1 Abhakörintö 11:27 - Imuuma Eehya

²⁷ Mbe, ömöntö wowonswe igho ono akorya omokaate ghuyö handë ukunywera mo-kekombe kiyö bhono etaingʼarëëyë, uyö nkunyoora örë aikörëëyë risoro irya obhosarya ko okosera ömöbhërë na amaanyinga agha Omonene.

1 Abhakörintö 11:27 ပူးပေါင်းရင်းမြစ်များ

Mataayo 22:11

“Ekahika-ho enkaagha omokama akasoha mu-nyumba moora, amaahe abhaghëni abhaaye bhano bhaarenga ko-meeza haara. Akamaaha-mo ömöntö ömwë ono ataarenga ibhöhirë ingibho iya bhwenga.

Yohana 6:51

Öni nö-öni ibhyakorya ibhya öbhöhöru bheno bhyaarwa mu-ryobha. Ömöntö ono araaraaghere ibhyakorya bhiyö, nkobha arë na öbhöhöru ubhwa amakora ghonswe igho. Ibhyakorya bheno ndaahaane abhantö bhonswe igho ko okoghera iya öbhöhöru, nö-möbhërë ughwane.”

1 Abhakörintö 10:21

Temotore okosanga ko-meeza iya Omonene uwëëtö, na eno morasanga ko-meeza iya amasambwa.

1 Abhakörintö 11:29

Ngambirë igho, ko bhoora ömöntö ono akorya omokaate na ukunywera ekekombe kiyö, na eno atamanyirë igha, aana öbhömwë na ömöbhërë ughwa Omonene, uyö nkwitoora arë mo-kobhotorrwa ikiina na Waryobha.

Abhaëbhuraania 10:29

Mbe, bhoono morakanya igha m-bushibhu ubhwa iyakë bhono araanyoore ömöntö ono akotashera hansë Omoona uwa Waryobha, na okomaaha igha amaanyinga agha Imuuma ghano ghaamosaabhuura te-ngʼana hë, na okokorra ikisiraani Umwika Ömöhörëëru?