1 Abhakörintö 15:47 - Imuuma Eehya

⁴⁷ Ömöntö uwa mbere, yaabhömbirwë ukurwa ku-rirobha. Kasi ömöntö uwa kabhërë we mu-ryobha yaaruurë.

1 Abhakörintö 15:47 ပူးပေါင်းရင်းမြစ်များ

Mataayo 1:23

“Tamaaha, omokari intindë narimökya enda, eebhore omoona uwa ikishaasha! Narerokwa iriina igha Emanueri.” Ensonga iyaako igha, “Waryobha hamwë arë na bhëëtö.”

Ruuka 2:11

Engʼana iyö ni-igha, Ömötöörya uwëënyu aibhööywë reero mu-mughi ughwa Daudi. Ömötöörya uyö, we Kiristo Omonene.

Yohana 3:31

Ono akurwa mu-ryobha naana ubhwera ku-bhyonswe igho. Kasi ono akurwa ko-kebhara, uyö n-wa ko-kebhara, kora engamba iyaaye ni-iya amangʼana agha ko-kebhara kono. Ono akurwa mu-ryobha, naana ubhwera ku-bhyonswe igho.

Yohana 6:33

Ko bhoora ibhyakorya ibhya Waryobha m-beno bhikurwa mu-ryobha, na ibhyakorya bhiyö, nö-öni ono nkohaana öbhöhöru abhantö bhonswe igho abha ko-kebhara.”

Amangʼana agha Abhatomwa 10:36

Waryobha yaatomaini amangʼana ko-Bhaisiraëri agha okoraareka Amangʼana Amaiya agha omorembe, okohetera ku-Yëësu Kiristo, Omonene uwa bhonswe igho.

1 Abhakörintö 15:45

Amaandeko Amahörëëru gharaghamba igha, “Adamu ömöntö uwa mbere, yaabhömbirwë akabha na öbhöhöru,” kasi Adamu uwa umuhiko we nu-Mwika, ono akohaana abhantö öbhöhöru.

1 Abhakörintö 15:46

Kasi ömöbhërë ghono ghokotangata, tu-ughwa öbhöhöru hë, nu-ghwa esemoko ghoora, bhoono ho ghomanya kuusha ghono ghotakukwa.

2 Abhakörintö 5:1

Ëmëbhërë ighyëtö gheno too-mo ko-kebhara hano, n-kya ibhighutu. Bhëëtö ntomanyirë igha, hano ibhighutu bhiyö bheresareka, Waryobha naretohaana sinyumba seno sërëngë mu-ryobha, isya amakora ghonswe igho, seno setakohaghaashwa na ömöntö.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.