1 Abhakörintö 14:12 - Imuuma Eehya

¹² Ni-ighoigho ekobha kora na kö-bhëënyu bhonswe. Ko bhono mukutuna bhököngʼu igha mobhe na ituho iya Umwika Ömöhörëëru, mokore omotono ughwa ukughinyoora, okore ekenene bhëënyu ekanisa, motoghekane.

1 Abhakörintö 14:12 ပူးပေါင်းရင်းမြစ်များ

Abharuumi 14:19

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

1 Abhakörintö 12:31

Mbe, ku bhuyö ni-igha mokore omotono ughwa ukutuna imituho emenene. Kasi ekenene, bhoono tigha mbööröki enshera inshiiya bhököngʼu.

1 Abhakörintö 12:7

Umwika Ömöhörëëru nkohonyorra arë kera ömöntö, okore abhantö bhonswe igho bhanyoore ehoorohooro.

1 Abhakörintö 14:1

Mwiköngʼërri okobha na righonshe. Ghwiki ni-igha mutune bhököngʼu okobha na imituho ighya Umwika Ömöhörëëru, ekenene, ituho iya ukuruusya öbhörööti.

1 Abhakörintö 14:13

Mbe, ku bhuyö ni-igha, ömöntö ono akoghamba ekeghambo ekehya, asabhe Waryobha amohaane na obhotoro ubhwa okosesora ekeghambo kiyö.

1 Abhakörintö 14:26

Mbe, bhoono abhakumya bharikyane, iyakë nkaghamba? Hano mwasikana hamwë, igha kera ömöntö aana rirëëtyö, aana amëëghyö, aana obhohonyoro, aana ekeghambo ekehya, aana esesoro. Amangʼana ghayö ghonswe igho, ni-igha ghakorwe ko okoghera iya okohaghaashana.

1 Abhakörintö 14:5

Öni nkutuna ndë igha, n-hano bhonswe igho mokaashumaasha ebheghambo ebhehya, kasi ekenene ni-igha, n-hano mokaaruusya öbhörööti. Nkoghamba ndë igho ko bhoora ömöntö ono akuruusya öbhörööti, uyö nakërrë umushumaashi uwa ebheghambo ebhehya, hano ataasesore, okore ahaghaashe abhantö abha ekanisa.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.