1 Abhakörintö 1:2 - Imuuma Eehya

² nkobhakëërya törë bhëënyu bhano mörëngë mo-kanisa iya Waryobha, eno ërëngë Körintö hayö. Bhëënyu mwasaabhuurwa na Kiristo Yëësu. Mwabherekerwa igha, mobhe abhantö abha Waryobha, hamwë na bhonswe igho kera ahasë, bhano bhakosaasaama Omonene uwëëtö Yëësu Kiristo, ono arëngë Omonene uwaabho, na uwëëtö na bhëëtö bhonswe.

1 Abhakörintö 1:2 ပူးပေါင်းရင်းမြစ်များ

Amangʼana agha Abhatomwa 10:36

Waryobha yaatomaini amangʼana ko-Bhaisiraëri agha okoraareka Amangʼana Amaiya agha omorembe, okohetera ku-Yëësu Kiristo, Omonene uwa bhonswe igho.

Amangʼana agha Abhatomwa 15:9

Ku bhuyö keno Waryobha yaakörrë kö-bhëëtö, nkyo yaakörrë na ko bheene bhonswe. Nkoghamba ndë igho ko bhoora bhonswe mbaasaabhuurrwë senkoro isyabho, ko okohetera ukukumya Yëësu.

Amangʼana agha Abhatomwa 18:1

Hano amangʼana ghayö ghaahööyë, Pauro akarwa Atene hayö, akaghya mu-mughi ghono ghwaabherekerwanga igha Körintö.

Amangʼana agha Abhatomwa 22:16

Bhoono uwe, otakaategheta. Emoka! Obhatiisibhwi, osaabhuurwe, osaasaame Waryobha akwabhere ëbhëbhë ibhyaho.’

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Amangʼana agha Abhatomwa 9:13

Kasi Anania akamohonshora igha, “Omonene, naighwa amangʼana ukurwa ko-bhantö abhaaru, kya bhono Sauri uyö yaakorra abhantö abhaaho abhahörëëru amangʼana amaghogho Yërusarëëmu iyö!

Amangʼana agha Abhatomwa 9:14

Hayö arë, naana ubhwera ukurwa ko-bhanene abha abhasëngëri, okore aghoote abhakumya abhaaho bhonswe igho.”

Amangʼana agha Abhatomwa 9:21

Abhantö bhano bhonswe igho bhaaighuurë bhono Sauri yaaraarekanga, mbaaröghöörrë. Bhakaibhöörya igha, “Kana, ömöntö ono to-oora yaatundësyanga abhakumya abha Yëësu Yërusarëëmu eera? Te-we yaasha hano igha abhaghoote, abhabhohe, abhahire ko-bhanene abha abhasëngëri?”

Abharuumi 1:7

Abhakumya bharikyane bhonswe igho bhano mörëngë Ruumi hayö, m-bëënyu nkwandekera. Waryobha nabhahanshirë bhököngʼu, nkyo kyaaghërrë akabhashaaghora igha mobhe abhantö abhaaye abhahörëëru. Örööbhö na omorembe ukurwa ku-Waryobha Taata uwëëtö, na ko-Monene uwëëtö Yëësu Kiristo, bhebhe hamwë na bhëënyu.

Abharuumi 10:12

Ko bhoora Omonene taana ekeroterro ko-Bhayahudi, handë ko-bhantö bhano bhatarë Abhayahudi. Abhantö bhonswe igho, Omonene uwaabho nö-ömwë, ghwiki m-mösërëënia bhököngʼu uwa bhano bhakomosaasaama.

Abharuumi 3:22

Enshera iyö, ne-eera iya ukukumya Yëësu Kiristo. Abhantö bhonswe igho bhano bhakukumya Yëësu Kiristo, Waryobha nkobhabhara arë igha, m-ba heene. Taana ekeroterro kö-möntö wowonswe oora hë.

Abharuumi 8:28

Ntomanyirë bhuuya igha, Waryobha nkokora arë amangʼana amaiya hamwë na abhantö bhano bhamohanshirë, bhano yaabherekera ko okohansha ukwaye umwene.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhakörintö 10:32

Motakaabha ikibhuno ikya ukutimba Abhayahudi, abhantö bhano bhatarë Abhayahudi, handë ekanisa iya Waryobha.

1 Abhakörintö 12:27

Mbe, bhëënyu bhonswe igho nö-möbhërë ughwa Kiristo mörë. Kera ömwë uwëënyu, nu-mwaho ughwa kö-möbhërë kuyö.

1 Abhakörintö 8:6

kasi kö-bhëëtö, Waryobha nö-ömwë igho, kora we Taata uwëëtö. Uyö we yaabhömbirë ëbhëntö bhyonswe igho. Kora öbhöhöru ubhwëtö ntonabho okore tutighinkanerenga Waryobha. Kora aaho Omonene ömwë igho, uyö we Yëësu Kiristo, ëbhëntö bhyonswe igho mbyaabhömbirwë okohetera ku-uyö, na öbhöhöru ubhwëtö nku-uyö bhokohetera.

2 Abhakörintö 1:1

Ritashandighi reno nö-öni Pauro ndyandëkirë. Öni no-motomwa uwa Kiristo Yëësu ndë, ku righonshe irya Waryobha. Öni na umukumya murikyane Timoteo, torabhakëërya bhëënyu bhano mörëngë mo-kanisa iya Waryobha eno ërëngë mu-mughi ughwa Körintö. M-bëënyu tökökëërya, hamwë na abhahörëëru abha Waryobha bhonswe igho, bhano bharëngë mo-mokowa ughwa Akaaya.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

Abhagharatia 1:2

Öni toona abhakumya bharikyëtö bhonswe igho bhano bharëngë hamwë na öni, nkobhakëërya törë, bhëënyu abha mo-makanisa agha Waryobha ghano gharëngë mo-mokowa ughwa Gharatia.

Abhaëfësö 5:26

Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,

1 Abhatësarönikë 1:1

Ritashandighi reno, nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo. Waryobha abhahaane örööbhö na omorembe.

1 Abhatësarönikë 4:7

Waryobha tiyaatöbhërëkëëyë igha tokore obhosooraare, kasi yaatöbhërëkëëyë okore tobhe abhahörëëru.

2 Abhatësarönikë 1:1

Ritashandighi reno nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo.

1 Timoteo 2:8

Ku bhuyö keno nkutuna ni-igha, ahasë honswe igho, hano moraasikanenga okosaasaama, abhashaasha bhainyökinga amabhoko aghaabho kighörö. Bhakorenga igho kwa amaitegherro amaiya, bhatakaarerranga, handë ukunyeerana senkaani.

1 Timoteo 3:15

Kasi hano ndaateghete, unyoore omanyërrëëyi bhono Waryobha akutuna abhantö abhaaye bhabhe. Abhantö bhayö, mbo ekanisa iya Waryobha ömöhöru, na ekanisa, yo intimö na umusingi ughwa obhoheene.

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.

2 Timoteo 2:19

Kasi abhantö bhano bhanaghirë, bho n-kya umusingi umuuya ghono Waryobha yaakora. Ku-musingi kuyö, amangʼana ghandëkirwë igha, “Omonene Waryobha namanyirë abhantö abhaaye,” ghwiki igha, “Ömöntö wowonswe ono akwibherekera igha nu-uwa Omonene Waryobha, ni-igha atighe obhoghogho.”

2 Timoteo 2:22

Wibhashe oronamba urwa ubhumura. Oghoote-ko amangʼana agha heene, obhe na umukumo, righonshe, na omorembe. Onaghi ghayö, hamwë na bhonswe igho bhano bhakosaasaama Omonene Waryobha kwa enkoro inshiiya.

Abhaëbhuraania 10:10

Ko bhoora Yëësu Kiristo yaakoranga bhono Waryobha yaatunanga, ku bhuyö Waryobha nkotosaabhuura arë ëbhëbhë ibhyëtö okohetera ku kimwenso ikya ömöbhërë ughwa Yëësu Kiristo ghono yaairuusiri kamwë igho.

Abhaëbhuraania 13:12

Mbe, ko okoghera iya ghayö, Yëësu Kiristo wonswe, yaatësëëywë kebhara iya ikihiita ikya umughi, okore asaabhuure abhantö okohetera ko amaanyinga aghaaye umwene.

Abhaëbhuraania 2:11

Yëësu Kiristo ono akosaabhuura abhantö, na bhano bhakosaabhuurwa, bhonswe igho suwaabho nö-ömwë. Nkyo kekoghera Yëësu Kiristo atakosooka okobhabherekera igha m-bahiiri abhaaye.

Yuuda 1:1

Ritashandighi reno, nö-öni Yuuda ömököri uwa emeremo uwa Yëësu Kiristo, mura uwaabho Yaakobho ndyandëkirë. M-bëënyu bhano mwahanshwa nandëkëëyë, mwabherekerwa na Taata Waryobha, na nkorendwa mörë bhuuya, ko okoghera iya Yëësu Kiristo.

Okohonyora 19:16

Ömöntö uyö, yaarë na iriina ryandëkirwë ko-ngansho orobhareka urwa ku-kiimo ikyaye igha, omokama uwa abhakama, omonene uwa abhanene.