1 Abhakörintö 15:56 - Imuuma Eehya

⁵⁶ Obhotoro ubhwa ukunyahaara ubhwa uruku, në-bhëbhë, na obhotoro ubhwa ëbhëbhë, na-maraghërryö.

1 Abhakörintö 15:56 ပူးပေါင်းရင်းမြစ်များ

Yohana 8:21

Mbe, ghwiki Yëësu akatëëbhya Abhafarisaayo bhayö igha, “Öni nkughya ndë, murintuna, kasi timuriinnyoora hë. Bhëënyu moraakwe ko okoghera iya ëbhëbhë bhyënyu. Ahasë hano nkughya, bhëënyu temotore ukuhika-yo hë.”

Yohana 8:24

Kiyö nkyo këghërrë mbatëëbhëri igha moraakwe ko okoghera iya ëbhëbhë ibhyënyu. Mbe hano motaakumi igha ‘Öni Nö-öni,’ moraakwe ko okoghera iya ëbhëbhë ibhyënyu.”

Abharuumi 4:15

N-kwakë rekaabhaayë igha m-borongo? N-ko bhoora ömöntö ono akosarya amaraghërryö agha Mosa, nkushibhibhwa arë. Kasi hano amaraghërryö ghayö ghatakaabhaaye-ho, kora obhosarya ubhwa amaraghërryö bhwonswe, tebhokaabhaayë-ho hë.

Abharuumi 5:15

Kasi riragha irya ëkëbhë keno Adamu yaakörrë, ne-ngʼana enke bhököngʼu hano wagherengʼania na örööbhö urwa Waryobha rono Yëësu Kiristo yaatoreetera. Örööbhö urwa Waryobha ruyö, teroona ekerengere hë. Maaha mbe igha, Adamu yaareetera abhantö uruku, ko okoghera iya ëkëbhë ikyaye. Kasi Yëësu Kiristo, we yaareetera abhantö örööbhö urwa ukwabherwa ëbhëbhë ibhyabho, bhanyoore öbhöhöru.

Abharuumi 5:17

Ëkëbhë ëkëmwë keno Adamu yaakörrë, kyaaghërrë abhantö bhonswe igho tobhenga torakwa. Kasi bhoono no-bhoheene igha, abhantö bhano bhakunyoora örööbhö urwa Waryobha rono rotaana ekerengere, nkobhabhara arë igha, m-ba heene. Mbaretonga ko-nkaagha iya öbhöhöru ubhwa amakora ghonswe igho, ko okohetera ku-Yëësu Kiristo.

Abharuumi 5:20

Amaraghërryö agha Mosa ngaaghërrë ëbhëbhë bhekaaruha. Hano ëbhëbhë bhyaaruhirë, örööbhö urwa Waryobha rwonswe rokaaruha.

Abharuumi 6:23

Ömöntö wowonswe ono akobha omoghorwa uwa ëbhëbhë, ehoorohooro iyaaye, nu-ruku urwa amakora ghonswe igho. Kasi bhëëtö, Waryobha nkotohaana arë öbhöhöru ubhwa amakora ghonswe igho. Öbhöhöru ubhwa amakora ghonswe igho bhuyö, tebhokohakerwa hë, kasi nkohaanwa törë ituho iyö, ko okoghera iya okoghootana ukwëtö na Omonene uwëëtö Kiristo Yëësu.

Abhaëbhuraania 9:27

Mbe, kya bhoora abhantö bhaatoorerwa-ho ukukwa kamwë igho, na hano ömöntö amarrë ukukwa, keno keekoroobhera, no-kobhotorrwa ikiina.