1 Abhakörintö 15:10 - Imuuma Eehya

¹⁰ Kasi bhono ndëngë bhoono igho, n-ko okoghera ukwa örööbhö urwa Waryobha. Örööbhö urwaye ruyö ku-öni, te-rwa bhosa hë, ko bhoora rwaaghera naakora emeremo okokera abhandë bhonswe igho, te-ko obhotoro ubhwane umwene hë, kasi nö-rööbhö urwa Waryobha ruyö rörëngë hamwë na öni.

1 Abhakörintö 15:10 ပူးပေါင်းရင်းမြစ်များ

Mataayo 10:20

Ko bhoora ti-igha m-bëënyu moreghamba hë, kasi nu-Mwika uwa Taata uwëëtö we areghera moghambe keno akutuna moghambe.

Mataayo 25:16

“Omoghorwa oora yaahaaywë setaranta isaano, akasekorra ibhyashara, akaibhörya-mo isaano isyëndë.

Abharuumi 11:1

Bhoono nköbhöörya ndë igha, Waryobha yaasendeka hayö abhantö abhaaye? A a, ti-igho hë! Öni umwene m-Mwisiraëri ndë, umwebhorwa uwa Ibhurahimu, uwa ekabhira iya Bhenjamini.

Abharuumi 12:3

Ko bhoora Yëësu Kiristo angʼaayë örööbhö igha mbe omotomwa uwaaye, ku bhuyö nkobhatëëbhya ndë igha, kera ömöntö mö-bhëënyu muyö, atakaimaaha igha, naingʼarëëyë okokera bhuyö arë, kasi abhe na obhongʼaini. Kera ömöntö yaahaanwa na Waryobha ekerengere ikyaye ikya umukumo.

1 Abhakörintö 15:11

Mbe, nokaanyoora igha nö-öni, handë igha na-bhatomwa abhandë bhayö, amangʼana n-gaaraghaara tokoraareka, na ghayö ngo mwaakumya.

1 Abhakörintö 15:2

Amangʼana Amaiya ghayö, ngo ghakobhahaana öbhötöörya, hano moraaghëndërri ukukumya amangʼana ghayö naabharaarëkëëyë. Hano motaaghaghoote, momanye igha ukukumya ukwënyu n-kwa bhosa.

1 Abhakörintö 3:10

Waryobha kö örööbhö urwaye rono yaangʼaana, yaantöörrya okohaghaasha umusingi kya omohaghaashi umuuya omongʼaini, ono amanyirë amangʼana, nkatoora-ho umusingi ghono ömöntö uwöndë akohaghaasha-ko. Mbe, kera ömöntö angarre bhuuya bhono akohaghaasha ku-musingi kuyö.

1 Abhakörintö 3:6

Öni nëëmya, Apöörö akeeterra amanshë, kasi Waryobha we akukiinia.

1 Abhakörintö 4:7

Bhoono uwe n-nawë yaakokora obhe uwa heene okokera abhandë? N-kë onakyo keno otaahaanwa na Waryobha? Nyoore waahaanwa, n-kwakë ukwibhaaka kya ono otaahaanwa?

2 Abhakörintö 12:11

Ngambirë igho kya omokangi, ko bhoora bhëënyu m-bëënyu möghërrë ngambirë kya omokangi. Ko bhoora yaarenga igha bhëënyu munkumi. Nokaanyoora igha tiningʼarëëyi hë, kasi öni te-moke ndë, okokera bhayö bhakwihasha igha, “M-batomwa abhanene.”

2 Abhakörintö 3:5

Tërëngë igha nkokanya törë igha, kyokyonswe keno tokokora, n-ko obhotoro ubhwëtö abheene, a a, n-ko obhotoro ubhwa Waryobha.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

Abhagharatia 2:8

Mbe, Waryobha ono yaakörrë Peetero abhe omotomwa ko-Bhayahudi, we uyöuyö yaankörrë na öni wonswe nkabha omotomwa ko-Bhakyaro.

Abhafiripi 2:13

Mbe, mokorenga igho, ko bhoora Waryobha we akoghera morahansha okokora ghano akutuna mokore, kora nkobhahaana arë obhotoro ubhwa okoghakora.

Abhafiripi 4:13

Nkotora ndë okokora ghonswe igho ghayö, ko bhoora Kiristo we akongʼaana singuru isya okokora ghayö.

1 Abhatësarönikë 5:12

Bhoono abhakumya bharikyëtö, torabhasabha igha, mosookenga bhaara bhakobhatöörrya, na eno bharabhatangata na okobhaghambera ku ubhwera ubhwa Omonene Yëësu.

1 Timoteo 4:10

Engʼana iyö, yo ekoghera toranyanka na torakora omotono ko-meremo, ko bhoora igha, Waryobha ömöhöru we tukwitengʼera. Uyö we Ömötöörya uwa abhantö bhonswe igho, ekenene m-Mötöörya uwa bhano bhakumukumya.