1 Abhakörintö 10:14 - Imuuma Eehya

¹⁴ Ku bhuyö abhaghonshe abhaane, motakaasengerra ëbhëtöndö kora hake hë!

1 Abhakörintö 10:14 ပူးပေါင်းရင်းမြစ်များ

Amangʼana agha Abhatomwa 15:20

Ku bhuyö tobhandekere ritashandighi tobhatëëbhi igha, bhatakaaryanga ibhyakorya bheno bhinyankuhiibhwi ku ukumwensera ëbhëtöndö, bhatakaakora obhosooraare, bhatakaarya ibhibhuuse, kora bhatakaarya handë ukunywa amaanyinga.

Abharuumi 12:19

Abhaghonshe abhaane, motakaahaka ikisiiyomba, moteghere Waryobha umwene ahake. Nkoghamba ndë igho, ko bhoora Omonene Waryobha yaaghambirë mo-Maandeko Amahörëëru igha, “Nö-öni nkohaka ikisiiyomba.”

1 Abhakörintö 10:15

Nkushumaasha ndë na abhantö bhano momanyirë amangʼana ghayö, ku bhuyö mwitaahe amangʼana ghayö ngambirë.

1 Abhakörintö 10:19

Bhoono n-kë nkaghamba? Ngambe igha, ibhyakorya bheno bhimwënsëywë ëbhëtöndö, mbeena ubhwera? Handë igha, ëbhëtöndö mbeena ubhwera?

1 Abhakörintö 10:7

Motakaasengerra ëbhëtöndö kya bhono abhandë bhaakörrë. Amaandeko Amahörëëru ko engʼana iyö gharaghamba igha, “Abhantö mbaaikaayë bhakarya na ukunywa, hano bhakomara, bhakaimoka, bhakabhina.”

1 Abhakörintö 5:11

Kasi naabhandëkëëyë igha, motakaaghootana na ömöntö ono okobherekerwa igha umukumya murikyënyu, hano oraanyoore m-mosooraare, umuhiti, handë ömösëngërri uwa ëbhëtöndö, handë ömötöki, handë ömörëëbhi, handë omosaki. Ömöntö kya uyö, motakaasanga nawe kora ibhyakorya.

2 Abhakörintö 11:11

Okoghamba ukwane igho, ensonga yaamo ti-igha tembahanshirë hë. Waryobha namanyirë kya bhono mbahanshirë.

2 Abhakörintö 12:15

Öni nendaashomerwe ukuruusya ëbhëntö ibhyane, na ukwiruusya öni umwene, okore mbatöörri. Kasi bhoono, nkomaahekana ërë igha, enkaagha eno öni nköghëndërrya okobhahansha bhököngʼu, ho bhëënyu mukusuuhya righonshe iryënyu ku-öni.

2 Abhakörintö 12:19

Kasi nkokanya mörë igha, nkwikoorerra törë kö-bhëënyu. Bhëëtö nkoghamba törë amangʼana ghano mbere iya Waryobha, ntoona öbhömwë na Kiristo. Amangʼana ghayö ghonswe igho tokokora, abhaghonshe abhëëtö, n-ko okoghera iya okobhatöörrya, okore monaghe ku-mukumo ughwënyu.

2 Abhakörintö 6:17

Ku bhuyö Omonene Waryobha yaaghambirë igha, “Murwe mo-bhantö bhayö, mwitashe hare nabho. Motakaakunia ëkëntö ikinyanku, hayö bhoono ho ndaabhasërëëni.

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

Abhafiripi 4:1

Ku bhuyö abhakumya bharikyëtö, nembahanshirë, kora nkwighomba ndë mbamaahe. Bhëënyu mbo ukushomerwa ukwane, na m-bëënyu ituho iyaane eno naahaanwa ko okoghera iya meremo gheno naakora. Ni-igho ikutunwa igha bhaghonshe abhaane, monaghe ko-Monene.

Firimoni 1:1

Ritashandighi reno Firimoni, nö-öni Pauro nkwandëkëëyë. Öni mo-kebhohe ndë, ko okoghera iya okoraareka Amangʼana Amaiya agha Kiristo Yëësu. Öni toona umukumya murikyane Timoteo, torakökëërya uwe omoghonshe uwëëtö, ömököri uwa emeremo murikyëtö.

Abhaëbhuraania 6:9

Kasi abhaghonshe abhëëtö, nokaanyoora igha nkoghamba törë kwa öbhöbhë, kasi ntoona obhoheene igha, moona amangʼana amaiya ghano mokokora, ghano ghakwörökya igha, mwatööribhwa.

1 Peetero 2:11

Abhaghonshe abhaane, bhëënyu m-baghëni bhahëti mörë ko-kebhara kono. Ku bhuyö, ndabhasaasaama igha, motakaikërrya okobhaahwa na oronamba oroghogho urwa ëmëbhërë ighyënyu. Oronamba oroghogho ruyö, nkurutana rörë na bhëënyu, okore robhabhaahe.

1 Yohana 5:21

Bhëënyu abhaana abhaane abhaghonshe, mwiyangarrenga motakaasengerra ëbhëtöndö.

Okohonyora 13:8

Abhantö bhonswe igho abha ko-kebhara kono, bhano amariina aghaabho ghatandëkirwë mo-ketabho ikya Öbhöhöru, mbareghosengerra. Eketabho kiyö, ni-ikya Omoona Ringʼöndi ono yaanshinshirwë, nkyaandëkirwë ukurwa okosemoka ukwa ekebhara.

Okohonyora 2:14

Kasi amangʼana gharëngë kö-bhëënyu amake igho, ghano ghakunnyankya. Bhaaho abhantö bhano bhakosoorana amëëghyö agha Bharaamu, mö-bhëënyu muyö. Bharaamu uyö, yëëghëri Bharaaki okotegha Abhaisiraëri, okore bhakore ëbhëbhë ibhya okorya ibhyakorya bheno bhimwënsëywë ëbhëtöndö, na okokora obhosooraare.

Okohonyora 21:8

Kasi bhoono abhoobha, bhano bhatakukumya Waryobha, bhano bhakösësëëbhya enkoro iya Waryobha, abhaiti, abhasooraare, abhaturutumbi, bhano bhakosengerra ëbhëtöndö, na abharongo, bhonswe igho bhayö, mbaretoorwa mu-nyansha eno ikwibhugha omorro, na ubhurutu ubhwa ikibhiriiti. Na ruyö ndwo uruku urwa kabhërë.”

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.