1 Abhakörintö 15:3 - Imuuma Eehya

³ Amëëghyö agha ubhwera obhonene ghano naahaaywë naabhëëghya igha, Kiristo yaakuurë ko okoghera iya ëbhëbhë ibhyëtö, kya bhono Amaandeko Amahörëëru ghakoghamba.

1 Abhakörintö 15:3 ပူးပေါင်းရင်းမြစ်များ

Mataayo 26:24

Öni Omoona uwa Ömöntö, nendaaitwe kya igho yandëkirwë mo-Maandeko Amahörëëru. Kasi haahö, ömöntö ono araannyeere inikö. Ömöntö uyö, nyakara atakaaibhööywë.”

Mataayo 26:28

Ko bhoora ghano ngo amaanyinga aghaane agha Imuuma, ghano ghareeteke ko okoghera iya ukwabhera abhantö ëbhëbhë ibhyabho.

Ruuka 24:25

Yëësu akabhatëëbhya igha, “Ë! Bhëënyu mbe mwakangiha! N-kwakë motakukumya mo-senkoro isyënyu amangʼana ghano ghaaghambirwë na abharööti?

Yohana 1:29

Urusikö rono rwaarööbhëëyë, Yohana yaarööshë Yëësu araasha ko-we. Akatëëbhya abhantö bhano bhaarenga haara igha, “Maaha, uyö we Omoona Ringʼöndi uwa Waryobha, ono akuruusya-ho ëbhëbhë ibhya ko-kebhara kono!

Amangʼana agha Abhatomwa 17:2

Pauro akabha arasoha mu-nyumba iya esango iya Abhayahudi iyö, kya bhono eteemo iyaaye yaarë. Mbe, Pauro uyö, akabha arashumaasha na abhantö amangʼana agha Amaandeko Amahörëëru ku-sinsikö isatö isya Obhotooro seno syaaroobheraini.

Amangʼana agha Abhatomwa 3:18

Kasi ghayö ngaaikörrë, okore Waryobha ahekerani amangʼana ghaara yaaraarëkirë kare iyö okohetera ko-bharööti abhaaye bhonswe igho igha, Kiristo uwaaye areeteeswa.

Amangʼana agha Abhatomwa 8:32

Amaandeko Amahörëëru ghano omonene uyö yaasomanga, n-gaara ghandëkirwë igha, “Yaatangatiibhwi kya ringʼöndi reno rikughya ukushinshwa. Akakira kiri, kora tiyaamurri engʼana hë. Akabha kya ekemaanwa ikya ringʼöndi bhono kikukira hano kyakebhwa amashuurëërya.

Abharuumi 3:25

Waryobha yaakörrë Yëësu abhe ikimwenso ikya ukwighwerrania abhantö na Waryobha. Yaakörrë ghayö, okore abhantö bhaabherwe ëbhëbhë ibhyabho, ku ukukumya igha Yëësu Kiristo yaakuurë ko okoghera yaabho. Ni-igho Waryobha yaakörrë, okore ööröki abhantö igha, wa heene, ko bhoora yaaghömërrëëyi, tiyaabhashibhiri kö ëbhëbhë bheno bhaakörrë.

Abharuumi 4:25

Waryobha yaarëëtirë Yëësu okore akwe, ko okoghera iya ëbhëbhë ibhyëtö. Akamuryökya, okore tobharwe igha, m-ba heene törë.

1 Abhakörintö 11:2

Mbe, nkobhakumya ndë ko bhoora mukunhiita ko mangʼana ghonswe igho, kora nkoghoota mörë amangʼana ghaara, kya bhono naabhatëëbhëri.

1 Abhakörintö 11:23

Mbe, amëëghyö ghano naanyöörrë ukurwa ko-Monene Yëësu Kiristo, ngo naabhahaayë igha, ubhutikö bhoora yaakörëëywë inikö, yaaghëghirë omokaate,

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhagharatia 1:12

Ko bhoora taaho ömöntö ono yaaghangʼaayë hë, kora të-möntö wowonswe igho yaanyörökërrëëyi hë. Kasi Yëësu Kiristo umwene we yaanhönyörrëëyë.

Abhagharatia 1:4

Kiristo yaairuusiri öbhöhöru ubhwaye, ko okoghera iya ukuruusya-ho ëbhëbhë ibhyëtö. Yaakörrë igho, okore atötööri turwe mo-mangʼana amaghogho ghonswe igho agha ko-kebhara keno ikya bhoono igho. Ghayö ghonswe igho ngaabhaayë igho, ko okorengʼaana na okohansha ukwa Waryobha Taata uwëëtö.

Abhagharatia 3:13

Kiristo yaatutungurya ukurwa mu-riragha irya amaraghërryö, yaakörrë igho, ko okoghegha riragha riyö ko okoghera iya bhëëtö, ko bhoora Amaandeko Amahörëëru gharaghamba igha, “Ömöntö wowonswe igho ono ahanëkirwë ko-mosarabha, yaihiimwa.”

Abhaëfësö 1:7

Ko okohetera amaanyinga agha Kiristo Yëësu, Waryobha yatutungurya, igha, atwabhëëyë ëbhëbhë ibhyëtö okorengʼaana na ubhwaru ubhwa örööbhö urwaye.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Abhaëbhuraania 5:1

Kera omonene uwa abhasëngëri yaashaaghorwanga ukurwa mo-bharikyaye. Yaatoorwanga-ho aimererre amangʼana agha Waryobha ko okoghera iya abhantö. Yaaruusyanga sesadaaka na okokora ibhimwenso ku-Waryobha ko okoghera iya ëbhëbhë ibhya abhantö.

Abhaëbhuraania 5:3

Mbe, kiyö nkyo kyaagheranga akora ikimwenso ko okoghera iya ëbhëbhë ibhyaye na hano yaamaranga, akora ikimwenso ikya ëbhëbhë ibhya abhantö abhandë.

1 Peetero 1:11

Mbaarë na Umwika uwa Kiristo, uyö we yaaröötirë igha, Kiristo nakaatëësirwë, na hano inyaanyi iyö erehwa, narinyoora ubhuhika. Abharööti bhayö, bhaatunanga bhököngʼu bhamanye amangʼana ghayö igha, n-dööhë gharebha, na iyakë gharebha.

1 Peetero 2:24

Yëësu yaaghëghirë ëbhëbhë ibhyëtö kö-möbhërë ughwaye, kora akahanekwa ko-mosarabha. Yaakörrë igho, okore ëbhëbhë bhetakaatobhaaha ghwiki, okore tobhe na öbhömënyi bhono bhökötëghërya Waryobha. Bhëëtö twaahona ko okohetera okotemwa ukwaye.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.

1 Yohana 2:2

Uyö we ikimwenso ikya ukutwighwerrania na Waryobha ku ukuruusya-ho ëbhëbhë ibhyëtö. Ghwiki të-bhëbhë ibhyëtö ibhyene igho hë, kasi kora na ëbhëbhë ibhya abhantö bhonswe igho abha ko-kebhara kono.

Okohonyora 1:5

na ukurwa ku-Yëësu Kiristo umwimërërri uwa heene. Uyö we yaaryökiibhwi mbere, okore abhe omokama uwa abhakama bhonswe igho ko-kebhara. Yëësu Kiristo natohanshirë, kora yatotashora ukurwa mö-bhëbhë ibhyëtö ku ukutukwera.