1 Abhakörintö 1:6 - Imuuma Eehya

⁶ Ghayö nkwörökya gharë igha, amangʼana agha Yëësu Kiristo ghano twaabharaarëkëëyë na-agha obhoheene.

1 Abhakörintö 1:6 ပူးပေါင်းရင်းမြစ်များ

Maariko 16:20

Abheegha abhaaye bhakatanora ukurwa hayö. Bhakaghya okoraareka Amangʼana Amaiya kera hasë. Omonene Yëësu yaabhahaananga obhotoro ubhwa ebhemanyërryö, ku bhuyö ni-igho yöörökëri igha, amangʼana ghayö n-ga obhoheene.]

Amangʼana agha Abhatomwa 11:17

Mbe, ko bhono Waryobha abhahaayë ituho eeraeera yaatohaayë bhëëtö hano twaakumiri Omonene Yëësu Kiristo, bhoono öni m-bwera kë neenabho, bhono bhoraaghere nshaashi okorebherra Waryobha?”

Amangʼana agha Abhatomwa 11:21

Obhotoro ubhwa Omonene Waryobha, mbwaarë hamwë nabho. Abhantö abhaaru këmwëkëmwë, bhakakumya na ukukyora ko-Monene Yëësu.

Amangʼana agha Abhatomwa 18:5

Mbe, hano Siira na Timoteo bhaangʼaaraarrë ukurwa Makedonia ukuusha Körintö, Pauro akahengera mo-Bhayahudi ököbhëëghya engʼana iya Waryobha senkaagha syonswe igho. Akaimererra igha Yëësu we Kiristo.

Amangʼana agha Abhatomwa 20:21

Naatëëbhyanga Abhayahudi hamwë na Abhayunaani igha, bhahongore ëbhëbhë ibhyaho, bhaashe ku-Waryobha, bhakumi Yëësu Kiristo, Omonene uwëëtö.

Amangʼana agha Abhatomwa 20:24

Kora nenkaakwa të-këntö ku-öni hë. Keno këntönëri ni-igha, mmarërri emeremo gheno Omonene Yëësu yaangʼaana okokora. Emeremo ghiyö, ni-ighya okoraarekera abhantö Amangʼana Amaiya agha örööbhö urwa Waryobha.

Amangʼana agha Abhatomwa 22:18

Nkamaaha Omonene Yëësu mo-kerooto muyö, arantëëbhya igha, ‘Wangohe ukurwa Yërusarëëmu hano, ko bhoora abhantö abha mu-mughi ghono, tebhaikërri ubhwimërërri ubhwaho ko amangʼana aghaane.’

Amangʼana agha Abhatomwa 23:11

Ubhutikö ubhwa urusikö ruyöruyö, Omonene Yëësu Yaabhööshökëëyë Pauro, akaimerra haangʼë nawe, akamötëëbhya igha, “Terema! Kya bhono waaimërërrëëyë amangʼana aghaane Yërusarëëmu hano, mbo oraaghaimererre mu-mughi ughwa Ruumi honswe.”

Amangʼana agha Abhatomwa 28:23

Ku bhuyö bhakaikererrania urusikö rono bhakaasikaini mu-nyumba eno Pauro yaaikaranga-mo. Hano urusikö ruyö rwaahikirë, Abhayahudi bhayö bhakaasha abhaaru haara Pauro yaamënyirë. Pauro akabharaghërrya bhuuya amangʼana agha Obhokama ubhwa Waryobha, ukurwa nyinkyo, okohekera omoghoroobha. Arashaashya abharute ko-nshera iya amaraghërryö agha Mosa, na mo-bhetabho ibhya abharööti okore bhakumi Yëësu.

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.

2 Abhakörintö 12:12

Hano naarë kö-bhëënyu hayö, naaiyörökëri igha, m-motomwa ndë, ko bhoora naakörrë amakono, ebhemanyërryö na amangʼana agha ököröghöörya kö ököghömërrya kwonswe igho.

Abhagharatia 3:5

Bhoono möntëëbhi, kanaa, Waryobha yaabhahaana Umwika Ömöhörëëru na okokora amakono mö-bhëënyu ko okoghoota amaraghërryö agha Mosa, kasi n-ko okoghera iya ukwitegherra Amangʼana Amaiya agha Yëësu na okoghakumya?

2 Abhatësarönikë 1:10

Urusikö roora Omonene Yëësu arikyora, narëtöönibhwa na abhantö abhaaye, kora naresookwa na abhantö bhonswe igho bhano bhakumukumya. Na bhëënyu bhonswe moreebha-mo, ko bhoora mwikërëëyi engʼana eera twaabhatëëbhëri.

1 Timoteo 2:6

Yëësu uyö, yaairuusiri umwene igha akwe, okore atunguri abhantö bhonswe igho. Kiyö nkyo ekemanyërryö keno Waryobha yaatohaayë ko-nkaagha eno umwene yaasëëmëri.

2 Timoteo 1:8

Mbe, bhoono otakaasooka ukwimererra amangʼana agha Omonene uwëëtö Yëësu Kiristo, handë okomaaha sënsöni ko bhoora igha öni mo-kebhohe ndë ko okoghera iya Omonene uwëëtö uyö. Kasi ghömërrya inyaanyi hamwë na öni, ko okoghera iya Amangʼana Amaiya, ku singuru seno okohaanwa na Waryobha.

Okohonyora 1:2

Yohana akaimererra amangʼana ghonswe igho ghano yaarööshë. Amangʼana ghayö yaarööshë, na-agha obhoheene bhono bhwahönyööywë na Yëësu Kiristo. Obhoheene bhuyö, mbo engʼana iya Waryobha.

Okohonyora 1:9

Öni nö-öni Yohana umukumya murikyënyu. Nkötöörrania ndë hamwë na bhëënyu ököghömërrya inyanko ko okoghera iya Yëësu na Obhokama ubhwaye. Öni naarëbhërrëëywë kwi-ghinga reno rekobherekerwa igha Paatimo. Naarëbhërrëëywë iyö, okore igha, ntakaaraareka engʼana iya Waryobha na ntakaimererra amangʼana agha Yëësu.

Okohonyora 12:11

Abhakumya bharikyëtö, bhaanyöörrë singuru isya okobhaaha Oghosambwa okohetera ko amaanyinga agha Omoona Ringʼöndi, na ko okoghera iya ubhwimërërri bhono bhaamwimërërrëëyë, ko bhoora tebhaatöniibhwi na öbhöhöru ubhwabho hë. Mbaaikërëëyi ukukwa, ko okoghera iya ukukumya Omoona Ringʼöndi.

Okohonyora 12:17

Ughushoka ghuyö, ghokarererra bhököngʼu omokari uyö. Ghokaghya ukwitana na abhaana abha omokari uyö bhano bhaatighaayë. Abhaana bhayö, na-bhantö bhano bhakoghoota amaraghërryö agha Waryobha, na ukwimererra Yëësu.

Okohonyora 19:10

Mbe, ho naaghööyë hansë bhubhuumaayë ko-maghörö agha maraika uyö, okore mmosaasaame. Kasi akantëëbhya igha, “Tigha otakaakora igho! Öni wonswe murikyaho ndë, ömököri uwa emeremo hamwë na abhakumya bharikyaho, bhano bhakwimererra amangʼana agha Yëësu. Sengerra Waryobha! Ko bhoora ukwimererra amangʼana agha Yëësu kuyö nkwo esemoka iya öbhörööti.”

Okohonyora 6:9

Mbe, Omoona Ringʼöndi akanaanora ubhurimbo ku-muhuri ughwa kataano, nkamaaha senkoro isya abhantö mö-ngönköörë iya riighyö. Abhantö bhayö mbaaitirwë, ko bhoora bhaakumiri na ukwimererra engʼana iya Waryobha.