1 Abhakörintö 11:19 - Imuuma Eehya

¹⁹ Ko bhoora ni-igha ukwahokana kobhe mö-bhëënyu, okore bhamanyekane bhano bhaikërribhwa na Waryobha.

1 Abhakörintö 11:19 ပူးပေါင်းရင်းမြစ်များ

Mataayo 18:7

Haahö, bhëënyu abhantö abha ko-kebhara kono, ko bhoora amangʼana agha ukutimba, ngariisha. Amangʼana agha ukutimba ghayö, ni-igha ghaashe, kasi haahö, kö-möntö ono arereeta amangʼana agha ukutimba ghayö.

Ruuka 17:1

Mbe, hano ghayö ghaahööyë, Yëësu akatëëbhya abheegha abhaaye igha, “Amashaasho ghano ghakoghera abhantö bharakora ëbhëbhë, ngaraabhe-ho igho ukughya iyö. Kasi haahö ömösëmöri uwa amashaasho ghayö.

Ruuka 2:35

Ku bhuyö, amaitegherro ghano ghabhisirwë mo-senkoro isya abhantö, ngaremanywa aharabhu igho. Na uwe Maryamu, nuriighwa öbhörrö bhököngʼu mo-nkoro iyaaho kya ono öbhëtirwë na umushonge.”

Amangʼana agha Abhatomwa 15:5

Kasi Abhakiristo abhandë abha Ekefarisaayo bhakeemoka, bhakaghamba igha, “Abhakyaro bhano bhakumiri Yëësu, ni-igha bhonswe bhasaarwenga, na bhatëëbhibhwi igha, bhaighwerenga amaraghërryö ghonswe igho agha Mosa.”

Amangʼana agha Abhatomwa 20:30

Kora mö-bhëënyu monomono, mbaryebhoka-mo abhantö bhano bharëtëëya amangʼana agha obhoheene okore bhangʼöröngʼööbhi Abhakiristo, bhabhasoorane.

Amangʼana agha Abhatomwa 24:14

“Engʼana eno nkwikërrya ku-uwe hano ni-igha, nkosaasaama ndë Waryobha uwa abhakörö abhëëtö ko enshera iya okosoorana Yëësu, eno abheene bhakobherekera igha, ni-iya amëëghyö agha obhorongo. Nkukumya ndë amangʼana ghonswe igho agha amaraghërryö agha Mosa, na agha ebhetabho ibhya abharööti.

Amangʼana agha Abhatomwa 24:5

“Törööshë igha ömöntö ono, m-moghogho bhököngʼu. Arasëëghërrya Abhayahudi, na ököghöötya riihë ko-kebhara kyonswe igho. We omotangati uwa rikomo irya idiini iya obhorongo iya Abhanazarëëti.

Amangʼana agha Abhatomwa 26:5

Ko bhoora mbammanyirë ukurwa kare, hano bharaahanshe, bharatora okoghamba obhoheene igha, m-Mofarisaayo naarë, rikomo iriiya irya idiini iyëëtö.

Amangʼana agha Abhatomwa 28:22

Bhëëtö hano nkutuna törë twighwe amangʼana aghaaho, ko bhoora ntomanyirë igha, idiini eno onayo, nkoghambwa ërë bhoghogho ahasë honswe igho.”

Amangʼana agha Abhatomwa 5:17

Mbe, omonene uwa abhasëngëri na bharikyaye bhonswe igho abha rikomo irya Abhasadukaayo, bhakakorra orongʼeera abhatomwa abha Yëësu.

1 Abhakörintö 11:20

Mbe, hano mwaikomania hamwë, ti-bhyakorya ibhya Omonene ukunyoora morarya hë,

2 Abhakörintö 12:20

Bhoono nkoobhoha ndë igha, ndatora ukuusha, nyoore morakora amangʼana ghano ghatakunshomera. Engʼana kya iyö eratora okokora mbakorre engʼana eno etaabhashomere. Ndatora ukunyoora morabheehana, moona rikenge, okorerrana, okokora ikisiiyomba, okohaamërrania, obhoghambi ubhwa abhantö, ubhwihëëmi, na riihë.

Abhagharatia 5:20

okosengerra ëbhëtöndö, ubhuturutumbi, ubhubhisa, ribheeha, orongʼeera, okorerra, ifitina, ukwanga ukwighwerrana, okohaanga abhantö amangʼana,

Tiito 3:10

Ömöntö ono akösëëghërrya abhantö, omokaani, hano oraamokaani urwa kabhërë, unyoore igha takwighwa hë, tighana nawe këmwë.

1 Yohana 2:19

Abhantö bhayö, mo-makanisa aghëëtö bhaarwa, kasi tebhaarë na öbhömwë ubhwa heene na bhëëtö hë. Singa bhaarë na öbhömwë ubhwa heene na bhëëtö, mbakaatighaayë kö-bhëëtö. Kasi mbaatanora, ekabha harabhu igho igha, tebhaarë na öbhömwë na bhëëtö hë.