1 Abhakörintö 10:13 - Imuuma Eehya

¹³ Amashaasho ghano mwaanyoora, n-kya ghano abhantö abhandë bhakunyooranga. Kasi momanye igha, Waryobha uwa heene, taatighe mushaashwe okokera obhotoro ubhwënyu. Hano mwashaashwa, Waryobha nkobhahaana arë obhotoro ubhwa ököghömërrya na enshera iya ukurwa-mo.

1 Abhakörintö 10:13 ပူးပေါင်းရင်းမြစ်များ

Mataayo 6:13

Otakaatohatërrya mo-mashaashyo. Kasi ötötöörri, ko-mashaashyo agha Omoghogho oora, [ko bhoora obhokama, obhotoro na ubhuhika ni-bhyaho amakora ghonswe igho! Amina.]’”

Ruuka 11:4

Utwabhere ëbhëbhë ibhyëtö, kya bhono tukwabhera bhano bhakotosarrya. Otakaatohatërrya mo-mashaashyo, [kasi ötötöörri ko-mashaashyo agha Omoghogho oora].’ ”

Ruuka 16:26

Ghwiki mbe Waryobha, yaatoora-ho rirooma rinene ghatëghatë iya bhëëtö na bhëënyu, okore ömöntö atakaamboka aashe iyö, handë uwa iyö, ukuusha eno.’

Ruuka 22:46

Akabhabhöörya igha, “N-kwakë moraayë? Mobhooke! Mosaasaame Waryobha, okore motakaashaashwa.”

Amangʼana agha Abhatomwa 27:44

Bhano bharaatighare, bhagheghe sembaau, handë amabhaara agha iryato riyö, bhaambokere. Ku bhuyö bhonswe igho tokaamboka bhuuya tokahika humbu.

1 Abhakörintö 1:9

Waryobha nu-uwa heene, yaabhabherekera, okore mobhe na öbhömwë na Omoona uwaaye, Yëësu Kiristo Omonene uwëëtö.

2 Abhakörintö 1:10

Waryobha uyö, we yaatöhönia, tokahona rwa ukwaghura, kora naraaghëndërri ökötöhönia. Bhëëtö we tukwitengʼera igha, ni-igho araakorenga nkaagha syonswe igho.

1 Abhatësarönikë 5:24

Waryobha ono akobhabherekera, naraabhakorre ghayö, ko bhoora arëngë uwa heene.

2 Abhatësarönikë 3:3

Kasi Omonene Yëësu uwa heene, naraabhatogheke na abharende motakaanyoorwa na mangʼana agha Omoghogho oora.

2 Timoteo 4:18

Nemanyirë igha Omonene Yëësu, naraaghëndërri ököntöörya ko-maghogho ghonswe igho na okondenda, okohekera ko-Bhokama ubhwaye ubhwa mu-ryobha. Omonene Yëësu atöönibhwi amakora na amakora! Amina.

Abhaëbhuraania 10:23

Tonaghi ubhweseghe ubhwëtö bhono twaaikërëëyi, ko bhoora Waryobha ono yaaraghania, n-wa heene.

Abhaëbhuraania 11:11

Umukumo, ghwaaghërrë Saara akanyoora obhotoro ubhwa ukwimokya enda, nokaanyoora yaarenga aghötirë. Iyö, m-boora yaamanyirë igha, Waryobha ono yaamoraghaini, n-wa heene.

Abhaëbhuraania 12:4

Nokaanyoora moona omotono ughwa okobhaaha ëbhëbhë, kasi temoraitana riihë na ëbhëbhë okohekera ukukwa ukwënyu.

Abhaëbhuraania 6:18

Mbe, maaha igha, bheeho ëbhëntö bhibhërë bheno Waryobha yaakora, okoraghania na ukutyana, ku bhuyö tariisyörya ghwiki hë, ko bhoora we te-morongo hë. Bhoono bhëëtö bhano twamongʼosera-ko, tobhe na obhokarë ubhwa ukwesegha amangʼana ghano ghakuusha.

1 Peetero 4:19

Ku bhuyö, bhano bhakunyoora inyaanyi ko okokora ghano Waryobha akutuna, bhamanye igha, Waryobha m-Möbhömbi uwa heene. Ku bhuyö, bho bhaitoore mo-mabhoko aghaaye, bhaghëndërri okokora amangʼana amaiya.

2 Peetero 2:9

Ku bhuyö momanye igha, Omonene Waryobha namanyirë enshera iya ökötöörya abhantö abhaaye, bharwe mo-mashaashyo. Kora ghwiki namanyirë bhono arishibhya abhakora amaghogho, urusikö urwa okobhabhotorra ikiina.

1 Yohana 1:9

Kasi hano toraatëëbhi Waryobha igha twaakora ëbhëbhë, Waryobha naraatwabhere ëbhëbhë ibhyëtö. Naraatosaabhuure obhoghogho ubhwëtö bhwonswe igho, ko bhoora we n-wa heene, kora nkokora arë ubhwa heene.

Okohonyora 19:11

Hano ghayö ghaahööyë, nkamaaha mu-ryobha haighökirë. Nkamaaha efaraasi endabhu. Ono yaaikaayë-ko, yaabherekerwanga igha, “Uwa heene” na “Uwa Obhoheene.” Nkobhotora arë ibhiina na ukwitana riihë ubhwa heene.

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.

Okohonyora 3:10

Enkaagha iya inyanko niriisha ko-kebhara kyonswe igho, na abhantö bhonswe igho mbarishaashwa. Kasi bhëënyu, nendebharenda ko-nkaagha iyö, ko bhoora mwaaghömërrya inyaanyi kya bhoora naabharaghërrëëyi.