1 Abhakörintö 1:21 - Imuuma Eehya

²¹ Nkoghamba ndë igho ko bhoora igha, Waryobha ko obhongʼaini ubhwaye, yaakörrë igha, abhantö bhatakaamomanya okohetera ko-bhongʼaini ubhwabho abheene. Kasi Waryobha akamaaha igha, atööri abhantö bhano bhakukumya engʼana eno ekoraarekwa, eno abhantö abhandë bhakomaaha igha m-bokangi.

1 Abhakörintö 1:21 ပူးပေါင်းရင်းမြစ်များ

Mataayo 11:25

Ko-nkaagha iyöiyö, Yëësu akaghamba igha, “Uwe Taata, nu-uwe nkukumya Omonene uwa kera ëkëntö mu-ryobha iyö na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake.

Ruuka 10:21

Hayö na hayö igho, Umwika Ömöhörëëru akaghera Yëësu ashomerwe bhököngʼu, kora akaghamba igha, “Taata, nu-uwe nkukumya, ono örëngë Omonene uwa kera ëkëntö mu-ryobha iyö, na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake. M-maheene Taata waakörrë igho ko bhoora ni-igho waatunirë igha ebhe.”

Ruuka 12:32

“Nokaanyoora te-bhaaru mörë hë, kasi motakoobhoha. Ko bhoora Suwëënyu arööshë igha, abhahaane Obhokama ubhwaye.

Yohana 12:31

Bhoono enkaagha iya Waryobha iya okobhotorra ekebhara keno ikiina, ihikirë. Bhoono Oghosambwa ghono ghokotonga ko-kebhara kono, ngoraatabhutwe kebhara iyö.

Abharuumi 1:28

Mbe, ko bhoora bhaanga okoghoota amangʼana agha Waryobha, Waryobha wonswe yaabhatigha bhakore bhono bhakutuna. Ku bhuyö nkokora bharë amangʼana amaghogho ghano bhaanagho mo-maitegherro aghaabho. Amangʼana ghayö, kora teghaana ubhwera hë.

Abharuumi 11:33

Ubhwamë ubhwa Waryobha, obhomanyi na obhongʼaini ubhwaye, m-byaru bhököngʼu, tebheena ekerengere kyokyonswe igho hë. Taaho ömöntö ono akotora ukwitaaha amaitegherro agha Waryobha, handë ësëëmyö iyaaye.

1 Abhakörintö 1:18

Engʼana iya omosarabha ughwa Yëësu Kiristo ko bhano bhakusira, nkomaaha bharë igha, m-bokangi, kasi ko bhano tökötööribhwa, nkomaaha törë igha, engʼana iyö, no-bhotoro ubhwa Waryobha.

1 Abhakörintö 1:23

Kasi bhëëtö, Yëësu Kiristo we tokoraareka, ono yaahanëkirwë ko-mosarabha. Engʼana iyö, yo Abhayahudi bhakwituuratuura-ko, na ko-Bhaghiriki, m-bokangi.

1 Abhakörintö 1:24

Kasi ko bhano Waryobha yaabhabherekera bhabhe abhaaye, mbakaabha Abhayahudi handë abhantö bhano bhatarë Abhayahudi, Yëësu Kiristo, we obhotoro na obhongʼaini ubhwa Waryobha.

1 Abhakörintö 1:25

Ko bhoora igha, engʼana iya Waryobha eno ekomaahekana igha ni-iya obhokangi, nkunyoora örë eena obhongʼaini okokera obhongʼaini ubhwa abhantö. Engʼana iya Waryobha eno abhantö bhakomaaha igha m-botaaniinu, neena obhotoro okokera ubhwa abhantö.

1 Abhakörintö 1:27

Kasi Waryobha yaashaaghööyë amangʼana agha ekekangi ko-kebhara kono, okore asööki abha obhongʼaini. Ghwiki akashaaghora ëbhëntö bheno bhetaana obhotoro ko-kebhara kono, okore asööki abha obhotoro.

1 Abhakörintö 11:32

Kasi hano twashibhibhwa na Omonene, nkwörökërribhwa törë, okore Waryobha atakaasha ukutushibhya hamwë na ekebhara keno.

1 Abhakörintö 2:14

Mbe, ömöntö ono ataana Umwika uwa Waryobha, uyö takotora okoghoota amangʼana ghano ghakurwa ku-Mwika uwa Waryobha, ko bhoora uyö, nkomaaha arë amangʼana ghayö igha, n-ga ekekangi. Kora taatore okoghamanya hë, ko bhoora nkomanywa gharë ko obhotoro ubhwa Umwika Ömöhörëëru.

1 Abhakörintö 4:10

Abhantö bharatomaaha igha m-bakangi törë, ko okoghera iya okokorra emeremo Yëësu Kiristo, kasi bhëënyu moraikora igha m-bangʼaini mörë, ko okoghera iya Yëësu Kiristo. Bhëëtö m-batëntëëru törë, kasi bhëënyu moraikora igha, mmoona singuru, bhëënyu mmoona emerengaari, kasi bhëëtö nkoserwa törë.

1 Abhakörintö 6:2

Kasi motamanyirë igha abhahörëëru abha Waryobha mbo bharebhotorra ikiina ekebhara keno? Mbe, hano okomaaha igha m-bëënyu morebhotorra ekebhara keno ikiina, n-kwakë motakomara abheene ibhiina ibhyënyu ebheke bhiyö?

Abhagharatia 1:15

Kasi Waryobha yaanshaaghööyë kora ntareebhorwa, kö örööbhö urwaye, akamberekera, akamaaha igha,

Abhagharatia 4:8

Bhëënyu kare hayö, temwamanyirë Waryobha hë, m-baghorwa mwaarë, abha ëbhëntö bheno bhetarë Waryobha.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Abhaëfësö 3:10

Yaakörrë igho, okore okohetera mo-kanisa ko bhoono igho, obhongʼaini ubhwa Waryobha ubhwa seteemo nsharu, bhomanywe na abhatöngi na abha ubhwera bhano bhakotonga ahasë hano hatakomaahwa.

Abhakorosaai 1:19

Ko bhoora Waryobha yaatëghëribhwa igha, obhoheene ubhwaye bhonswe igho bhobhe ku-Kiristo.

Abhaëbhuraania 1:14

Abhamaraika n-këntö kë? Bhayö tebhaana ömöbhërë hë, kasi mbo bhakokorra Waryobha emeremo. Kora nkobhatoma arë ukughya ukutighinkanera abhantö bhano bharaahönibhwi.

Abhaëbhuraania 2:3

Mbe, bhëëtö bho hano toraasere öbhötöörya obhonene kya bhono, iyakë toraakore tohone? Öbhötöörya bhuyö, ekembere mbwaaraarëkirwë na Omonene Yëësu, ghwiki bhokakangʼasërribhwa kö-bhëëtö na bhano bhaamwighuurë.

Abhaëbhuraania 7:25

Mbe, uyö we aköhönia abhantö makora ghonswe igho, bhano bhakohetera ko-we ukughya ku-Waryobha, ko bhoora ho arë sinsikö syonswe igho, okore abhasabherenga.

Yaakobho 4:4

Bhëënyu tëmörëngë abhantö abha heene ku-Waryobha hë, n-kya abhakari abhasooraare mörë. Kasi temomanyirë igha hano ömöntö yaghootana obhosaani na ekebhara, nkobha arë umubhisa uwa Waryobha? Ömöntö wowonswe ono araatune okoghootana obhosaani na ekebhara, uyö nkobha arë umubhisa uwa Waryobha.

Yaakobho 5:15

Hano abhantö bhayö bharaamosabhere ku umukumo, naraahwene. Omonene Yëësu naraamöghörröki, na hano oraanyoore akörrë ëbhëbhë, naraabherwe.

Yaakobho 5:20

amanye igha, noraanyoore akyörri ömöntö uwa ëbhëbhë ukurwa mö-bhëbhë ibhyaye. Noraanyoore ahönëri ömöntö uyö uruku, na ömöntö uyö, naraabherwe ëbhëbhë ibhyaru bheno aanabhyo.