1 Abhakörintö 10:16 - Imuuma Eehya

¹⁶ Hano twakumya Waryobha ko okoghera iya ekekombe ikya obhongʼoore keera, hayö ta-maanyinga agha Yëësu Kiristo ukunyoora torasanga? Omokaate ghono tokobhotora, hayö tö-möbhërë ughwa Yëësu Kiristo ukunyoora torasanga?

1 Abhakörintö 10:16 ပူးပေါင်းရင်းမြစ်များ

Ruuka 22:17

Yëësu akaghegha ekekombe ikya idivai, akakumya Waryobha, akaghamba igha, “Mogheghe idivai eno, munywe.

Amangʼana agha Abhatomwa 2:42

Abheegha abha Yëësu bhaanaghirë mö-mëëghyö agha abhatomwa abha Yëësu. Bhaasanganga hamwë omokaate, na okosaasaama Waryobha.

Amangʼana agha Abhatomwa 2:46

Bhaasikananga mo-bhogho ubhwa risengerro irya Waryobha sinsikö syonswe igho. Bhaasanganga omokaate mu-sinyumba isyabho, na okorya hamwë ibhyakorya bhashömëëywë mo-senkoro isyabho.

Amangʼana agha Abhatomwa 20:11

Ho Pauro yaatirrë mu-kinyumba ikya ko-ghorofa, akamonyora omokaate, akarya. Ghwiki akaghëndërrya ukushumaasha igho na hano öröghörö rwaasambirë, ho yaatanööyë.

Amangʼana agha Abhatomwa 20:7

Hano urusikö urwa Jumapiri rwaahikirë, tokasangerania, okore tomonyorrane omokaate. Ko bhoora Pauro yaarë na oroghendo nyinkyo yaako, akashumaasha na abhantö igho ubhutikö bhokahengekana.

1 Abhakörintö 1:9

Waryobha nu-uwa heene, yaabhabherekera, okore mobhe na öbhömwë na Omoona uwaaye, Yëësu Kiristo Omonene uwëëtö.

1 Abhakörintö 10:15

Nkushumaasha ndë na abhantö bhano momanyirë amangʼana ghayö, ku bhuyö mwitaahe amangʼana ghayö ngambirë.

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

Abhaëbhuraania 3:14

Ku bhuyö nkoghootana törë hamwë na Yëësu Kiristo, hano twesegha Waryobha kya bhono twaamukumiri, tokamwesegha, töghëndërri ighoigho na okohekera ku-muhiko.

1 Yohana 1:3

Uyö twaamaaha na ukumwighwa, we tokobharaarekera amangʼana aghaaye. Torabharaarekera, okore mobhe na öbhömwë na bhëëtö ubhwa ukumukumya. Bhëëtö ntoona öbhömwë na Taata Waryobha, bhaana Omoona uwaaye Yëësu Kiristo.

1 Yohana 1:7

Kasi hano oraanyoore mo-bhorabhu tömënyirë, kya bhono Waryobha amënyirë-mo, hayö ntoraabhe na öbhömwë bhëëtö abheene ko bheene. Kora hayö ho ukunyoora amaanyinga agha Omoona uwaaye Yëësu Kiristo gharatosaabhuura ëbhëbhë ibhyëtö bhyonswe igho.