1 Abhakörintö 14:5 - Imuuma Eehya

⁵ Öni nkutuna ndë igha, n-hano bhonswe igho mokaashumaasha ebheghambo ebhehya, kasi ekenene ni-igha, n-hano mokaaruusya öbhörööti. Nkoghamba ndë igho ko bhoora ömöntö ono akuruusya öbhörööti, uyö nakërrë umushumaashi uwa ebheghambo ebhehya, hano ataasesore, okore ahaghaashe abhantö abha ekanisa.

1 Abhakörintö 14:5 ပူးပေါင်းရင်းမြစ်များ

Maariko 16:17

Abhantö bhano bharaakumi, mbaaraakorenga ebhemanyërryö ibhya ukwata amasambwa ko-bhantö, ku iriina iryane, mbaraaghambenga ebheghambo ebhehya,

Abharuumi 14:19

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

1 Abhakörintö 12:10

Nkohaana arë uwöndë obhotoro ubhwa okokora amakono, na uwöndë öbhörööti ubhwa amangʼana ghano ghakurwa ku-Waryobha. Uwöndë obhomanyi ubhwa amangʼana igha, ghano nku-Mwika Ömöhörëëru gharuurë, handë igha nku-risambwa gharuurë. Uwöndë amohaana ituho iya okoghamba ebheghambo ebhehya. Uwöndë amohaana ituho iya okosesora ebheghambo bhiyö.

1 Abhakörintö 13:1

Nenkaghamba ko-bheghambo ibhya abhantö, handë ibhya abhamaraika, kasi hano ntaana righonshe, m-bosa, obhoghambi ubhwane bhuyö, n-kituri kya bhosa igho, tebhoona moremo hë.

1 Abhakörintö 13:4

Ömöntö uwa righonshe, nköghömërrya arë amangʼana, nkösërëënia arë abhantö, takobha na rikenge hë, takwihasha handë ukwiheema hë.

1 Abhakörintö 14:1

Mwiköngʼërri okobha na righonshe. Ghwiki ni-igha mutune bhököngʼu okobha na imituho ighya Umwika Ömöhörëëru, ekenene, ituho iya ukuruusya öbhörööti.

1 Abhakörintö 14:17

M-maheene igha, ukukumya ukwaho kuyö, koratora kobha kuuya ku-Waryobha, kasi tokohaghaasha umukumo ughwa murikyaho hë.