1 Abhakörintö 1:20 - Imuuma Eehya

²⁰ Hai akotooka omongʼaini? Hai akotooka umwëghya uwa amaraghërryö? Hai akotooka umuri uwa senkaani uwa reero eno? Kasi obhongʼaini ubhwa ko-kebhara kono, Waryobha tiyaakora bhomaahekane igha m-bokangi?

1 Abhakörintö 1:20 ပူးပေါင်းရင်းမြစ်များ

Mataayo 13:22

Ëkërëngyö ikya seheke isya imbusiro seera syaaghööyë mo-maanyamahwa, siyö no-oora akwighwa engʼana iya Obhokama ubhwa Waryobha, kasi abha na ehaho iya amangʼana amaaru na ukutuna ukwaye ubhwamë, komongʼaina. Ku bhuyö takukumya bhököngʼu engʼana iya Obhokama ubhwa Waryobha hë.

Yohana 12:31

Bhoono enkaagha iya Waryobha iya okobhotorra ekebhara keno ikiina, ihikirë. Bhoono Oghosambwa ghono ghokotonga ko-kebhara kono, ngoraatabhutwe kebhara iyö.

Amangʼana agha Abhatomwa 17:18

Mbe, Pauro akahomerana na abhamanyi abha rikomo irya idiini ya Ikiepikureo na Ikisitoiko, bhakanyeerana senkaani. Abhandë bhakaghamba igha, “M-mangʼana kë ghano umwibhamböku ono akoghamba?” Abhandë bhakaghamba igha, “Eramaahekana igha, m-biwaryobha ibhya ikyaro ikyëndë akushumaashera.” Mbaaghambirë igho, ko bhoora Pauro yaabharaarëkëëyë Amangʼana agha Yëësu, na agha ukuryoka ukwa abhaku.

Abharuumi 1:20

Abhantö bharatora okomanya Waryobha kya bhono arë, ukurwa haara yaabhömbirë ëbhëntö bhyonswe igho. Nokaanyoora igha tebhakomomaaha hë, kasi ëbhëntö bheno yaabhömbirë, nkwörökya bhërë igha, Waryobha naana obhotoro bhwonswe igho, ghwiki igha, we Waryobha umwene igho, uwöndë taayo hë. Ku bhuyö taaho ömöntö ono akotora ukwitaamërrya igha, tamanyirë Waryobha hë.

Abharuumi 1:22

M-bakangi, kasi bharaihasha igha m-bangʼaini.

1 Abhakörintö 1:19

N-kya bhono yandëkirwë mo-Maandeko Amahörëëru igha, “Nendaasiki obhongʼaini ubhwa abhantö abhangʼaini. Nendaasari na obhomanyi ubhwa amangʼana ubhwa abhamanyi abha amangʼana.”

1 Abhakörintö 1:26

Bhoono abhakumya bharikyane, muhiitoke kya bhono mwaarë, enkaagha eno Waryobha yaabhabhërëkëëyë. Momanye igha, abhantö bhano bhaabherekerwa abha obhongʼaini ubhwa kinyamöbhërë, abha obhotoro, na abha ibhyeo te-bhaaru hë.

1 Abhakörintö 1:27

Kasi Waryobha yaashaaghööyë amangʼana agha ekekangi ko-kebhara kono, okore asööki abha obhongʼaini. Ghwiki akashaaghora ëbhëntö bheno bhetaana obhotoro ko-kebhara kono, okore asööki abha obhotoro.

1 Abhakörintö 1:28

Waryobha yaashaaghööyë ëbhëntö ebhetaaniinu na bheno bhekoserwa ko-kebhara kono, amangʼana ghano ghataaho, okore asöökërri ghano ghaaho.

1 Abhakörintö 11:32

Kasi hano twashibhibhwa na Omonene, nkwörökërribhwa törë, okore Waryobha atakaasha ukutushibhya hamwë na ekebhara keno.

1 Abhakörintö 2:6

Nokaanyoora ni-igho ërë, kasi nkoghamba törë amangʼana agha obhongʼaini ko-bhantö bhano umukumo ughwabho ghwakongʼa, to-bhongʼaini ubhwa ko-kebhara keno hë, handë ubhwa abhatöngi abha ekebhara keno, bhayö m-manshë mahëti.

1 Abhakörintö 2:8

Taaho ömötöngi uwa ko-kebhara kono kora ömwë, ono amanyirë obhongʼaini bhuyö. Singa bhakaabhomanyirë, tebhakaahanëkirë Omonene uwa ubhuhika ko-mosarabha hë.

1 Abhakörintö 3:18

Ömöntö atakaingʼaina umwene. Hano ömöntö araaimaahe igha m-mongʼaini mö-bhëënyu ko-kebhara kono, aikore igha mokangi, okore abhe omongʼaini uwa heene.

1 Abhakörintö 3:19

Aikore igho, ko bhoora obhongʼaini ubhwa ko-kebhara kono, m-bokangi ku-Waryobha. Amaandeko Amahörëëru gharaghamba igha, “Waryobha we akoghashania abhangʼaini ko-bhongʼaini ubhwabho.”

1 Abhakörintö 6:2

Kasi motamanyirë igha abhahörëëru abha Waryobha mbo bharebhotorra ikiina ekebhara keno? Mbe, hano okomaaha igha m-bëënyu morebhotorra ekebhara keno ikiina, n-kwakë motakomara abheene ibhiina ibhyënyu ebheke bhiyö?

Yaakobho 4:4

Bhëënyu tëmörëngë abhantö abha heene ku-Waryobha hë, n-kya abhakari abhasooraare mörë. Kasi temomanyirë igha hano ömöntö yaghootana obhosaani na ekebhara, nkobha arë umubhisa uwa Waryobha? Ömöntö wowonswe ono araatune okoghootana obhosaani na ekebhara, uyö nkobha arë umubhisa uwa Waryobha.