1 Abhakörintö 15:34 - Imuuma Eehya

³⁴ Mokore amangʼana kwa bhongʼaini, motakaakora ëbhëbhë, ko bhoora abhantö abhandë tebhamanyirë Waryobha hë. Nkoghamba ndë amangʼana ghayö okore mbasöökërri.

1 Abhakörintö 15:34 ပူးပေါင်းရင်းမြစ်များ

Mataayo 22:29

Yëësu akabhahonshora igha, “Nkusira mörë ko bhoora motamanyirë keno Amaandeko Amahörëëru ghakoghamba, na kya igho obhotoro ubhwa Waryobha bhörë.

Yohana 5:14

Hano ghayö ghaahööyë, Yëësu akasikana na ömöntö uyö kö-bhööri ubhwa risengerro, akamötëëbhya igha, “Bhoono uhwënirë, kasi wangarre, utighe okokora ëbhëbhë. Hano otaatighe, engʼana indito bhököngʼu, irikunyoora okokera iyö waarenga nayo.”

Yohana 8:11

Akamohonshora igha, “Ore Omonene, ömöntö wowonswe igho taaho hë.” Mbe, Yëësu akamötëëbhya igha, “Öni wonswe tenkobhotorre ikiina hë. Kaghi, kasi ukurwa reero, otakaakora ghwiki ëbhëbhë.”]

Amangʼana agha Abhatomwa 26:8

Kana, n-kwakë mukwanga ukukumya igha Waryobha nkuryökya arë abhaku?

Abharuumi 1:28

Mbe, ko bhoora bhaanga okoghoota amangʼana agha Waryobha, Waryobha wonswe yaabhatigha bhakore bhono bhakutuna. Ku bhuyö nkokora bharë amangʼana amaghogho ghano bhaanagho mo-maitegherro aghaabho. Amangʼana ghayö, kora teghaana ubhwera hë.

Abharuumi 13:11

Ni-igha mokore igho, ko bhoora momanyirë igha, enkaagha iya okobhooka, bhoono ihikirë. Enkaagha iya öbhöhönia ubhwëtö haangʼë ërë bhököngʼu, okokera kare haara hano twaasimiri ukukumya Omonene Yëësu Kiristo.

1 Abhakörintö 4:14

Tinkwandeka amangʼana ghano okore mbasöökërri hë, kasi nkobhakaania ndë kya hano nkokaania abhaana abhaane abhaghonshe.

1 Abhakörintö 6:5

Nengambirë igho, okore mbasöökërri. Nköbhöörya ndë igha, mö-bhëënyu muyö, taamo ömöntö uwa obhongʼaini kora ömwë hë, ono akotora ukwahokania amangʼana agha ibhiina ibhya abhakumya bharikyaye hë?

1 Abhakörintö 8:7

Te-bhantö bhonswe igho bhamanyirë amangʼana ghayö hë, ko bhoora bhaaho abhandë bhano bhaanara amangʼana agha ëbhëtöndö. Abhantö bhayö kora bhoono igho hano bhaarya ibhyakorya bheno bhimwënsëywë ëbhëtöndö, nkorya bharë bhaana amaitegherro agha ikimwenso ikya ëbhëtöndö, nkunyankuha bharë, ko bhoora amaitegherro aghaabho m-matëntëëru.

Abhaëfësö 5:14

nkyo kekoghera eraghambwa igha, “Bhooka uwe ono oraayë, uryoke urwe mo-bhaku na obhorabhu ubhwa Yëësu Kiristo mboraakömërëkëri.”

1 Abhatësarönikë 4:5

Motakaabha na oronamba kya urwa Abhakyaro, bho tebhamanyirë Waryobha hë.