1 Abhakörintö 15:13 - Imuuma Eehya

¹³ Nyoore ukuryoka ukwa abhaku kotaaho, mbe tomanye igha, Kiristo wonswe tiyaaryoka hë.

1 Abhakörintö 15:13 ပူးပေါင်းရင်းမြစ်များ

Amangʼana agha Abhatomwa 23:8

(Ikibhuno ikya ukwahokana kuyö ni-igha, Abhasadukaayo bharaghamba igha, abhaku tebhariryoka hë, na abhamaraika tebhaaho hë, kora amasambwa teghaaho hë. Kasi Abhafarisaayo bho nkwikërrya bharë ghayö ghonswe igho.)

Abharuumi 8:11

Umwika Ömöhörëëru ono amënyirë mo-senkoro isyënyu, uyö we Umwika uwa Waryobha ono yaaryökëri Kiristo Yëësu. Ku bhuyö Waryobha nariryökya ëmëbhërë ighyënyu gheno ghikukwa ko okohetera obhotoro ubhwa Umwika Ömöhörëëru uyöuyö.

Abharuumi 8:23

Ti-igha në-bhëntö bhiyö ibhyene igho mbyo bhikukuura hë. Kasi kora na bhëëtö bhonswe, bhano twaahaanwa Umwika Ömöhörëëru, okore tuwonshi ubhuuya bhono torehaanwa, nkukuura törë mo-senkoro isyëtö. Waryobha we tokoghanya, atohaane ubhwera bhwonswe igho ubhwa okobha abhaana abhaaye. Keno nkoghamba ni-igha, atutunguri, ëmëbhërë ighyëtö ghebhe emehya.

1 Abhakörintö 15:12

Mbe, nyoore nkoraareka törë igha, Kiristo yaaryökirë ukurwa mo-bhaku, bhoono n-kwakë abhandë mö-bhëënyu bhakoghamba igha, ukuryoka ukwa abhaku tekooho hë?

1 Abhakörintö 15:14

Ghwiki nyoore Yëësu Kiristo ataaryoka, obhoraarëki ubhwëtö tebhoona ubhwera hë, na umukumo ughwënyu n-gwa bhosa, teghoona ubhwera hë.

1 Abhakörintö 15:20

Kasi bhoono obhoheene ni-igha, Kiristo yaaryoka ukurwa mo-bhaku, omotangi uwa bhano bhaakwa.

1 Abhatësarönikë 4:14

Bhëëtö Abhakiristo ntomanyirë igha Yëësu yaakuurë, akamara akaryoka. Ku bhuyö, nkwesegha törë igha, Waryobha narereeta Yëësu hamwë na abhantö bhonswe igho bhano bhaakwa na eno bharamukumya.

2 Timoteo 4:8

Bhoono keno kitighaayë, no-kohaanwa ikirighi ikya heene. Omonene Yëësu, ono akobhotora ibhiina ubhwa heene, narekengʼaana urusikö roora arikyora. Tö-öni umwene igho hë, kasi na abhandë bhonswe igho bhano bhakwitengʼera bhököngʼu ukukyora ukwaye.

Abhaëbhuraania 13:20

Mbe, Waryobha ono akohaana abhantö omorembe, yaaryökëri Omonene uwëëtö Yëësu Kiristo. Uyö we Omokaraabhërri uwa amangʼöndi Omonene, okohetera ko-nshera iya ukwëtëkya amaanyinga aghaaye agha imuuma iya amakora ghonswe igho.

Abhaëbhuraania 2:14

Mbe, ko bhoora ntoona ëmëbhërë na amaanyinga, Yëësu Kiristo wonswe yaaishirë akabha na ömöbhërë na amaanyinga kya bhëëtö. Yaakörrë igho, okore ko okohetera ukukwa ukwaye, asiki Oghosambwa nyabhwera ubhwa uruku.

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.

Okohonyora 1:18

Nö-öni öbhöhöru! Naarenga nkuurë, kasi bhoono tamaaha, möhöru ndë, amakora ghonswe igho. Nö-öni neena sefongoro isya uruku na isya mu-kyaro ikya abhaku.