1 Abhakörintö 15:20 - Imuuma Eehya

²⁰ Kasi bhoono obhoheene ni-igha, Kiristo yaaryoka ukurwa mo-bhaku, omotangi uwa bhano bhaakwa.

1 Abhakörintö 15:20 ပူးပေါင်းရင်းမြစ်များ

Amangʼana agha Abhatomwa 2:24

Kasi Waryobha yaamuryökëri ukurwa mo-bhaku. Akamuruusirya-ho öbhörrö ubhwa uruku, ko bhoora singuru isya uruku, tesekaatörrë okomorebherra hë.

Amangʼana agha Abhatomwa 26:23

igha Kiristo nakaatëësirwë, atangate ukuryoka ukurwa mo-bhaku, okore araareke amangʼana agha Obhokama ubhwa Waryobha ko-Bhayahudi na ko-Bhakyaro.”

Abharuumi 8:11

Umwika Ömöhörëëru ono amënyirë mo-senkoro isyënyu, uyö we Umwika uwa Waryobha ono yaaryökëri Kiristo Yëësu. Ku bhuyö Waryobha nariryökya ëmëbhërë ighyënyu gheno ghikukwa ko okohetera obhotoro ubhwa Umwika Ömöhörëëru uyöuyö.

1 Abhakörintö 15:23

Kasi kera ömöntö ko-nkaagha iyaaye, Yëësu Kiristo we omotangi, bhararoobhera-ko abhantö abhaaye hano ariisha.

1 Abhakörintö 15:6

Hano yaamarrë, akabhooshokera abhakumya okoheteera ekerengere ikya amaghana ataano, abhakumya bhayö n-hamwë bhaarenga. Abhaaru mo-bhantö bhayö, kora bhoono igho hobharë, kasi abhandë bhaakwa.

Abhakorosaai 1:18

We omotwe ughwa ömöbhërë, ekanisa yo ekobherekerwa igha, ömöbhërë. Ensonga iya engʼana iyö ni-igha, we okosemoka ukwa ekanisa, ghwiki we uwa mbere ukuryoka ukurwa mo-bhaku, okore abhe omonene uwa ëbhëntö bhyonswe igho.

1 Abhatësarönikë 4:16

Ko bhoora Omonene Yëësu umwene naariika ukurwa mu-ryobha. Nareraghërrya kwa nguru, abhantö mbariighwa engamba iya maraika omonene, na orotera urwa Waryobha ndurihuutwa. Ho abhakumya abha Kiristo bhonswe igho bhano bhaakwa, bhariryökibhwa mbere.

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.

Okohonyora 1:5

na ukurwa ku-Yëësu Kiristo umwimërërri uwa heene. Uyö we yaaryökiibhwi mbere, okore abhe omokama uwa abhakama bhonswe igho ko-kebhara. Yëësu Kiristo natohanshirë, kora yatotashora ukurwa mö-bhëbhë ibhyëtö ku ukutukwera.

Okohonyora 14:13

Nkaighwa engamba erarwa mu-ryobha, eraghamba igha, “Andeka igha, nyakara abhantö bhano bhakukwa ukurwa bhoono igho na eno bhakumiri Omonene Yëësu.” Mbe, Umwika Ömöhörëëru uwa Waryobha akaghamba igha, “Tigha bhamuunye inyanko iyaabho eno bhaanyoora, ko bhoora amangʼana aghaabho amaiya ghano bhaakora, ngarebhasoorana.”