1 Abhakörintö 13:13 - Imuuma Eehya

¹³ Mbe, amangʼana ghano ghaimërëëyë bhoono igho, na-tatö, umukumo, ubhweseghe na righonshe. Ko amangʼana atatö ghayö, ekenene ni-righonshe.

1 Abhakörintö 13:13 ပူးပေါင်းရင်းမြစ်များ

Ruuka 10:27

Umwëghya uwa amaraghërryö uyö, akahonshora Yëësu igha, “Yandëkirwë igha, ‘Ohanshe Omonene Waryobha uwaaho, kwa enkoro iyaaho yonswe igho, ko amaitegherro aghaaho ghonswe igho, ku singuru isyaho syonswe igho, na ko sehakëri isyaho syonswe igho.’ Na ghwiki ni-igha, ‘Ohanshe murikyaho kya bhono wihanshirë uwe umwene.’  ”

Ruuka 22:32

Kasi nkosabhëëyë ku-Waryobha, okore umukumo ughwaho ghotakasuuha. Na hano urinkyorra, oseghe bharikyaho.”

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

1 Abhakörintö 14:1

Mwiköngʼërri okobha na righonshe. Ghwiki ni-igha mutune bhököngʼu okobha na imituho ighya Umwika Ömöhörëëru, ekenene, ituho iya ukuruusya öbhörööti.

1 Abhakörintö 16:14

Mobhenga na righonshe ko amangʼana aghëënyu ghonswe igho, ghano mokokora.

1 Abhakörintö 3:14

Hano omoremo ughwa ömöntö ghörëhëtibhwa mo-morro ghotame, ömöntö uyö narituhwa.

1 Abhakörintö 8:1

Mbe, bhoono tigha nshumaashere amangʼana agha ibhyakorya bheno bhimwënsëywë ëbhëtöndö. Ntomanyirë bhono bhëënyu mokoghamba igha, “Bhëëtö bhonswe igho, ntoona obhomanyi ko amangʼana ghayö.” Kasi obhomanyi, nkoreeta bhörë ikiheemere ko-bhantö. Na righonshe ryo nkoghera rërë umukumo ughwa ömöntö ghonagha.

1 Abhakörintö 8:3

Kasi hano ömöntö araahanshe Waryobha, uyö namanyekaini ku-Waryobha.

2 Abhakörintö 5:10

Ko bhoora bhëëtö bhonswe igho, nturimerra mbere iya ikitumbë ikya Yëësu Kiristo ikya okobhotorra ibhiina, okore kera ömöntö, ahakwe ko okorengʼaana na amangʼana ghano yaakora, ko-kebhara kono, nyoore m-maiya handë igha m-maghogho.

2 Abhakörintö 5:15

Yëësu Kiristo yaakuurë ko okoghera iya abhantö bhonswe igho, okore abhantö abha öbhömënyi obhohya, bhatakaabha na öbhömënyi ko okoghera iyaabho abheene, kasi bhobhe ko okoghera iya ono yaakuurë akaryoka ko okoghera iyaabho.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhafiripi 1:9

Nkobhasabhera ndë ku-Waryobha igha, righonshe iryënyu rëghëndërri ukwaruha bhököngʼu, kora mobhe na obhongʼaini na okomanya amangʼana,

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

Abhakorosaai 1:5

Umukumo na righonshe, bhiyö n-ko okoghera iya ubhweseghe ubhwa ituho eno Waryobha yaabhasëëmërya mu-ryobha. Mwaaighuurë amangʼana amaiya agha ubhweseghe bhuyö, enkaagha eno mwaaraarëkëëywë engʼana iya obhoheene iya Yëësu Kiristo. Engʼana iyö, yo Amangʼana Amaiya agha Yëësu Kiristo.

Abhakorosaai 3:14

Ekenene ko-ghayö ghonswe igho, ni-igha mohanshane, ko bhoora righonshe nkoreeta rërë öbhömwë ubhwa heene ko bhonswe igho.

1 Abhatësarönikë 1:3

Hano twabhasabhera ko-Taata uwëëtö Waryobha, nkuhiita törë umukumo ughwënyu ko amangʼana ghano mokokora. Torahiita omotono ughwa righonshe ghono moonagho, na kya igho monaghirë ku ubhweseghe bhono moonabho ko-Monene uwëëtö Yëësu Kiristo.

1 Abhatësarönikë 5:8

Kasi ko bhoora bhëëtö m-bantö abha mo-bhorabhu törë, twirebherre. Tobhe na umukumo hamwë na righonshe, bhiyö bhebhe kya ingubha iya ökökëngërrya ibhikubha ibhyëtö. Ghwiki tweseghe Waryobha igha natötöörya, hayö ho toraabhe kya bhano tötöörrë sëngöfiira isya ikyoma ko-metwe.

1 Timoteo 1:5

Ensonga iya amaraghërryö ghano ni-igha, abhakumya bhahanshane, kwa nkoro nshiiya, amaitegherro amaiya na umukumo ughwa heene.

2 Timoteo 1:7

Okorenga igho, ko bhoora igha, umwika ghono Waryobha yaatohaana, tu-ughwa obhoobha hë, kasi nu-ghwa okotohaana singuru, righonshe na obhotoro ubhwa ukwirebherra.

Abhaëbhuraania 10:35

Mbe, motakaasha ukutigha obhokarë ubhwënyu bhuyö, ko bhoora mboreghera mutuhwe bhököngʼu.

Abhaëbhuraania 10:39

Bhëëtö tëtörëngë mo-bhano bhakutigha Waryobha, bhasira, kasi ntörëngë mo-bhano bhaana umukumo ghono ghökötötöörya.

Abhaëbhuraania 6:11

Keno tukutuna ni-igha, kera ömöntö mö-bhëënyu, aghëndërri okobha na omotono ko mangʼana ghayö okohekera ku-muhiko, okore muushe ukunyoora ghayö mukwitengʼera.

Abhaëbhuraania 6:19

Ntoona ubhweseghe mo-senkoro, bhono bhonga kya insika, eno ekoghooterra iryato retakaahirwa na rikama. Ubhweseghe bhuyö nkoheta bhörë mwi-pazia bhosoha Ahasë Ahahörëëru aha Ahahörëëru aha mu-ryobha.

1 Peetero 1:21

Bhëënyu nkukumya mörë Waryobha, okohetera ku-Yëësu Kiristo. Waryobha, we yaamuryökëri ukurwa mo-bhaku, akamohaana ubhuhika. Kiyö nkyo kekoghera morakumya Waryobha na ukumwesegha.

1 Yohana 2:10

Ömöntö wowonswe igho, ono ahanshirë umukumya murikyaye, uyö mo-bhorabhu arë. Taana engʼana mo-nkoro iyaaye, eno eraamutimbe akore ëbhëbhë.

1 Yohana 2:14

Nkobhandekera ndë bhëënyu bhaataata, ko bhoora mmomanyirë Yëësu Kiristo, ono yaarenga-ho ukurwa okosemoka. Nkobhandekera ndë bhëënyu abhamura, ko bhoora moona singuru, kora nköghëndërrya mörë okoghoota engʼana iya Waryobha, mwabhaaha na Oghosambwa.

1 Yohana 2:24

Bhoono, möghëndërri okonaghya mo-senkoro isyënyu amangʼana ghaara mwëëghibhwa ukurwa hano mwaasimiri ukukumya Yëësu Kiristo. Hano moraaghëndërri okoghoota amëëghyö ghayö, ho moraabhe na öbhömwë na Omoona uwa Waryobha, na Taata Waryobha.

1 Yohana 3:3

Ömöntö wowonswe igho ono akwitengʼera igha atuubhane na Yëësu Kiristo, aisaabhuure, abhe ömöhörëëru kya Yëësu Kiristo.

1 Yohana 3:9

Ömöntö wowonswe ono yaamara okobha omoona uwa Waryobha, taköghëndërrya okokora ëbhëbhë hë, ko bhoora naana eteemo iya Waryobha. Taköghëndërrya okokora ëbhëbhë, ko bhoora m-moona uwa Waryobha.