1 Abhakörintö 12:12 - Imuuma Eehya

¹² Ömöbhërë n-gömwë, imyaho ighya-ko m-myaru. Kasi imyaho imyaru ghiyö, ngyo ghekokora ömöbhërë öghömwë ghuyö. Mbe, kya igho ömöbhërë ghörë, ni-igho ërë na kö-möbhërë ughwa Yëësu Kiristo.

1 Abhakörintö 12:12 ပူးပေါင်းရင်းမြစ်များ

1 Abhakörintö 10:17

Ko bhoora omokaate n-gömwë, na bhëëtö bhano tokosanga omokaate ghuyö m-baaru törë, kasi m-möbhërë ghömwë törë.

1 Abhakörintö 12:20

M-maheene igha, imyaho ighya kö-möbhërë m-myaru, kasi ömöbhërë n-gömwë.

1 Abhakörintö 12:27

Mbe, bhëënyu bhonswe igho nö-möbhërë ughwa Kiristo mörë. Kera ömwë uwëënyu, nu-mwaho ughwa kö-möbhërë kuyö.

1 Abhakörintö 12:7

Umwika Ömöhörëëru nkohonyorra arë kera ömöntö, okore abhantö bhonswe igho bhanyoore ehoorohooro.

Abhagharatia 3:16

Mbe, Waryobha yaaraghaini Ibhurahimu ghuuka uwëëtö, hamwë na umwebhorwa uwaaye. Amaandeko Amahörëëru teghakoghamba igha, “Na abheebhorwa abhaaye,” ensonga yaamo ni-igha, te-bhaaru hë, kasi ni-igha, “Na umwebhorwa uwaaye,” ensonga yaamo ni-igha nö-ömwë, we Kiristo.

Abhaëfësö 1:23

Ekanisa n-kya ömöbhërë ughwa Kiristo, netahatëëyë öbhömënyi ubhwa Yëësu Kiristo. Yëësu Kiristo uyö, we omohekerano ughwa öbhöhöru ubhwa ëbhëntö bhyonswe igho.

Abhaëfësö 4:12

Yaakörrë igho, okore abhantö bhayö bhasëëmi abhantö abha Waryobha, bhakorrenga Waryobha emeremo. Ghwiki ikyëndë ni-igha, Abhakiristo bhanaghe. Abhakiristo bhayö, mbo bhakobherekerwa igha, ömöbhërë ughwa Kiristo.

Abhaëfësö 4:4

Bhëëtö Abhakiristo n-kya bhono ömöbhërë ughwa ömöntö ghörë, ntoona Umwika Ömöhörëëru ooraoora, na ubhweseghe m-mboorabhoora toonabho bhono Waryobha yaatoraghaini hano yaatöbhërëkëëyë.

Abhaëfësö 5:23

ko bhoora igha, umushaasha n-kya omotwe ko mokaaye, naana ubhwera ko mokaaye. N-kya bhoora Yëësu Kiristo aana ubhwera ko-kanisa iyaaye, na ekanisa n-kya ömöbhërë ughwa Yëësu Kiristo, na uyö we yaaghëtöörya.

Abhaëfësö 5:30

Nkutwangarra arë bhëëtö abhantö abhaaye ko bhoora igha, n-kya ömöbhërë ughwaye törë.

Abhakorosaai 1:18

We omotwe ughwa ömöbhërë, ekanisa yo ekobherekerwa igha, ömöbhërë. Ensonga iya engʼana iyö ni-igha, we okosemoka ukwa ekanisa, ghwiki we uwa mbere ukuryoka ukurwa mo-bhaku, okore abhe omonene uwa ëbhëntö bhyonswe igho.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

Abhakorosaai 2:19

Abhantö bhayö, bhaiyahora ukurwa ku-Kiristo ono arëngë omotwe ughwa ömöbhërë. Ukurwa ku-uyö ömöbhërë ghonswe igho nkoraaghëribhwa ghörë, kora ghoroobhanibhwa na imyaho na imiki, ghukiina bhuuya kya bhono Waryobha akutuna.

Abhakorosaai 3:15

Omorembe ughwa Kiristo ghobhaahe senkoro isyënyu, ko bhoora bhëënyu bhano mörëngë imyaho ighya ömöbhërë, mwabherekerwa igha mobhe na omorembe. Mobhe abhakumya Waryobha.