1 Abhakörintö 15:9 - Imuuma Eehya

⁹ Öni tondengʼaani na abhatomwa abhandë bhonswe igho hë. Tiningʼarëëyi okobherekerwa omotomwa hë, ko bhoora naanyankëri abhakumya abha Waryobha.

1 Abhakörintö 15:9 ပူးပေါင်းရင်းမြစ်များ

Amangʼana agha Abhatomwa 8:3

Sauri wonswe yaarenga asimiri ukusikya abhantö abha ekanisa. Yaasohanga mu-sinyumba isyabho, arabhahorotora-mo kwa nguru, abhakari na abhashaasha bhano yaanyooranga-mo, abhahira mu-nyumba iya ekebhohe.

1 Abhakörintö 10:32

Motakaabha ikibhuno ikya ukutimba Abhayahudi, abhantö bhano bhatarë Abhayahudi, handë ekanisa iya Waryobha.

2 Abhakörintö 11:5

Tenkokanya igha, öni m-moke ndë ko-bhayö bhakwikora igha, “M-batomwa abhanene.”

2 Abhakörintö 12:11

Ngambirë igho kya omokangi, ko bhoora bhëënyu m-bëënyu möghërrë ngambirë kya omokangi. Ko bhoora yaarenga igha bhëënyu munkumi. Nokaanyoora igha tiningʼarëëyi hë, kasi öni te-moke ndë, okokera bhayö bhakwihasha igha, “M-batomwa abhanene.”

Abhagharatia 1:13

Ndamanya mwaighwa bhono naarenga, enkaagha eno naitaneranga idiini iya Ikiyahudi, bhono naanyankëri bhököngʼu abhantö abha ekanisa iya Waryobha, na bhono naatunanga ngisiki këmwë.

Abhagharatia 1:23

Ëkëntö keno bhaamanyirë ku-öni ikyene igho, n-keera bhaaighuurë igha, “Ömöntö ono yaatunyankyanga ekembere haara, reero eno nkoraareka arë umukumo ghooraghoora yaashaashëri kusikya.”

Abhafiripi 3:6

Naarenga na omotono ko-mangʼana ghaara naakanyanga igha, ngo Waryobha akutuna, ku bhuyö nkateesa Abhakiristo. Ko obhoheene ubhwa okoghoota amaraghërryö, tenaarenga na risoro ryoryonswe igho hë.