1 Abhakörintö 15:24 - Imuuma Eehya

²⁴ Hayö ho umuhiko ughwa ekebhara ghurihika, hano arehaana Taata Waryobha Obhokama ubhwaye. Naremohaana hano urinyoora amarrë okosarya öbhötöngi bhwonswe igho, ubhwera bhwonswe igho na obhotoro bhwonswe igho.

1 Abhakörintö 15:24 ပူးပေါင်းရင်းမြစ်များ

Mataayo 10:22

Abhantö mbarebharegha hasë honswe igho, ko bhoora igha, m-beegha abhaane mörë. Kasi ono arëghömërrya okohekera ku-muhiko, Waryobha narëmötöörya.

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

Mataayo 24:13

Kasi ömöntö ono arëghömërrya okohekera ku-muhiko, uyö we Waryobha arëtöörya.

Mataayo 28:18

Mbe, Yëësu akabhasuntarra, akabhatëëbhya igha, “Waryobha angʼaayë ubhwera bhwonswe igho ubhwa mu-ryobha na ko-kebhara kono.

Ruuka 10:22

Ho ghwiki Yëësu yaabhatëëbhëri igha, “Taata Waryobha, angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha, nkutuna igha mbahonyorre.”

Yohana 13:3

Yëësu yaamanyirë igha, Taata yaamohaayë ubhwera ubhwa okotangata ëbhëntö bhyonswe igho. Ghwiki yaamanyirë igha nku-Waryobha yaarwa, kora ghwiki narikyora ku-Waryobha.

Yohana 3:35

Taata Waryobha nahanshirë Omoona uwaaye, kora amohaayë ëbhëntö bhyonswe igho.

Abharuumi 8:38

Nemanyirë bhuuya igha, teeho engʼana eno eraakaani Waryobha atakaatohansha. Ntokaabha bhahöru, handë ntokaakwa, kasi Waryobha naraaghëndërri okotohansha. Kora taaho maraika, handë abha ubhwera, handë ëbhëntö bhyonswe igho ibhya obhotoro, tebheetore ukutwahora ukurwa ku-righonshe irya Waryobha. Nekaabha igha na amangʼana ghano ghakwikora bhoono igho, handë ghano ghariisha, handë ibhya mu-ryobha, handë ibhya mu-kyaro ikya abhaku, handë ëbhëntö ibhyëndë bhyobhyonswe bheera, tebheetore okorebherra Waryobha atakaatohansha. Righonshe riyö yaarehonyora kö-bhëëtö, ko okohetera ko-Monene uwëëtö Kiristo Yëësu.

Abhaëfësö 5:20

Mukuminga Taata uwëëtö Waryobha nkaagha syonswe igho, ko amangʼana ghonswe igho, ko okoghera iya amangʼana ghano Omonene uwëëtö Yëësu Kiristo yaakora.

Abhakorosaai 2:10

Bhëënyu mwaanyoora obhoheene bhonswe igho ko okoghera iya okobha na öbhömwë na Yëësu Kiristo, uyö we Omonene uwa obhokama na ubhwera bhonswe igho, kora ko bheno bhërëngë ighörö iyö.

Abhakorosaai 2:15

Ko okohetera omosarabha, Waryobha akaruusya amasambwa obhokama ubhwagho na ubhwera ubhwagho akaghakera ku ukukirirrya, akaghasöökërrya harabhu igho.

1 Timoteo 6:15

Yëësu uyö, nariisha enkaagha eno Waryobha yaasëëmya. Waryobha umwene igho, we akötöönibhwa. Uyö umwene igho, we ömötöngi, Omokama uwa abhakama bhonswe igho, na Omonene uwa abhanene bhonswe igho.

1 Peetero 4:7

Umuhiko ughwa amangʼana ghonswe igho, ghwaahikirë haangʼë. Ku bhuyö, mongʼainihe na ukwiyangarra ko-mangʼana ghonswe igho, okore mosaasaamenga.

2 Peetero 1:11

Ku bhuyö mörësërëënibhwa bhököngʼu, mosohe mo-Bhokama ubhwa amakora ghonswe igho, ubhwa Omonene na Ömötöörya uwëëtö Yëësu Kiristo.