1 Abhakörintö 1:30 - Imuuma Eehya

³⁰ Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhakörintö 1:30 ပူးပေါင်းရင်းမြစ်များ

Mataayo 1:21

Nareebhore omoona uwa ikishaasha, omoroke igha Yëësu, ko bhoora igha, uyö we araatööri abhantö abhaaye ukurwa mö-bhëbhë ibhyabho.”

Ruuka 11:49

“Kiyö nkyo kyaaghërrë Waryobha ko-bhongʼaini ubhwaye, akaghamba igha, ‘Nendaabhaherre abhatomwa na abharööti, kasi abharööti abhandë, mbaraaitwe, na abhandë mbaraateeswe.’

Ruuka 21:15

Öni nendebhahaana obhongʼaini na amangʼana agha okoghamba, kora abhabhisa abhëënyu tebharetora ukwanga, handë okobhanyeera senkaani.

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 17:26

Öni nkörrë omanyekane kya bhono örë, kora ghwiki nendaaghëndërri okokora igho, okore righonshe reno onaryo ku-öni, rebhe ko bheene bhayö, na öni wonswe mbe mo-bhayö.”

Yohana 17:8

ko bhoora mbatëëbhëri amangʼana ghonswe igho ghano waantëëbhya, bhonswe bhaghaikërrëëyi. Bhoono bhamanyirë obhoheene igha, nku-uwe naarwa, kora bhakakumya igha nu-uwe waantoma.

Yohana 8:12

Mbe, Yëësu akaghëndërrya okoghamba ghwiki na rikomo reera igha, “Öni nö-öni obhorabhu ubhwa ekebhara. Ömöntö wowonswe igho ono akonsoorana, takoghenda mu-kisuntë kora hake hë, kasi naraabhe na obhorabhu bhono bhokomotangata mö-bhöhöru ubhwa amakora ghonswe igho.”

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Abharuumi 1:17

Amangʼana Amaiya ghayö, nkwörökya gharë bhuuya kya bhono Waryobha akobhara abhantö igha m-ba heene. Nkobhara arë abhantö igha m-ba heene, ko okohetera umukumo ughwabho ughwene igho. N-kya bhono Amaandeko Amahörëëru ghakoghamba igha, “Ömöntö uwa heene, naremenyanga mu-mukumo ughwaye ghono aanagho.”

Abharuumi 11:36

Ko bhoora Waryobha we yaabhomba ëbhëntö bhyonswe igho, ëbhëntö bhyonswe nku-mwene bhikurwa, ëbhëntö bhyonswe igho höbhërë ko okoghera iya obhotoro ubhwaye. Ubhuhika nu-bhwaye amakora ghonswe igho. Amina.

Abharuumi 12:5

Ömöbhërë ughwa Kiristo ghonswe ni-igho ghörë. Bhëëtö ntonga kya imyaho imyaru ighya ömöbhërë ughwa Kiristo. Kera ömöntö nu-mwaho ughwa murikyaye kö-möbhërë kuyö.

Abharuumi 16:11

Mönkëërri Herodioni, Umuyahudi murikyane. Mönkëërri abhantö abha Narikiso bhano bhakukumya Omonene uwëëtö Yëësu Kiristo.

Abharuumi 16:7

Mönkëërri Andurönikö na Yunia, Abhayahudi bharikyane bhayö, bhaabhöhirwë mo-kebhohe hamwë na öni. Mbaantangatëëyë ukukumya Yëësu Kiristo. Abhantö bhayö mbamanyëkaini bhököngʼu mo-bhatomwa.

Abharuumi 4:25

Waryobha yaarëëtirë Yëësu okore akwe, ko okoghera iya ëbhëbhë ibhyëtö. Akamuryökya, okore tobharwe igha, m-ba heene törë.

Abharuumi 4:6

Obhongʼoore kö-möntö ono Waryobha akobhara igha wa heene, tërëngë igha n-ko okoghera iya amangʼana aghaaye ghano yaakora. Omokama Daudi yaarëngëri ko engʼana iyö igha,

Abharuumi 5:19

Kya bhoora igha, ömöntö ömwë yaangirë ukwighwera Waryobha, akaghera abhantö bhonswe igho bhakabha abhaköri abha ëbhëbhë, ni-ighoigho kora ömöntö ömwë ono yaaighwërëëyë Waryobha, yaaghera abhantö abhaaru bhakabharwa igha m-ba heene.

Abharuumi 5:21

Mbe, kya bhoora ëkëbhë kyaarë na singuru isya okobhaaha abhantö, kora kekabharetera uruku, ni-ighoigho kora na okobhara abhantö igha m-ba heene, örööbhö urwa Waryobha rwaareetera abhantö öbhöhöru ubhwa amakora ghonswe igho, ko okohetera ku-Yëësu Kiristo Omonene uwëëtö.

Abharuumi 8:1

Mbe, bhoono ni-igha, Waryobha taashibhi abhantö bhano bhaana öbhömwë na Kiristo Yëësu.

Abharuumi 8:23

Ti-igha në-bhëntö bhiyö ibhyene igho mbyo bhikukuura hë. Kasi kora na bhëëtö bhonswe, bhano twaahaanwa Umwika Ömöhörëëru, okore tuwonshi ubhuuya bhono torehaanwa, nkukuura törë mo-senkoro isyëtö. Waryobha we tokoghanya, atohaane ubhwera bhwonswe igho ubhwa okobha abhaana abhaaye. Keno nkoghamba ni-igha, atutunguri, ëmëbhërë ighyëtö ghebhe emehya.

Abharuumi 8:9

Kasi bhoono bhëënyu, temokotongwa na esemoko iya öbhököri ubhwa ëbhëbhë hë, nu-Mwika uwa Waryobha ono amënyirë mo-senkoro isyënyu, we akobhatangata. Momanye igha, ömöntö wowonswe ono ataana Umwika uwa Yëësu Kiristo mo-nkoro iyaaye, uyö te-mosoorani uwa heene uwa Yëësu Kiristo hë.

1 Abhakörintö 1:2

nkobhakëërya törë bhëënyu bhano mörëngë mo-kanisa iya Waryobha, eno ërëngë Körintö hayö. Bhëënyu mwasaabhuurwa na Kiristo Yëësu. Mwabherekerwa igha, mobhe abhantö abha Waryobha, hamwë na bhonswe igho kera ahasë, bhano bhakosaasaama Omonene uwëëtö Yëësu Kiristo, ono arëngë Omonene uwaabho, na uwëëtö na bhëëtö bhonswe.

1 Abhakörintö 1:24

Kasi ko bhano Waryobha yaabhabherekera bhabhe abhaaye, mbakaabha Abhayahudi handë abhantö bhano bhatarë Abhayahudi, Yëësu Kiristo, we obhotoro na obhongʼaini ubhwa Waryobha.

1 Abhakörintö 12:18

Kasi bhoono Waryobha yaasëëmya bhuuya imyaho ighya ömöbhërë, kera umwaho yaghösëëmya kya bhono umwene yaatunanga.

1 Abhakörintö 12:27

Mbe, bhëënyu bhonswe igho nö-möbhërë ughwa Kiristo mörë. Kera ömwë uwëënyu, nu-mwaho ughwa kö-möbhërë kuyö.

1 Abhakörintö 12:8

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana.

1 Abhakörintö 4:15

Mokaabha na abhëëghya ëbhëkwë ikömi, abha ököbhëëghya amangʼana agha Yëësu Kiristo, kasi bhasuwëënyu, te-bhaaru hë. Kasi suwëënyu ko amangʼana agha Yëësu Kiristo nö-öni, ko bhoora nö-öni naabharaarëkëëyë Amangʼana Amaiya.

1 Abhakörintö 6:11

Abhandë mö-bhëënyu muyö, ni-igho mwaarë. Kasi bhoono mwoghibhwa obhoghogho ubhwënyu, mwahorwa, mokakorwa abha heene okohetera ku iriina irya Omonene uwëëtö Yëësu Kiristo, na ku-Mwika uwa Waryobha uwëëtö.

2 Abhakörintö 12:2

Mmanyirë Umukiristo ömwë, Umukiristo uyö, yöönyööywë ukughya ighörö iyö, imyoka ikömi na inye gheno ghyaaheta. Yaainyökiibhwi, akihikibhwa mu-ryobha irya katatö, hanga yaainyökiibhwi arëngë mö-möbhërë ughwaye muyö, hanga yaaghëëyë igho atarëngë mö-möbhërë ughwaye muyö, Waryobha we amanyirë. Kasi öni temanyirë hë.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

Abhagharatia 1:4

Kiristo yaairuusiri öbhöhöru ubhwaye, ko okoghera iya ukuruusya-ho ëbhëbhë ibhyëtö. Yaakörrë igho, okore atötööri turwe mo-mangʼana amaghogho ghonswe igho agha ko-kebhara keno ikya bhoono igho. Ghayö ghonswe igho ngaabhaayë igho, ko okorengʼaana na okohansha ukwa Waryobha Taata uwëëtö.

Abhagharatia 3:13

Kiristo yaatutungurya ukurwa mu-riragha irya amaraghërryö, yaakörrë igho, ko okoghegha riragha riyö ko okoghera iya bhëëtö, ko bhoora Amaandeko Amahörëëru gharaghamba igha, “Ömöntö wowonswe igho ono ahanëkirwë ko-mosarabha, yaihiimwa.”

Abhaëfësö 1:10

Ësëëmyö iyaaye ni-igha hano enkaagha inshiiya irihika, naretoora hamwë ëbhëntö bhyonswe igho, ibhya mu-ryobha na ibhya ko-kebhara kono, kora akore Kiristo Yëësu abhe omotangati uwa ëbhëntö bhiyö.

Abhaëfësö 1:14

Umwika Ömöhörëëru uyö, n-kya ekebhete ikya Waryobha kö-bhëëtö igha, Waryobha naretohaana ëbhëntö ibhyëndë bhyonswe igho, bheno yaaraghaini igha, aretohaana. Umwika Ömöhörëëru uyö, we ono Waryobha yaatoora-ho okohekera hano aritutungurya bhëëtö abhantö abhaaye. Ku bhuyö ni-igha tumukumi ku ubhuhika ubhwaye.

Abhaëfësö 1:7

Ko okohetera amaanyinga agha Kiristo Yëësu, Waryobha yatutungurya, igha, atwabhëëyë ëbhëbhë ibhyëtö okorengʼaana na ubhwaru ubhwa örööbhö urwaye.

Abhaëfësö 2:10

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.

Abhaëfësö 5:26

Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,

Abhafiripi 3:9

Ghwiki ni-igha ngootane nawe këmwë. Tinkwitengʼera ghwiki ukunyoora obhoheene ubhwane ko okoghera iya ököröndërrya amaraghërryö, kasi Waryobha yaamara okoghamba igha, m-möntö uwa heene ndë ko okoghera igha, neneena umukumo ku-Kiristo. Obhoheene bhuyö, nku-Waryobha bhukurwera, bhuusha ko bhaara bhakukumya Kiristo.

Abhakorosaai 1:14

Twatunguribhwa ko okohetera Omoona uwaaye uyö, ko bhoora twabherwa ëbhëbhë ibhyëtö.

Abhakorosaai 3:16

Engʼana iya Kiristo ebhaikarre ku ubhwaru. Mworokerraninga, morakaanania kwa bhongʼaini bhonswe igho. Mörëëtëringa Waryobha mo-senkoro isyënyu, na ukumukumya ko-sezabhuri, amarëëtyö na sëtënzi isya mo-nkoro.

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 9:12

Hano Yëësu yaasöhirë Ahasë Ahahörëëru aha Ahahörëëru, tiyaasöhirë-ho na amaanyinga agha sëmböri handë agha ëbhëkööhë. Kasi na-maanyinga aghaaye umwene, ngo yaasöhirë nagho kamwë igho, Ahasë Ahahörëëru aha Ahahörëëru, akatutungurya amakora ghonswe igho.

Yaakobho 1:5

Kasi hano oraanyoore ömöntö mö-bhëënyu muyö, asuuhirwë na obhongʼaini, asaasaame Waryobha, naraamohaane. Ko bhoora Waryobha m-mohaani ko-bhantö bhonswe igho, kora takohamera ömöntö hë.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

1 Yohana 5:6

Yëësu Kiristo yaahonyorwa igha we m-Moona uwa Waryobha, ko enshera iya amanshë agha obhobhatiisyo ubhwaye, na ko-maanyinga agha ukukwa ukwaye. Tiyöörökëri ko obhobhatiisyo na amanshë ibhyene igho hë, kasi kora na ukwëtëkya amaanyinga aghaaye ko-mosarabha.

Okohonyora 14:4

Abhantö bhayö, nkosoorana bharë Omoona Ringʼöndi ahasë hohonswe igho hano akughya. Tebhaarenga bhainyankuhiri ko okotaara na abhakari, ku bhuyö, nsi-ntindë bhaarë. Bhaatunguriibhwi ukurwa mo-bhantö abhandë, bhakakorwa ikimwenso ikya obhotongore ku-Waryobha bhaana Omoona Ringʼöndi.

Okohonyora 5:9

Bhakarëëtërya Omoona Ringʼöndi rirëëtyö reehya igha, “Uwe wingʼarëëyi okoghegha eketabho kiyö na okonaanora-ko ubhurimbo ubhwa ku-mihuri ighya-ko, ko bhoora uwe waashinshirwë. Okaghorra Waryobha ko amaanyinga aghaaho, abhantö abha amakabhira ghonswe igho, ebheghambo bhyonswe igho, sihiiri syonswe igho na ibhyaro bhyonswe igho.