1 Abhakörintö 14:6 - Imuuma Eehya

⁶ Bhoono abhakumya bharikyane, hano nkaasha kö-bhëënyu hayö, mbashumaashere ebheghambo ebhehya, n-hoorohooro kë eno moraanyoore? Kasi hano ndaabhatëëbhi ghano oraanyoore nhönyörrëëywë na Waryobha, handë mbahaane obhomanyi ubhwa engʼana nyabhorebhe, handë mbaraarekere engʼana iya Waryobha, handë mbëëghi, hayö moraanyoore ehoorohooro.

1 Abhakörintö 14:6 ပူးပေါင်းရင်းမြစ်များ

Mataayo 11:25

Ko-nkaagha iyöiyö, Yëësu akaghamba igha, “Uwe Taata, nu-uwe nkukumya Omonene uwa kera ëkëntö mu-ryobha iyö na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake.

Mataayo 16:17

Yëësu akatëëbhya Peetero igha, “Uwe Simööni mura uwa Yoona, wangʼoorwa, ko bhoora taaho ömöntö ono aköhönyörrëëyë ghayö, kasi n-Taata uwa mu-ryobha, we aköhönyörrëëyë.

Mataayo 16:26

Bhoono ömöntö n-hoorohooro kë araanyoore, hano akaanyoora ëbhëntö bhyonswe igho ibhya ko-kebhara kono, kasi asiri öbhöhöru ubhwaye? Handë n-kë ömöntö akaaruusya, okore anyoore öbhöhöru ubhwa amakora ghonswe igho?

Amangʼana agha Abhatomwa 2:42

Abheegha abha Yëësu bhaanaghirë mö-mëëghyö agha abhatomwa abha Yëësu. Bhaasanganga hamwë omokaate, na okosaasaama Waryobha.

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

Abharuumi 16:17

Bhoono abhakumya bharikyëtö, ndabhasaasaama igha, mwiyangarre ko-bhantö bhaara bhakwëghya amëëghyö agha ukunyaraghania abhantö. Amëëghyö ghayö, kora nkosarya gharë umukumo na seteemo isya abhantö. Abhantö kya bhayö, mobhahete hare, ko bhoora amëëghyö ghaabho teghanga kya ghaara mwëghibhwa hë.

Abharuumi 6:17

Bhëënyu ni-igho mwaarë kare, ko bhoora m-baghorwa abha ëbhëbhë mwaarë. Bhoono öni nkukumya ndë Waryobha, ko bhoora mwikërëëyi amëëghyö agha Kiristo ghano mwëghibhwa, kora nkoghasoorana mörë bhwaheene.

1 Abhakörintö 10:33

Mobhe kya öni bhono nkötëghërya abhantö bhonswe igho, ko amangʼana ghonswe igho ghano nkokora. Tenkokora igho ko okoghera iya ehoorohooro iyaane, kasi n-ko okoghera iya ehoorohooro iya abhantö abhaaru okore bhatööribhwi.

1 Abhakörintö 14:1

Mwiköngʼërri okobha na righonshe. Ghwiki ni-igha mutune bhököngʼu okobha na imituho ighya Umwika Ömöhörëëru, ekenene, ituho iya ukuruusya öbhörööti.

1 Abhakörintö 14:7

Ni-igho ekobha kora kö-bhëntö ibhya ökörëëtërya. Ëbhëntö bhiyö tebhekoheeshera hë, nkekaabha ekerongwe, handë ritungu. Hano ëbhëntö bhiyö bheraange okobha na emebhari ëmëhagharë, ömöntö namanya rirëëtyö reno rëkörëëtibhwa mu-ritungu muyö?

2 Abhakörintö 11:6

Nokaanyoora nkomaahekana ndë igha, temanyirë okoghamba bhuuya hë, kasi obhomanyi ubhwane ubhwa amangʼana, m-bonene. Kiyö nkyo mwaarööshë bhuuya kö-bhëëtö, ahasë honswe igho, na senkaagha syonswe igho hano twaarë kö-bhëënyu hayö.

2 Abhakörintö 12:1

Ni-igha niikumi, nokaanyoora igha ti-bhuuya hë. Kasi nendaahekeere amamaaho ghano nkomaaha na obhohonyoro ubhwa amangʼana ukurwa ko-Monene.

2 Abhakörintö 12:7

Naahaaywë inyanko kö-möbhërë ughwane, eno enga kya reehwa. Inyanko iyö, ni-iya umihiri uwa amangʼana uwa Oghosambwa, ono yaatömirwë anyanki, okore ntakaikumya bhököngʼu ko okoghera iya amangʼana ghayö nööröökiibhwi.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhaëfësö 3:4

Hano moraasome amangʼana ghayö mbandëkëëyë, moratora okomanyërrya kya bhono öni manyirë ësëëmyö iyö, iya amangʼana agha Yëësu Kiristo.

Abhafiripi 3:15

Ku bhuyö bhëëtö bhonswe igho abhahangarru abha umukumo, ni-igha twikererrani ko-mangʼana ghayö. Nyoore moona amaitegherro ghano ghatanga kya ghayö ngambirë, Waryobha naraabhahonyorre moghamanye bhono gharë.

2 Timoteo 2:14

Uhiitöki abhakumya amangʼana ghayö, na okobhakaania mbere iya Waryobha, bhatakaanyeerananga senkaani ko obhongʼana bhoke bhoke. Ko bhoora senkaani siyö, teseena moremo hë, kasi senkaani siyö, nkosarya sërë bhano bhakwitegherra.

2 Timoteo 3:10

Kasi uwe waaghoota-ko amëëghyö aghaane, eteemo iyaane, ësëëmyö iyaane, umukumo ughwane, na ököghömërrya ukwane,

2 Timoteo 3:16

Amaandeko Amahörëëru ghonswe igho nku-Waryobha ghaarwa. Ku bhuyö amaandeko ghayö, ngaingʼarëëyë ukwëghya abhantö obhoheene, na okobhakaania okore bhatighe amangʼana amaghogho ghano bhakokora, okobhakaania hano bhasarri, na ököbhöörökya kera ëkëntö keno kingʼarëëyë Waryobha.

2 Timoteo 4:2

Bhoono oraarekenga engʼana iya Waryobha na eno wisëëmëri okokora emeremo ighya Waryobha, ko-nkaagha eno amangʼana ghakughya bhuuya, na enkaagha eno ukunyoora ghasarëkirë. Okaaninga abhantö, obhahamerenga na okobhatogheka. Okorenga igho, kö ököghömërrya bhököngʼu na örëëghya.

Tiito 3:8

Amangʼana ghayö nkötëëbhëri, na-agha obhoheene. Nkutuna ndë igha oghakangʼasërri ko-bhantö, okore bhano bhonswe igho bhakukumya Waryobha, bhaghanaghi, na bhaiköngʼërri okokora amangʼana amaiya. Amangʼana ghayö m-maiya, kora ngaana ubhwera ko-bhantö bhonswe igho.

Abhaëbhuraania 13:9

Motakaarutwa na amëëghyö aghandëghandë igho amaghëni, ko bhoora m-buuya enkoro ëtërëmibhwi kö örööbhö urwa Waryobha, kasi te-ko okoghera iya seteemo isya amaraghërryö agha ibhyakorya. Abhantö bhano bhaaghoota amangʼana ghayö, tebhanyoora ehoorohooro yoyonswe eera hë.

2 Peetero 1:5

Ku bhuyö mokore omotono, okore umukumo ughwënyu ghwëngëribhwi-ko öbhöntö ubhwa heene, öbhöntö ubhwa heene bhuyö, bhwëngëribhwi-ko obhongʼaini.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

2 Yohana 1:9

Ömöntö wowonswe igho ono atakoghoota amëëghyö agha Yëësu Kiristo, kora ghwiki igha nkoghasyörya arë, uyö taana öbhömwë na Waryobha hë. Kasi ömöntö ono aköghëndërrya okoghoota amëëghyö agha Yëësu Kiristo, uyö naana öbhömwë na bhonswe igho, Taata Waryobha, na Omoona uwa Waryobha.