1 Abhakörintö 14:1 - Imuuma Eehya

¹ Mwiköngʼërri okobha na righonshe. Ghwiki ni-igha mutune bhököngʼu okobha na imituho ighya Umwika Ömöhörëëru, ekenene, ituho iya ukuruusya öbhörööti.

1 Abhakörintö 14:1 ပူးပေါင်းရင်းမြစ်များ

Abharuumi 12:6

Ku bhuyö ntoona imituho imyaru kya bhono Waryobha yaatohaana ko okohetera örööbhö urwaye. Ono yaahaanwa ituho iya öbhörööti, aruusinga öbhörööti ko okorengʼaana na umukumo ughwaye.

Abharuumi 14:19

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

Abharuumi 9:30

Ensonga iya amangʼana ghayö ghonswe igho në-ëëhë? Ensonga iyaamo ni-igha, Abhakyaro tebhaarenga na omotono ughwa ukutuna okobharwa igha m-ba heene, kasi Waryobha akabhabhara igha m-ba heene, ko bhoora bhakumiri Yëësu Kiristo.

1 Abhakörintö 12:1

Bhoono abhakumya bharikyane, nkutuna ndë momanye bhuuya amangʼana agha imituho gheno ghikurwa ku-Mwika Ömöhörëëru.

1 Abhakörintö 12:31

Mbe, ku bhuyö ni-igha mokore omotono ughwa ukutuna imituho emenene. Kasi ekenene, bhoono tigha mbööröki enshera inshiiya bhököngʼu.

1 Abhakörintö 13:13

Mbe, amangʼana ghano ghaimërëëyë bhoono igho, na-tatö, umukumo, ubhweseghe na righonshe. Ko amangʼana atatö ghayö, ekenene ni-righonshe.

1 Abhakörintö 13:2

Ghwiki nekaabha na obhotoro ubhwa ukuruusya öbhörööti, kora mmanye imbumbure na amangʼana ghonswe igho, nenkaabha na umukumo omonene, ughwa okotora okongʼaanya singuku, kasi nyoore ntaana righonshe, m-bosa.

1 Abhakörintö 14:22

Mbe, ebheghambo ebhehya bheno, n-kemanyërryö ikya bhano bhataana umukumo, ti-igha nko-bhano bhaana umukumo. Kasi ituho iya ukuruusya öbhörööti, ne-kemanyërryö ikya bhano bhaana umukumo.

1 Abhakörintö 14:37

Hano ömöntö araaimaahe igha m-mörööti, handë igha të-möntö uwa kinyamöbhërë hë, amanye igha ghayö nkobhandekera, na-maraghërryö agha Omonene.

1 Abhakörintö 14:39

Ko okoghera iya amangʼana ghayö, abhakumya bharikyane, ni-igha mokore omotono ughwa ukuruusya öbhörööti, kora ekeghambo ekehya motakaakerebherra.

1 Abhakörintö 16:14

Mobhenga na righonshe ko amangʼana aghëënyu ghonswe igho, ghano mokokora.

Abhaëfësö 1:3

Bhamurë, ni-igha tukumi Waryobha uwa Omonene uwëëtö Yëësu Kiristo, na we Suwaabho Omonene uwëëtö uyö. Waryobha yaatokorra amangʼana amaiya agha obhongʼoore bhwonswe igho ubhwa ahasë hano hatakomaahwa, ko okohetera kö-bhömwë ubhwëtö na Yëësu Kiristo.

1 Abhatësarönikë 5:20

Motakaasera amangʼana agha öbhörööti,

1 Timoteo 4:14

Otakaatigha okokorra emeremo, ituho eera Waryobha yaakohaayë okohetera ko mangʼana agha öbhörööti, enkaagha eno abhaghaaka abha ekanisa bhaakötöörëëyë amabhoko.

1 Timoteo 5:10

Abhe uwa eteemo inshiiya, abhe igha, nö-möntö ono yöörökërryanga abhaana abhaaye eteemo inshiiya, yaasërëënianga abhaghëni, yaatighinkananga ukwisaabhya abhantö abha Waryobha amaghörö aghaabho. Umusinö uyö, abhe ono yaatöörryanga bhano bhaanyankibhwanga, ghwiki abhe ono yaakora amangʼana amaiya.

1 Timoteo 6:11

Kasi bhoono uwe ömöntö uwa Waryobha, ni-igha ongʼose amangʼana ghayö. Oghoote-ko amangʼana agha heene, osooke Waryobha na obhe na umukumo, righonshe, öghömërri na wihoote.

2 Timoteo 2:22

Wibhashe oronamba urwa ubhumura. Oghoote-ko amangʼana agha heene, obhe na umukumo, righonshe, na omorembe. Onaghi ghayö, hamwë na bhonswe igho bhano bhakosaasaama Omonene Waryobha kwa enkoro inshiiya.

Abhaëbhuraania 12:14

Mbe, bhoono ni-igha mokore omotono ughwa okobha na omorembe ko-bhantö bhonswe igho, na öbhöhörëëru bhwonswe, ko bhoora taaho ömöntö ono aremaahana na Omonene, ataana öbhöhörëëru bhuyö.

2 Peetero 1:7

Okosooka Waryobha kuyö kwëngëribhwi-ko righonshe irya okohanshana bhëënyu abheene ko abheene, okohanshana kuyö, kwëngëribhwi-ko na righonshe irya okohansha abhantö bhonswe igho.

3 Yohana 1:11

Bhoono Ghaayo omoghonshe uwaane, otakeegha okokora amangʼana amaghogho ghayö. Kasi weeghe eteemo iya abhantö bhano bhakokora amangʼana amaiya. Hano ömöntö yakora amangʼana amaiya, nkwörökya gharë igha, ömöntö uyö, m-moona uwa Waryobha. Kasi ömöntö ono akokora amangʼana amaghogho, uyö tamanyirë Waryobha hë.