1 Abhakörintö 15:54 - Imuuma Eehya

⁵⁴ Mbe, ömöbhërë ughwa okosareka ghono, hano ghörëtööribhwa ukwanga okosareka, na ughwa ukukwa ghono ghötööribhwi ukwanga ukukwa, hayö bhoono ho erehekerana engʼana eera yandëkirwë igha, “Uruku rusikiibhwi, robhaahirwë këmwë.”

1 Abhakörintö 15:54 ပူးပေါင်းရင်းမြစ်များ

Ruuka 20:36

Ko bhoora tebharikwa ghwiki röndë hë. Mbarebha kya igho abhamaraika bharë. Mbarebha abhaana abha Waryobha, ko bhoora bhariryökibhwa ukurwa mo-bhaku.

Abharuumi 1:23

Bhaatigha okosengerra Waryobha Ömöhörëëru uwa amakora ghonswe igho, kasi bharasengerra ëbhëtöndö ibhya amasambwa ghano ghatuubhaini kya abhantö bhano bhakukwa kya abhandë. Amasambwa aghandë ngatuubhaini kya sityënyi, aghandë kya ibhinyönyi, na aghandë kya sityënyi seno sikwingʼuura.

Abharuumi 2:7

Abhantö bhano arehaana öbhöhöru ubhwa amakora ghonswe igho, m-mbano bhaana omotono ughwa okokora amangʼana amaiya. Ko bhoora nkutuna bharë ubhuhika, esooko na öbhöhöru bhono bhotakosareka.

Abharuumi 6:12

Mbe, motakaahaana ëbhëbhë umweya ughwa okobhaaha ëmëbhërë ighyënyu gheno ghikukwa. Hano moraahaane ëbhëbhë obhobhaahi bhuyö, moraarutwe okokora amangʼana amaghogho ghano ëmëbhërë ghikutuna mokore.

Abharuumi 8:11

Umwika Ömöhörëëru ono amënyirë mo-senkoro isyënyu, uyö we Umwika uwa Waryobha ono yaaryökëri Kiristo Yëësu. Ku bhuyö Waryobha nariryökya ëmëbhërë ighyënyu gheno ghikukwa ko okohetera obhotoro ubhwa Umwika Ömöhörëëru uyöuyö.

2 Abhakörintö 4:11

Ku bhuyö bhëëtö bhano tokeheeshera, nkoghenda törë na uruku nkaagha syonswe igho ko okoghera iya Yëësu Kiristo, okore öbhöhöru ubhwa Yëësu Kiristo bhomaahekane kö-mëbhërë ighyëtö gheno ghikukwa.

2 Abhakörintö 5:4

Ku bhuyö ni-igha, enkaagha eno tökërëngë mu-bhighutu ibhyëtö bheno, nkunyanka törë ko bhono amangʼana m-maaru tokoghania. Tërëngë igha bhoono hayö nkutuna törë turuusibhwi ëmëbhërë gheno ghikukwa, kasi keno tukutuna, nö-kötööribhwa ëmëbhërë gheno ghetakukwa, okore ëmëbhërë gheno ghikukwa, ghemerwe na ëmëbhërë gheno ghetakukwa.

2 Abhatësarönikë 1:10

Urusikö roora Omonene Yëësu arikyora, narëtöönibhwa na abhantö abhaaye, kora naresookwa na abhantö bhonswe igho bhano bhakumukumya. Na bhëënyu bhonswe moreebha-mo, ko bhoora mwikërëëyi engʼana eera twaabhatëëbhëri.

Okohonyora 20:14

Hano ghayö ghaahööyë, uruku bheena ikyaro ikya abhaku, bhekatabhutwa mu-nyansha iyö ikwibhugha omorro. Inyansha iyö ikwibhugha omorro, yo uruku urwa kabhërë.

Okohonyora 21:4

Narebheeya amaisöri. Enkaagha iyö, uruku terorebha-ho hë, kora okobhaabhayera tekorebha-ho hë. Ikikuuro tekerebha-ho hë handë ukunyahaareka, ko bhoora amangʼana agha kare ghaara, nurinyoora ghaahwa.”