1 Abhakörintö 12:18 - Imuuma Eehya

¹⁸ Kasi bhoono Waryobha yaasëëmya bhuuya imyaho ighya ömöbhërë, kera umwaho yaghösëëmya kya bhono umwene yaatunanga.

1 Abhakörintö 12:18 ပူးပေါင်းရင်းမြစ်များ

Ruuka 10:21

Hayö na hayö igho, Umwika Ömöhörëëru akaghera Yëësu ashomerwe bhököngʼu, kora akaghamba igha, “Taata, nu-uwe nkukumya, ono örëngë Omonene uwa kera ëkëntö mu-ryobha iyö, na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake. M-maheene Taata waakörrë igho ko bhoora ni-igho waatunirë igha ebhe.”

Ruuka 12:32

“Nokaanyoora te-bhaaru mörë hë, kasi motakoobhoha. Ko bhoora Suwëënyu arööshë igha, abhahaane Obhokama ubhwaye.

Abharuumi 12:3

Ko bhoora Yëësu Kiristo angʼaayë örööbhö igha mbe omotomwa uwaaye, ku bhuyö nkobhatëëbhya ndë igha, kera ömöntö mö-bhëënyu muyö, atakaimaaha igha, naingʼarëëyë okokera bhuyö arë, kasi abhe na obhongʼaini. Kera ömöntö yaahaanwa na Waryobha ekerengere ikyaye ikya umukumo.

Abharuumi 12:6

Ku bhuyö ntoona imituho imyaru kya bhono Waryobha yaatohaana ko okohetera örööbhö urwaye. Ono yaahaanwa ituho iya öbhörööti, aruusinga öbhörööti ko okorengʼaana na umukumo ughwaye.

1 Abhakörintö 12:11

Umwika Ömöhörëëru uyöuyö, we akokora emeremo ghiyö ghyonswe igho. Nkohaana arë kera ömöntö ituho bhono akutuna.

1 Abhakörintö 12:17

Hano ömöbhërë ghwonswe igho ghokaabhaayë iriiso, iyakë ömöntö akaaighuurë amangʼana? Handë igha ömöbhërë ghwonswe igho ghokaabhaayë ökötwë, iyakë ömöntö akaaighuurë ubhunyunku?

1 Abhakörintö 12:19

Singa ömöbhërë ghwonswe igho m-mwaho ghömwë, teghokaabhaayë ömöbhërë hë.

1 Abhakörintö 12:24

Kasi imyaho ighyëtö gheno ghetakösöökërrya, ghiyö tegheena obhokaraabhërri bhököngʼu kya ighyëndë ghiyö. Waryobha umwene m-buuya yaasëëmya ömöbhërë. Imyaho gheno ghetakosookwa bhököngʼu, yaaghekora ghesookwenga,

1 Abhakörintö 12:28

Abhatomwa mbo Waryobha yaatoora mo-kanisa abha mbere, abha kabhërë abharööti, abha katatö abhëëghya. Ghwiki yaatoora-mo bhano bhakokora amakono, na abha ituho iya ukuhwënia abharööyë, na abha ökötöörrya abhandë, na bhano bhakotangata bharikyabho, na abha ituho iya okoghamba ebheghambo ebhehya.

1 Abhakörintö 15:38

Kasi Waryobha nkoghehaana arë ömöbhërë ughwako kya bhono umwene akutuna, kera imbusiro na ömöbhërë ughwako.

1 Abhakörintö 3:5

Mbe bhoono, Apöörö n-nawë? Na Pauro n-nawë? Bhayö m-baköri abha emeremo abha Waryobha bhano bhaaghërrë mokakumya Waryobha, kera ömöntö mo-bhayö, yaakörrë emeremo gheno yaahaanwa na Omonene.

Abhaëfësö 1:5

yaasëëmëri ukurwa kare igha atokore tobhe abhaana abhaaye. Yaakörrë igho, ko okohetera ko keno Yëësu Kiristo yaakörrë, ni-igho yaatunirë igha akore, na engʼana iyö ekamushomera.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Okohonyora 4:11

“Omonene uwëëtö, Waryobha uwëëtö, wingʼarëëyë ökötöönibhwa, okosookwa na okobha na obhotoro bhwonswe igho. Ko bhoora nu-uwe waabhömbirë ëbhëntö bhyonswe igho, ëbhëntö bhiyö mbyaabhömbirwë ko okohansha ukwaho, kora höbhërë.”