1 Abhakörintö 13:1 - Imuuma Eehya

¹ Nenkaghamba ko-bheghambo ibhya abhantö, handë ibhya abhamaraika, kasi hano ntaana righonshe, m-bosa, obhoghambi ubhwane bhuyö, n-kituri kya bhosa igho, tebhoona moremo hë.

1 Abhakörintö 13:1 ပူးပေါင်းရင်းမြစ်များ

Mataayo 25:45

Ho na öni wonswe nendebhahonshora igha, ‘No-bhoheene nkobhatëëbhya igha, kyokyonswe keno mwaanga okokorra umukumya wowonswe ono mokomaaha igha taana ubhwera hë, nö-öni mwaanganga okokorra.’

Maariko 16:17

Abhantö bhano bharaakumi, mbaaraakorenga ebhemanyërryö ibhya ukwata amasambwa ko-bhantö, ku iriina iryane, mbaraaghambenga ebheghambo ebhehya,

Abharuumi 14:15

Ku bhuyö nyoore okorya ukwaho ibhyakorya nyabhorebhe nkoghera körë murikyaho abhaabhayera, hayö bhoono uwe noraanyoore toona righonshe ku murikyaho hë. Otakaikërrya igha ibhyakorya ibhyene igho, bheghere usiri ömöntö ono Yëësu Kiristo yaakwera!

1 Abhakörintö 12:10

Nkohaana arë uwöndë obhotoro ubhwa okokora amakono, na uwöndë öbhörööti ubhwa amangʼana ghano ghakurwa ku-Waryobha. Uwöndë obhomanyi ubhwa amangʼana igha, ghano nku-Mwika Ömöhörëëru gharuurë, handë igha nku-risambwa gharuurë. Uwöndë amohaana ituho iya okoghamba ebheghambo ebhehya. Uwöndë amohaana ituho iya okosesora ebheghambo bhiyö.

1 Abhakörintö 12:16

Na hano ökötwë koraaghambe igha, “Öni tëndëngë iriiso hë, ku bhuyö öni tu-wa kö-möbhërë ndë hë,” engʼana iyö neghera kwange okobha umwaho ughwa kö-möbhërë?

1 Abhakörintö 12:8

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana.

1 Abhakörintö 13:8

Righonshe terekotemboka hë. Kasi hano oraanyoore öbhörööti bhooho, nkusika bhörë, hano oraanyoore ebheghambo ebhehya bheeho, nkusika bhërë, hano oraanyoore obhomanyi ubhwa amangʼana bhooho, nkusika bhörë.

1 Abhakörintö 14:2

Ömöntö ono akushumaasha ekeghambo ekehya, te-bhantö akushumaasha nabho hë, kasi nkunyoora örë arashumaasha na Waryobha, ko bhoora ghaara akoghamba, taaho ömöntö akoghamanya hë. Nkunyoora örë arashumaasha amangʼana agha imbumbure, ko obhotoro ubhwa Umwika Ömöhörëëru. Arashumaasha amangʼana agha imbumbure iya mo-nkoro iyaaye.

1 Abhakörintö 14:4

Ömöntö ono akushumaasha ekeghambo ekehya, uyö nu-mwene akwihaghaasha. Kasi ono akuruusya öbhörööti, uyö na-Bhakiristo bharikyaye akohaghaasha.

1 Abhakörintö 14:5

Öni nkutuna ndë igha, n-hano bhonswe igho mokaashumaasha ebheghambo ebhehya, kasi ekenene ni-igha, n-hano mokaaruusya öbhörööti. Nkoghamba ndë igho ko bhoora ömöntö ono akuruusya öbhörööti, uyö nakërrë umushumaashi uwa ebheghambo ebhehya, hano ataasesore, okore ahaghaashe abhantö abha ekanisa.

1 Abhakörintö 8:1

Mbe, bhoono tigha nshumaashere amangʼana agha ibhyakorya bheno bhimwënsëywë ëbhëtöndö. Ntomanyirë bhono bhëënyu mokoghamba igha, “Bhëëtö bhonswe igho, ntoona obhomanyi ko amangʼana ghayö.” Kasi obhomanyi, nkoreeta bhörë ikiheemere ko-bhantö. Na righonshe ryo nkoghera rërë umukumo ughwa ömöntö ghonagha.

2 Abhakörintö 12:4

yöönyööywë, akahika Paradiso. Hano yaarë Paradiso iyö, akaighwa amangʼana ghano ömöntö ataatore okoghamba, amangʼana ghano ömöntö atakutunwa igha aghaghambe.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

1 Timoteo 1:5

Ensonga iya amaraghërryö ghano ni-igha, abhakumya bhahanshane, kwa nkoro nshiiya, amaitegherro amaiya na umukumo ughwa heene.

1 Peetero 4:8

Engʼana enene okokera ghonswe igho, ni-igha mohanshane bhököngʼu, hano moraahanshane, moraabherane bhököngʼu obhosarya ubhwënyu bhono mokokorrana.

2 Peetero 2:18

Nkoghamba bharë amangʼana agha ikiheemere, ghano ghataana ubhwera. Oronamba urwabho oroghogho urwa kinyamöbhërë, ndo rokoghera bharakemba abhantö bhano bhaakumya bhöngö hano, bhano bhaatigha okokora ghano abhasarya bhakokora.

Okohonyora 14:2

Nkaighwa engamba ukurwa mu-ryobha kya okoherra ukwa amanshë amaaru, na kya ekebhaghatyö ikirito kya enkobha. Ghwiki engamba iyö, yaarë kya abhatëmi abha amatungu abhaaru bhano bhakorengerrania.