1 Abhakörintö 1:8 - Imuuma Eehya

⁸ Waryobha naraabhatogheke okohekera urusikö urwa umuhiko, okore amasoro ghatakaasha okotooka kö-bhëënyu urusikö ruyö, urwa Omonene uwëëtö Yëësu Kiristo.

1 Abhakörintö 1:8 ပူးပေါင်းရင်းမြစ်များ

Ruuka 17:24

Nembatëëbhëri ghayö, ko bhoora hano Omoona uwa Ömöntö ndikyora, nindiisha kya örömësyö urwa enkobha, hano rwamësya, nkömërëkya rörë ahasë honswe igho ighörö iyö.

Ruuka 17:30

“Ni-igho erebha urusikö urwa okohonyorwa ukwane öni Omoona uwa Ömöntö.

Abharuumi 14:4

Uwe toona ubhwera ubhwa okobhotorra ikiina ömököri uwa emeremo uwa ömöntö uwöndë. Omonene uwaaye we amanyirë nyoore ömököri uwaaye uwa emeremo asarri, handë igha tasarri hë. Na ömököri uwa emeremo uyö, noraanyoore akörrë kya bhoora ikutunwa, ko bhoora Omonene Yëësu Kiristo naana obhotoro ubhwa okomokora akore bhono Yëësu Kiristo umwene akutuna.

Abharuumi 16:25

Bhoono ni-igha tötööni Waryobha! Ko bhoora we nkotora arë okobhakora mobhe na umukumo ghono ghonaghirë, okohetera ko Amangʼana Amaiya agha Yëësu Kiristo ghano naabharaarekera, agha ësëëmyö iya Waryobha eno yaarenga ibhisirwë ukurwa kare.

Abharuumi 8:19

Ëbhëntö bhyonswe igho bheno bhyaabhombwa, nkoghanya bhërë bhököngʼu, enkaagha eno Waryobha arehonyora harabhu igho abhaana abhaaye.

1 Abhakörintö 3:13

Ubhuuya ubhwa omoremo ughwa kera ömöntö, mboremaahekana harabhu igho. Urusikö roora urwa okobhotora ikiina, emeremo ghyonswe igho ngeremaahekana harabhu igho, ko bhoora omoremo ughwa kera ömöntö, ngurishaashibhwa ko okohetera mo-morro ughwa okobhotorra ibhiina.

1 Abhakörintö 5:5

Ni-igha mohaane Oghosambwa ömöntö uyö, okore esemoko iyaaye iya öbhököri ubhwa ëbhëbhë, isikibhwi, kasi enkoro iyaaye ëtööribhwi urusikö urwa ukukyora ukwa Omonene Yëësu Kiristo.

2 Abhakörintö 1:13

Tetokobhandekera amangʼana ghano gharaabhataami okomanyërrya, kasi mmoraaghasome moghamanyërri. Neena ubhweseghe igha, moraamanyërri bhuuya amangʼana ghayö,

2 Abhakörintö 1:14

nokaanyoora igha, bhoono igho, amangʼana te-ghonswe igho momanyirë hë. Kasi nkwitengʼera ndë igha moremanya bhuuya igha, bhëëtö mbo esemoko iya ukwikumya ukwënyu, kya bhono bhëënyu bhonswe mörëngë esemoko, iya ukwikumya ukwëtö, urusikö roora Omonene Yëësu Kiristo arikyora.

2 Abhakörintö 1:21

Mbe, Waryobha ono yatwahora, we akotokora toranagha ku-Yëësu Kiristo, bhëëtö hamwë na bhëënyu.

Abhaëfësö 5:27

okore anyoore ekanisa inshiiya, ëhörëëru, eno etaana risoro ryoryonswe reera.

Abhafiripi 1:10

okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

Abhafiripi 1:6

Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.

Abhakorosaai 1:22

Kasi bhoono Waryobha yaabhaighwerrania nawe, ko okohetera ukukwa ukwa Kiristo. Yaakörrë igho, okore igha abhareete mbere iyaaye mörëngë abhahörëëru, motaana imbuura handë risoro ryoryonswe reera.

Abhakorosaai 2:7

Mohangarre mönsë iyaaye, mwihaghaashe ko-we na umukumo kya bhono mwëëghibhwa. Ghwiki mobhe abhantö bhano mukukumya bhököngʼu Waryobha.

1 Abhatësarönikë 3:13

Ghwiki ni-igha atogheke senkoro isyënyu, okore mobhe abhantö abhahörëëru na motakaabha na risoro ku-Waryobha Taata uwëëtö, enkaagha eno Omonene uwëëtö Yëësu ariisha hamwë na abhahörëëru abhaaye bhonswe igho.

1 Abhatësarönikë 5:2

Ko bhoora bhëënyu abheene mmomanyirë igha, urusikö urwa ukuusha ukwa Omonene Yëësu, ndorebhasha abhantö kya hano umwibhi yaasha ubhutikö.

2 Abhatësarönikë 2:2

motakaaheeta okobhaabhayera morakanya igha, urusikö urwa ukuusha ukwa Omonene ruhikirë. Mbe, eratora okobha igha mwaaighwa amangʼana nyabhorebhe agha öbhörööti, handë agha obhoraarëki, handë agha ritashandighi reno mokokanya igha ni-ryëtö.

2 Abhatësarönikë 3:3

Kasi Omonene Yëësu uwa heene, naraabhatogheke na abharende motakaanyoorwa na mangʼana agha Omoghogho oora.

2 Timoteo 1:12

Kiyö nkyo kekoghera ndanyanka. Kasi tenkosookera inyanko iyö hë, ko bhoora nemanyirë ono naakumya. Ghwiki nemanyirë igha, amangʼana agha obhoheene ghano Yëësu Kiristo yaangʼaana, nkogharenda arë bhuuya okohekera urusikö roora arikyora.

2 Timoteo 1:18

Na uwe wonswe nomanyirë bhuuya, amangʼana amaaru ghano yaankörëëyë mu-mughi ughwa Ëfësö hayö. Omonene Yëësu aashe kumwabhera urusikö roora urwa okobhotora ibhiina.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.

2 Peetero 3:10

Urusikö urwa Omonene nduriisha igho kya umwibhi. Urusikö ruyö, ighörö iyö, harihëënia ukurwa-ho ku ikirumo ekenene. Ëbhëntö bheno bheemo, mberesambwa na omorro. Ekebhara kyonswe igho nkirisika hamwë na ëbhëntö bhyonswe igho bheno bheemo.

2 Peetero 3:14

Ku bhuyö abhaghonshe abhaane, enkaagha eno mokeghanya urusikö ruyö, mokorenga omotono ughwa okobha na enkoro inshiiya bhököngʼu, motakaabha na risoro ku-Waryobha, kora mobhe na omorembe.