1 Abhakörintö 14:3 - Imuuma Eehya

³ Kasi ono akuruusya öbhörööti, we nkushumaasha arë na abhantö amangʼana agha okobhatöörrya ku-mukumo ughwabho, agha okobharöörësya na agha okobhatërëmya.

1 Abhakörintö 14:3 ပူးပေါင်းရင်းမြစ်များ

Ruuka 3:18

Ni-igho Yohana yaabhakangʼasërryanga ko okobharëngërya ëbhërëngyö bhiyö, na ibhyëndë ibhyaru, akabha arabharaarekera Amangʼana Amaiya agha Waryobha.

Amangʼana agha Abhatomwa 13:15

Hano amangʼana ukurwa mo-maraghërryö agha Mosa na mo-bhetabho ibhya abharööti ghaamarrwe okosomwa, abhanene abha inyumba iya esango iya Abhayahudi iyö, bhakaherra amangʼana bhaabho Pauro igha, “Nyoore bhamurë moona engʼana iya ökötërëmya abhantö bhano, mogheghambe.”

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Amangʼana agha Abhatomwa 15:32

Abharööti Yuuda bhaana Siira, bhakatëëbhya abhakumya bharikyabho amangʼana amaaru agha okobhatërëmya, bhakaterema.

Amangʼana agha Abhatomwa 4:36

Mbe, yaare-ho Omoraawi uwöndë, ono yaabherekerwanga igha Yusufu, umwebhorwa uwa kwi-ghinga irya Kiipuro. Uyö we abhatomwa abha Yëësu bhaarökirë igha Bharinaabha (ensonga yaamo ni-igha, “Ömötërëmya.”)

Amangʼana agha Abhatomwa 9:31

Mbe, ekanisa ekabha na omorembe ahasë honswe igho, Yudea, mo-mokowa ughwa Ghariraaya na Samaaria. Abhakumya bhakaghëndërrya okonagha, na okosooka Omonene Yëësu. Ko okoseghwa na Umwika Ömöhörëëru, abhantö bhakaaruha mo-kanisa.

Abharuumi 12:8

Uwa ököröörësya, aröörësi bhuuya. Ömösërëënia, asërëëninga kwa nkoro ëmwë. Omotangati wonswe, akore omotono ughwa okotonga bhwaheene. Ömötöörrya uwa abhantö, abhatöörringa asambaarokire.

Abharuumi 14:19

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

Abharuumi 15:2

Kera ömöntö mö-bhëëtö, akorre umukumya murikyaye nyamukumo mötëntëëru, amangʼana agha ökömötëghërya, okore umukumo ughwa nyamukumo mötëntëëru ghonaghe.

1 Abhakörintö 10:23

Abhantö bharaghamba igha, “Ëbhëntö bhyonswe igho, m-biiya bhiiki.” Kasi te-bhyonswe igho bheena ubhwera hë. “Ëbhëntö bhyonswe igho m-biiya bhiiki,” kasi te-bhyonswe igho bhekohaghaasha umukumo ughwa ömöntö.

1 Abhakörintö 14:12

Ni-ighoigho ekobha kora na kö-bhëënyu bhonswe. Ko bhono mukutuna bhököngʼu igha mobhe na ituho iya Umwika Ömöhörëëru, mokore omotono ughwa ukughinyoora, okore ekenene bhëënyu ekanisa, motoghekane.

1 Abhakörintö 14:17

M-maheene igha, ukukumya ukwaho kuyö, koratora kobha kuuya ku-Waryobha, kasi tokohaghaasha umukumo ughwa murikyaho hë.

1 Abhakörintö 14:26

Mbe, bhoono abhakumya bharikyane, iyakë nkaghamba? Hano mwasikana hamwë, igha kera ömöntö aana rirëëtyö, aana amëëghyö, aana obhohonyoro, aana ekeghambo ekehya, aana esesoro. Amangʼana ghayö ghonswe igho, ni-igha ghakorwe ko okoghera iya okohaghaashana.

1 Abhakörintö 14:31

Ko bhoora ni-igha, kera ömöntö anyoore umweya ughwa okoghamba öbhörööti ubhwaye, okore abhantö bhonswe igho bheeghe na bharöörësibhwi.

1 Abhakörintö 8:1

Mbe, bhoono tigha nshumaashere amangʼana agha ibhyakorya bheno bhimwënsëywë ëbhëtöndö. Ntomanyirë bhono bhëënyu mokoghamba igha, “Bhëëtö bhonswe igho, ntoona obhomanyi ko amangʼana ghayö.” Kasi obhomanyi, nkoreeta bhörë ikiheemere ko-bhantö. Na righonshe ryo nkoghera rërë umukumo ughwa ömöntö ghonagha.

2 Abhakörintö 1:4

We akötöghösörrya mu-nyanko iyëëtö yonswe igho, okore na bhëëtö bhonswe töghösörri abhandë bhano bharëngë mu-nyaanyi yoyonswe eera, kya bhono bhëëtö tököghösörribhwa na Waryobha.

2 Abhakörintö 2:7

Bhoono ömöntö uyö, ni-igha mumwabhere, kora mömöröörësinga, okore atakaabhaabhayera bhököngʼu, kora aheteerani.

Abhaëfësö 4:29

Motakaaghambanga amangʼana amaghogho. Kasi moghambenga amangʼana amaiya ghano ghakotogheka mukumo ughwa bharikyënyu.

Abhaëfësö 6:22

Kiyö nkyo kyaaghërrë nkamotoma kö-bhëënyu iyö, okore momanye ghano ghakutunyoora eno, na ghwiki igha, abhatëëbhi amangʼana ghano gharaabhatogheke.

Abhakorosaai 4:8

Kiyö nkyo kyaaghërrë nkamotoma kö-bhëënyu iyö, okore momanye ghano ghakutunyoora eno, na ghwiki igha, abhatëëbhi amangʼana ghano gharaabhatogheke.

1 Abhatësarönikë 2:11

Ghwiki mmomanyirë igha, enkaagha iyö twaarenga hamwë na bhëënyu, ntwaabhakorranga kya bhono omoghaaka akokorra abhaana abhaaye.

1 Abhatësarönikë 2:3

Amangʼana ghano tokobhakangʼasërrya, ta-agha okobhasirya ëkëkööri, handë okobharaarekera ko obhoghogho, handë okobhangʼaina.

1 Abhatësarönikë 3:2

kasi totome murikyëtö Timoteo, okore aashe abhatogheke mo-senkoro isyënyu, na okobhatërëmya ku-mukumo ughwënyu. Timoteo uyö, nö-mököri uwa emeremo murikyëtö uwa Waryobha ko okoraareka Amangʼana Amaiya agha Kiristo.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

1 Abhatësarönikë 4:18

Bhoono motoghekanenga ko amangʼana ghayö.

2 Abhatësarönikë 3:12

Abhantö bhayö torabharaghërrya na okobhakaania ku ubhwera ubhwa Omonene Yëësu Kiristo igha, bhakorenga emeremo ighyabho bhahörëërrë, okore bhabhe na ibhyakorya ibhyabho abheene.

1 Timoteo 1:4

Obhakaani bhatakaaikërrya amaghano ghano ghataana ubhwera bhwobhwonswe bhoora, na ököröndërrya amariina agha abhakörö, nagho ghatakohwa röndë hë. Amangʼana ghayö, n-senkaani isyene igho ghakoreeta mo-bhantö. Teghakötöörrya abhantö bhakumi Waryobha kya bhono ësëëmyö iyaaye iya ukutungurya abhantö ërë.

1 Timoteo 4:13

Ughinga orakora omotono ughwa okosomera abhantö Amaandeko Amahörëëru. Öghëndërri okoraareka na ukwëghya abhantö okohekera hano ndiisha iyö.

1 Timoteo 6:2

Hano oraanyoore abhaghorwa bhaana abhanene abhaabho bhano bhaakumya Yëësu, engʼana iyö, etakaaghera bhabhasere. Kasi bhabhakorre emeremo bhuuya bhököngʼu, ko bhoora bhayö, m-bakumya bharikyabho bhakötöörrya emeremo, kora m-baghonshe abhaabho. Okaani abhantö, na ököbhëëghya amangʼana ghayö bhuuya.

2 Timoteo 4:2

Bhoono oraarekenga engʼana iya Waryobha na eno wisëëmëri okokora emeremo ighya Waryobha, ko-nkaagha eno amangʼana ghakughya bhuuya, na enkaagha eno ukunyoora ghasarëkirë. Okaaninga abhantö, obhahamerenga na okobhatogheka. Okorenga igho, kö ököghömërrya bhököngʼu na örëëghya.

Tiito 1:9

Aghootenga bhuuya amangʼana agha obhoheene agha Yëësu Kiristo, kya bhono yëëghibhwa. Hayö ho araatore okotogheka abhantö ko amëëghyö agha obhoheene, na okohengera bhonswe igho bhano bhakunyeera senkaani amëëghyö ghayö.

Tiito 2:15

Mbe, bhoono wëëghinga abhantö amangʼana ghayö ghonswe igho. Oona ubhwera bhwonswe igho ubhwa okotogheka na okokaania abhantö, ku bhuyö, otakaaserwa na ömöntö wowonswe oora.

Tiito 2:6

Kora abhamura bhonswe obhakaani, okore bhagheere ngʼora amangʼana ghonswe igho.

Tiito 2:9

Ötëëbhinga abhaghorwa igha, bhasookenga abhanene abhaabho na okobhakorra amangʼana ghonswe igho bhuuya, bhatakaabhanyeera senkaani.

Abhaëbhuraania 10:25

Totakatigha ukwikomania hamwë, kya igho abhandë bhatigha ukwikomania. Tokaananinga, na töghëndërringa okokora igho, ko bhoora mokomaaha igha urusikö urwa ukukyora ukwa Omonene uwëëtö Yëësu Kiristo haangʼë rörë.

Abhaëbhuraania 13:22

Ndabhasaasaama bhëënyu abhakumya bharikyane, moghoote amangʼana ghayö mbaaraghërrëëyi, ko bhoora ritashandighi reno, nku-bhwëngʼë igho mbandëkëëyë.

Abhaëbhuraania 3:13

Kasi ni-igha motoghekanenga kera urusikö rono rokobherekerwa igha reero, okore atakaabha-ho mö-bhëënyu muyö, ömöntö nyamotwe mököngʼu, ko okoghera iya okongʼainwa na ëbhëbhë.

1 Peetero 5:12

Siriwano umukumya murikyëtö ono öni manyirë bhuuya igha, m-möntö uwa heene, we antöörëëyi okobhandekera ritashandighi iryëngʼë reno. Nkutuna ndë mbatërëmi ko okobhatëëbhya obhoheene igha, amangʼana ghano, obhoheene nö-rööbhö urwa Waryobha. Ku bhuyö ni-igha monaghe ko okohetera örööbhö ruyö!

Yuuda 1:20

Kasi bhëënyu bhare bhaghonshe abhaane, mwiraarerre ku righonshe irya Waryobha. Monaghe ku-mukumo ughwënyu ömöhörëëru bhököngʼu, mosabhenga ko obhotoro ubhwa Umwika Ömöhörëëru, na eno moraitengʼera na ukushomerwa ko okoghera iya ikyabhera ikya Omonene uwëëtö Yëësu Kiristo, ono araabhareetere öbhöhöru ubhwa amakora ghonswe igho.