1 Abhakörintö 14:20 - Imuuma Eehya

²⁰ Abhakumya bharikyane, motakaabha na amaitegherro kya agha abhaana. Nyakara mobhe abhaana ko mangʼana amaghogho, kasi mo-sehakëri isyënyu, mobhe abhantö abhakörö.

1 Abhakörintö 14:20 ပူးပေါင်းရင်းမြစ်များ

Mataayo 11:25

Ko-nkaagha iyöiyö, Yëësu akaghamba igha, “Uwe Taata, nu-uwe nkukumya Omonene uwa kera ëkëntö mu-ryobha iyö na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake.

Mataayo 18:3

Akabhatëëbhya igha, “No-bhoheene nkobhatëëbhya igha, hano motaabhe kya abhaana abhake, temosohe mo-Bhokama ubhwa Waryobha hë.

Mataayo 19:14

Kasi Yëësu akabhatëëbhya igha, “Mutighe abhaana abhake bhayö, bhaashenga ku-öni, motakaabhakaanianga. Ko bhoora Obhokama ubhwa Waryobha nu-bhwa abhantö bhano bharëngë kya abhaana bhano.”

Mataayo 19:4

Yëësu akabhahonshora igha, “Kana, temwakasömirë kya bhono Amaandeko Amahörëëru ghakoghamba igha, ukurwa kare ‘Waryobha yaabhömbirë omokari na umushaasha’?

Maariko 10:15

No-bhoheene nkobhatëëbhya igha, ömöntö ono atakwikërrya Öbhötöngi ubhwa Waryobha kya omoona omoke bhono akukumya, taatore okosoha mo-Bhokama ubhwa Waryobha hë.”

Ruuka 18:17

No-bhoheene nkobhatëëbhya igha, ömöntö ono atakwikërrya Öbhötöngi ubhwa Waryobha kya omoona omoke bhono akukumya, taatore okosoha mo-Bhokama ubhwa Waryobha hë.”

Abharuumi 1:13

Abhakumya bharikyëtö, nkutuna ndë momanye igha, naatunanga bhököngʼu igha niishe mbamaahe, kasi nanyabhoono, nkorebherrwa nkërë. Nkutuna ndë niishe kö-bhëënyu iyö, okore ndute abhantö bhakumi Omonene Yëësu, kya bhoora naakörrë mo-Bhakyaro abhandë.

Abharuumi 16:19

Abhantö bhonswe igho bhaighwa igha, m-baighwa mörë. Engʼana iyö nkunshomera ërë bhököngʼu. Nkutuna ndë mobhe na sehakëri isya okokora amangʼana amaiya, motakaabha na risoro irya amangʼana amaghogho.

1 Abhakörintö 13:11

Hano naarë omoona moke, ukushumaasha ukwane n-kwa ikyana kwaarë, na-mangʼana agha ikyana ngo naamanyirë, amaitegherro aghaane n-ga ikyana ghaarë, kasi bhoono nabhaayë ömöntö mökörö, natighirë amangʼana agha ikyana.

1 Abhakörintö 14:19

kasi hano naabha mo-kanisa, ndatuna nshumaashe ko sehakëri isyane ngakaabha amangʼana ataano igho, ghano ghamanyekaini, okore nëëghi abhantö abhandë. Iyö yo engʼana enene okokera ukushumaasha amangʼana ëbhëkwë ikömi, ko ekeghambo ekehya.

1 Abhakörintö 2:6

Nokaanyoora ni-igho ërë, kasi nkoghamba törë amangʼana agha obhongʼaini ko-bhantö bhano umukumo ughwabho ghwakongʼa, to-bhongʼaini ubhwa ko-kebhara keno hë, handë ubhwa abhatöngi abha ekebhara keno, bhayö m-manshë mahëti.

Abhaëfësö 4:13

Engʼana iyö, neraaghëndërri igho, okohekera hano bhëëtö bhonswe igho, torebha abhamwë ku umukumo ughwëtö, na okomanya Omoona uwa Waryobha. Ntorebha abhakumya bhano bhaahera ku umukumo ughwëtö. Ghwiki ntoraabhe abhantö abha heene kya Kiristo ono arëngë uwa heene.

Abhafiripi 1:9

Nkobhasabhera ndë ku-Waryobha igha, righonshe iryënyu rëghëndërri ukwaruha bhököngʼu, kora mobhe na obhongʼaini na okomanya amangʼana,

Abhafiripi 3:15

Ku bhuyö bhëëtö bhonswe igho abhahangarru abha umukumo, ni-igha twikererrani ko-mangʼana ghayö. Nyoore moona amaitegherro ghano ghatanga kya ghayö ngambirë, Waryobha naraabhahonyorre moghamanye bhono gharë.

1 Peetero 2:2

Bhoono momarrë okomanya igha Omonene Yëësu Kiristo, n-wa heene. Mbe, mwighombenga amabheere amaiya agha öbhöhörëëru, kya bhono ebhengʼerre bhikutuna amabheere agha bhanyakuwaabho, na bhëënyu bhonswe ighoigho, okore mobhe na singuru, monaghe kora mohone.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.