1 Abhakörintö 12:4 - Imuuma Eehya

⁴ Imituho ighya Umwika Ömöhörëëru n-gya seteemo sinsharu, kasi umutwëni uwa imituho ghiyö, nu-Mwika Ömöhörëëru uyöuyö.

1 Abhakörintö 12:4 ပူးပေါင်းရင်းမြစ်များ

1 Abhakörintö 12:1

Bhoono abhakumya bharikyane, nkutuna ndë momanye bhuuya amangʼana agha imituho gheno ghikurwa ku-Mwika Ömöhörëëru.

1 Abhakörintö 12:28

Abhatomwa mbo Waryobha yaatoora mo-kanisa abha mbere, abha kabhërë abharööti, abha katatö abhëëghya. Ghwiki yaatoora-mo bhano bhakokora amakono, na abha ituho iya ukuhwënia abharööyë, na abha ökötöörrya abhandë, na bhano bhakotangata bharikyabho, na abha ituho iya okoghamba ebheghambo ebhehya.

1 Abhakörintö 12:5

Seeho seteemo sinsharu isya okokora emeremo, kasi Omonene ono tokokorra emeremo, nu-yöuyö.

1 Abhakörintö 7:7

Nenkaashömëëywë hano abhantö bhonswe igho bhakaabhaayë kya bhono ndëngë, kasi kera ömöntö, naana ituho iyaaye umwene, ukurwa ku-Waryobha, ömwë ituho eno, na uwöndë iyëndë.

Abhaëfësö 4:11

Uyö we yaahaayë abhantö abhandë obhotoro ubhwa okobha abhatomwa, abhandë bhabhe abharööti, abhandë bhabhe abhainjirisiti, na abhandë akabhahaana obhotoro ubhwa okobha abhakaraabhërri, bhakaraabherrenga na ukwëghya.

Abhaëbhuraania 2:4

Waryobha wonswe akaimererra amangʼana ghayö ko okokora ebhemanyërryö na amakono amaaru, kora akahaana abhantö ituho iya Umwika Ömöhörëëru kya bhono umwene yaahanshirë.

1 Peetero 4:10

Kera ömöntö naana ituho iyaaye eno yaahaanwa na Waryobha. Bhoono ni-igha aghekorre emeremo bhuuya ko ökötöörrya bharikyaye. Akorenga igho kya umwimërërri umuuya uwa örööbhö urwa Waryobha urwa seteemo nsharu.