1 Abhakörintö 12:31 - Imuuma Eehya

³¹ Mbe, ku bhuyö ni-igha mokore omotono ughwa ukutuna imituho emenene. Kasi ekenene, bhoono tigha mbööröki enshera inshiiya bhököngʼu.

1 Abhakörintö 12:31 ပူးပေါင်းရင်းမြစ်များ

Mataayo 5:6

Nyakara bhano bhaana umweko bheena inyonta iya okokora bhono Waryobha akutuna, ko bhoora Waryobha narebhaighötya.

Ruuka 10:42

Engʼana në-ëmwë igho eno eeho, kora nëhëtërëëyë bhyonswe igho. Iyö yo Maryamu ashaaghööyë, na taaho ömöntö ono araamokaani ukunyitegherra hë.”

1 Abhakörintö 13:1

Nenkaghamba ko-bheghambo ibhya abhantö, handë ibhya abhamaraika, kasi hano ntaana righonshe, m-bosa, obhoghambi ubhwane bhuyö, n-kituri kya bhosa igho, tebhoona moremo hë.

1 Abhakörintö 14:1

Mwiköngʼërri okobha na righonshe. Ghwiki ni-igha mutune bhököngʼu okobha na imituho ighya Umwika Ömöhörëëru, ekenene, ituho iya ukuruusya öbhörööti.

1 Abhakörintö 14:39

Ko okoghera iya amangʼana ghayö, abhakumya bharikyane, ni-igha mokore omotono ughwa ukuruusya öbhörööti, kora ekeghambo ekehya motakaakerebherra.

1 Abhakörintö 8:1

Mbe, bhoono tigha nshumaashere amangʼana agha ibhyakorya bheno bhimwënsëywë ëbhëtöndö. Ntomanyirë bhono bhëënyu mokoghamba igha, “Bhëëtö bhonswe igho, ntoona obhomanyi ko amangʼana ghayö.” Kasi obhomanyi, nkoreeta bhörë ikiheemere ko-bhantö. Na righonshe ryo nkoghera rërë umukumo ughwa ömöntö ghonagha.

Abhafiripi 3:8

Kora te-ghayö agheene igho hë, kasi nkomaaha ndë igha, kera ëkëntö tekeena ubhwera hë, hano nakerengʼania na ehoorohooro iya okomanya Kiristo Yëësu, Omonene uwaane. Ko bhoora naahaatera ghonswe igho ghayö, ko okoghera iyaaye. Nkoghamaaha ndë igha, ghayö n-kya amatokoore, okore mbe ömöntö uwa Kiristo.

Abhaëbhuraania 11:4

Umukumo, ghwaaghërrë Abhëëri akamwensera Waryobha ikimwenso ikiiya okokera keno Kaini yaamwënsirë. Ku bhuyö Abhëëri akatëghërya Waryobha, kora akabharwa igha n-wa heene. Waryobha yaaikërëëyi ikimwenso ikya Abhëëri, ku bhuyö nokaanyoora igha yaakwa, kasi umukumo ughwaye nköghëndërrya ghökërë okobha ëkërëngyö ikiiya na wanyareero.