1 Abhakörintö 1:29 - Imuuma Eehya

²⁹ Yaakörrë igho, okore ömöntö wowonswe igho atakaikumya ku-Waryobha.

1 Abhakörintö 1:29 ပူးပေါင်းရင်းမြစ်များ

Abharuumi 15:17

Mbe, hano nakorra Waryobha emeremo, n-Kiristo Yëësu we nkötöönia, tinkwitöönia hë.

Abharuumi 3:19

Ku bhuyö ntomanyirë igha, hano Amaandeko Amahörëëru ghaghamba engʼana yoyonswe eera, nkunyoora örë ghararaghërrya bhano bhaahaaywë amaraghërryö agha Mosa. Amaraghërryö ngaatöörrwë-ho, okore Abhayahudi bhatakaasha okobha na ikitamërryö, hano Waryobha arebhotorra ekebhara keno ikiina ikyako. Hayö ho eremaahekana igha abhantö bhonswe igho, mbaingʼarëëyi okobhotorrwa ikiina na Waryobha.

Abharuumi 3:27

Ku bhuyö engʼana iyö, nkotorebherra ërë okore totakaiheema, ko bhoora tetokobharwa igha m-ba heene törë, ko okoghera iya amangʼana aghëëtö amaiya ghano tokokora. Kasi n-ko okoghera iya ukukumya Yëësu Kiristo ukwene igho.

Abharuumi 4:2

Hano toraaghambe igha, Ibhurahimu yaabharrwë igha nu-uwa heene, ko okoghera iya amangʼana ghano yaakörrë, hayö noraanyoore anyöörrë engʼana iya ukwikumirya. Kasi obhoheene ni-igha, taana engʼana iya ukwikumirya ku-Waryobha hë.

1 Abhakörintö 1:31

N-kya bhono yandëkirwë mo-Maandeko Amahörëëru igha, “Ömöntö wowonswe igho ono akwihasha, aikumi ko okoghera iya Omonene Waryobha.”

1 Abhakörintö 4:7

Bhoono uwe n-nawë yaakokora obhe uwa heene okokera abhandë? N-kë onakyo keno otaahaanwa na Waryobha? Nyoore waahaanwa, n-kwakë ukwibhaaka kya ono otaahaanwa?

1 Abhakörintö 5:6

Ikiheemere ikyënyu tekeena ubhwera hë. Temomanyirë igha ehamiira enke igho, nkötöndörya ërë ekerengo kyonswe igho ikya obhose?

Abhaëfësö 2:9

Tiyabhatöörya ko okoghera iya ëkëntö ikiiya kyokyonswe keera mwaakora hë, ku bhuyö ömöntö wowonswe oora atakaihasha.