1 Abhakörintö 1:23 - Imuuma Eehya

²³ Kasi bhëëtö, Yëësu Kiristo we tokoraareka, ono yaahanëkirwë ko-mosarabha. Engʼana iyö, yo Abhayahudi bhakwituuratuura-ko, na ko-Bhaghiriki, m-bokangi.

1 Abhakörintö 1:23 ပူးပေါင်းရင်းမြစ်များ

Mataayo 11:6

Nyakara ömöntö ono aköghëndërrya ukunkumya.”

Mataayo 13:57

Bhakamorererra, bhakaanga ukumukumya. Kasi Yëësu akabhatëëbhya igha, “Ömörööti nkosookwa arë ahasë honswe igho. Kasi ahasë hano atakosookwa, mu-kyaro ikyabho, na mo-bhantö abhaaye umwene.”

Ruuka 2:34

Simeoni akabhangʼoora, akatëëbhya Maryamu nyakuwaabho Yëësu igha, “Ighwa mbe! Omoona ono, Waryobha yaamösëëmya igha, narighwësya Abhaisiraëri abhaaru, na ghwiki nariinyökya Abhaisiraëri abhandë abhaaru. Narebha ekemanyërryö, ikya abhantö ukunyeerana senkaani.

1 Abhakörintö 1:18

Engʼana iya omosarabha ughwa Yëësu Kiristo ko bhano bhakusira, nkomaaha bharë igha, m-bokangi, kasi ko bhano tökötööribhwa, nkomaaha törë igha, engʼana iyö, no-bhotoro ubhwa Waryobha.

1 Abhakörintö 1:21

Nkoghamba ndë igho ko bhoora igha, Waryobha ko obhongʼaini ubhwaye, yaakörrë igha, abhantö bhatakaamomanya okohetera ko-bhongʼaini ubhwabho abheene. Kasi Waryobha akamaaha igha, atööri abhantö bhano bhakukumya engʼana eno ekoraarekwa, eno abhantö abhandë bhakomaaha igha m-bokangi.

1 Abhakörintö 1:28

Waryobha yaashaaghööyë ëbhëntö ebhetaaniinu na bheno bhekoserwa ko-kebhara kono, amangʼana ghano ghataaho, okore asöökërri ghano ghaaho.

1 Abhakörintö 2:14

Mbe, ömöntö ono ataana Umwika uwa Waryobha, uyö takotora okoghoota amangʼana ghano ghakurwa ku-Mwika uwa Waryobha, ko bhoora uyö, nkomaaha arë amangʼana ghayö igha, n-ga ekekangi. Kora taatore okoghamanya hë, ko bhoora nkomanywa gharë ko obhotoro ubhwa Umwika Ömöhörëëru.

1 Abhakörintö 2:2

Ko bhoora hano naahikirë kö-bhëënyu hayö, tenatunanga mmanye kyokyonswe keera hë, kasi ekenene na-mangʼana agha Yëësu Kiristo, yëë, Yëësu Kiristo ono yaahanëkirwë ko-mosarabha.

1 Abhakörintö 4:10

Abhantö bharatomaaha igha m-bakangi törë, ko okoghera iya okokorra emeremo Yëësu Kiristo, kasi bhëënyu moraikora igha m-bangʼaini mörë, ko okoghera iya Yëësu Kiristo. Bhëëtö m-batëntëëru törë, kasi bhëënyu moraikora igha, mmoona singuru, bhëënyu mmoona emerengaari, kasi bhëëtö nkoserwa törë.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

Abhagharatia 3:1

Bhëënyu bhare Bhagharatia, m-bakangi mörë! Nawë yaabharogha? Rëndë mbe naabharaghërrëëyi bhuuya amangʼana agha Yëësu Kiristo kya igho yaahanëkirwë ko-mosarabha.

Abhagharatia 5:11

Abhakumya bharikyëtö, ndaighwa abhantö abhandë bharaghamba igha, öni nkoraareka nkërë igha, abhashaasha bhonswe igho ni-igha bhasaarwe. Hano okaanyöörrë igha m-maheene ni-igho nkoraareka, n-kwakë Abhayahudi bhakunyankya? Singa ni-igho nkoraareka ko-bhantö, okoraareka ukwane amangʼana agha omosarabha ughwa Yëësu, tekokaaghërrë Abhayahudi bhandererre hë.

Abhagharatia 6:14

Kasi öni tinkutuna mbe na engʼana iya ukwikumirya hë, kasi nu-kukwa ukwa Omonene uwëëtö Yëësu Kiristo ko-mosarabha. Ko koghera iya ukukwa ukwaye, amangʼana ghonswe igho agha ko-kebhara kono teghaana ubhwera ku-öni hë. Öbhömënyi ubhwane ubhwa kare, bhwakwa hamwë na Yëësu ko-mosarabha.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

1 Peetero 2:8

Ghwiki, nkoghamba gharë igha, “Reghena riyö, ndyo irya ukwituuratuura-ko, ni-ritare irya ukughwësya abhantö.” Abhantö bharaituuratuura-ko, ko bhoora bhatakukumya engʼana iya Waryobha. Kiyö nkyo bhaasëëmëribhwa ukurwa kare.