene ko bheene, ko bhoora igha, nkosooka mörë Yëësu Kiristo.

Abhafiripi 4:3

Kora uwe ömöntö uwa heene, ömököri uwa emeremo murikyane, ndakosabha ötöörri abhakari abhabhërë bhayö, bhabhe ikiina ëkëmwë. Bhayö bhonswe igho bhabhërë, mbaarë na omotono bhököngʼu hamwë na öni ughwa okoraareka Amangʼana Amaiya agha Yëësu Kiristo ko-bhantö. Ghwiki abhakari bhayö, mbaakörrë emeremo hamwë na Kërëmënti na abhantö abhandë, abhaköri abha emeremo bharikyane. Amariina agha abhantö bhayö bhonswe igho, ngaandëkirwë mo-Ketabho ikya Öbhöhöru.

1 Abhatësarönikë 1:3

Hano twabhasabhera ko-Taata uwëëtö Waryobha, nkuhiita törë umukumo ughwënyu ko amangʼana ghano mokokora. Torahiita omotono ughwa righonshe ghono moonagho, na kya igho monaghirë ku ubhweseghe bhono moonabho ko-Monene uwëëtö Yëësu Kiristo.

1 Abhatësarönikë 2:9

Abhakumya bharikyëtö, ndamanya nkuhiita mörë omotono ughwëtö na ukunyanka ukwëtö, kono twaarë nako ko okokora emeremo ubhutikö na omobhasö. Ntwaakoranga igho, okore totakaanyankya ömöntö wowonswe mö-bhëënyu, hano twaraareka Amangʼana Amaiya agha Waryobha.

1 Abhatësarönikë 5:12

Bhoono abhakumya bharikyëtö, torabhasabha igha, mosookenga bhaara bhakobhatöörrya, na eno bharabhatangata na okobhaghambera ku ubhwera ubhwa Omonene Yëësu.

1 Timoteo 5:17

Abhaghaaka abhatangati abha ekanisa bhano bhakwimererra bhuuya ekanisa, bhasookwenga na bhakorrwenga bhuuya, ekenene, abha omotono ughwa okoraareka engʼana iya Waryobha na ukwëghya abhantö.

Abhaëbhuraania 13:17

Mwighwere abhatangati abhëënyu, kora mobhasooke. Bhayö n-senkoro isyënyu bhakunyankera, ko bhoora mbo bhareghamba amangʼana aghëënyu mbere iya Waryobha. Mobhaighwere, okore bhakorenga emeremo ighyabho bhashömëëywë. Bhatakaabhaabhayeranga, ko bhoora hano bharaabhaabhayere, timunyoore ehoorohooro yoyonswe igho hë.

Abhaëbhuraania 13:24

Mökëëri abhatangati abhëënyu bhonswe igho, na abhahörëëru bhonswe igho, abhantö bhano bhaarwa Itaaria nkobhakëërya bharë.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

1 Peetero 5:5

Ghwiki na bhëënyu abhamura, ni-igha mosooke abhaghaaka abha ekanisa. Bhëënyu bhonswe igho abhaghaaka na abhamura, ighoigho. Mobhe abhantö abhahaabhu, mutighinkaneranenga. Mokore igho, ko bhoora Amaandeko Amahörëëru gharaghamba igha, “Waryobha nkwanga arë abhantö bhano hakwiheema, kasi örööbhö urwaye na-bhahaabhu akohaana.”

3 Yohana 1:8

Ku bhuyö bhëëtö Abhakiristo, ni-igha tötöörringa abhantö kya bhayö. Hano toraakore igho, nkunyoora örë toghootaini nabho hamwë ko-meremo ighya okoraareka obhoheene.

Okohonyora 2:3

Kora nemanyirë igha, mworeka bhököngʼu na amangʼana aghaane, kasi mwaaghömërrya nanyabhoono temoraarosa hë. Mwitegherre ghano nkobhatëëbhya!