1 Abhakörintö 13:3 - Imuuma Eehya

³ Ghwiki kora nenkaghegha ëbhëntö ibhyane nhaane abhatöbhu, handë niiruusi öni umwene nsambwe mo-morro, kasi nyoore ntaana righonshe, m-bosa.

1 Abhakörintö 13:3 ပူးပေါင်းရင်းမြစ်များ

Mataayo 23:5

Amangʼana ghonswe igho ghano bhakokora, nkokora bharë, okore bhamaahwe na abhantö. Ko bhoora nkotoora bharë ku-bhusyö na ko-mabhoko aghaabho, ibhighushi ebhenene ibhya amaseero bheno bhyandëkirwë-mo amaraghërryö nyabhorebhe. Nkwëngërya bharë obhonene ubhwa amapindo agha singibho isya okosaasaamera Waryobha.

Ruuka 18:22

Hano Yëësu yaaighuurë amangʼana ghayö, akamötëëbhya igha, “Eeho engʼana ëmwë, eno ukutunwa okore. Kaghi öghöri ëbhëntö bhyonswe igho bheno onabhyo, seehera syonswe igho seno oraanyoore-mo, utwenani abhatöbhu. Hayö ho oraabhe na emongo iyaaho mu-ryobha. Hano oraamare, uushe onsoorane.”

Ruuka 18:28

Ho Peetero yaatëëbhëri Yëësu igha, “Maaha mbe bhëëtö, tutighirë ëbhëntö ibhyëtö bhyonswe igho, tokosooraini.”

Ruuka 19:8

Kasi Zakaayo akemerra, akatëëbhya Omonene igha, “Ighwa Omonene uwëëtö nkötëëbhi. Ukurwa bhoono igho, ritënë irya ëbhëntö ibhyane, nendaahaane abhatöbhu. Na nyoore naaruusya ömöntö wowonswe ëkëntö ikyaye, n-kane ndaamukyörri, ko-kerengere keno naamuruusya.”

Yohana 12:43

Abhatangati bhayö, bhaahanshirë bhököngʼu ukukumibhwa na abhantö, okokera ukukumibhwa na Waryobha.

Yohana 13:37

Peetero akamöbhöörya igha, “N-kwakë Omonene ntaatore ukughya-yo bhoono igho? Öni ndatora ukukwa ko okoghera iya uwe!”

Yohana 15:13

Taaho ömöntö ono aana righonshe rinene, okokera righonshe irya ömöntö ukuruusya öbhöhöru ubhwaye, ko okoghera iya bhasaani abhaaye.

Yohana 6:63

Umwika uwa Waryobha we akohaana abhantö öbhöhöru. Esemoko iya ömöntö, teena obhotoro bhwobhwonswe bhoora hë. Amangʼana ghano mbatëëbhëri, na-agha Umwika uwa Waryobha, kora ngaana öbhöhöru ubhwa amakora ghonswe igho.

Amangʼana agha Abhatomwa 21:13

Kasi umwene akatohonshora igha, “Motakaakuura, mokambe munyite omotwe bhosa igho! Öni te-kebhohe ikyene igho hë, nenkakwera Yërusarëëmu iyö ko okoghera iya iriina irya Omonene Yëësu, te-ngʼana hë.”

Abhagharatia 5:26

Totakaikumyanga bhosa igho, totakatenderananga handë okokorrana rikenge.

Abhafiripi 2:3

Motakaakora engʼana yoyonswe igho kwa kwiroterra handë kwa ikiheemere. Kasi mwihoote na okomaaha abhandë igha mbo abhantö okokera bhëënyu.

1 Timoteo 4:8

Emanyekaini igha, “Okonarya ömöbhërë ghobhe na singuru, n-kuuya hake igho. Kasi okotonerra okokora kya bhono Waryobha akutuna, n-kuuya bhököngʼu, ko bhoora igha, nkotohaana körë riraghano irya ukunyoora öbhöhöru ubhwa bhoono igho na bhoora bhuriisha.”

Abhaëbhuraania 13:9

Motakaarutwa na amëëghyö aghandëghandë igho amaghëni, ko bhoora m-buuya enkoro ëtërëmibhwi kö örööbhö urwa Waryobha, kasi te-ko okoghera iya seteemo isya amaraghërryö agha ibhyakorya. Abhantö bhano bhaaghoota amangʼana ghayö, tebhanyoora ehoorohooro yoyonswe eera hë.