1 Abhakörintö 1:13 - Imuuma Eehya

¹³ Bhoono ndabhabhöörya igha, Kiristo nahokaini? Kasi Pauro, we yaahanëkirwë ko-mosarabha ko okoghera iya bhëënyu? Handë igha, mwaabhatiisiibhwi okohetera iriina irya Pauro?

1 Abhakörintö 1:13 ပူးပေါင်းရင်းမြစ်များ

Mataayo 28:19

Ku bhuyö ni-igha moghende mokore abhantö bhonswe igho bhabhe abheegha abhaane, ko okobhabhatiisya ku iriina irya Taata, irya Omoona, na irya Umwika Ömöhörëëru.

Mataayo 3:6

Yohana akabhabhatiisya mo-mooro ughwa Yorodani, na eno bharaghamba harabhu igho ëbhëbhë ibhyabho.

Amangʼana agha Abhatomwa 10:48

Peetero akaraghërrya igha bhabhatiisibhwi, ku iriina irya Yëësu Kiristo. Hano bhaamarrë okobhatiisibhwa, bhakasabha Peetero aikare hamwë nabho sinsikö nyabhorebhe.

Amangʼana agha Abhatomwa 19:5

Hano bhaaighuurë amangʼana ghayö, bhakabhatiisibhwa ku iriina irya Omonene Yëësu.

Amangʼana agha Abhatomwa 2:38

Peetero akabhatëëbhya igha, “Kera ömöntö mö-bhëënyu muyö, ahongore ëbhëbhë ibhyaye, abhatiisibhwi ku iriina irya Yëësu Kiristo, okore aabherwe, ahaanwe ituho eno ërëngë igha, nu-Mwika Ömöhörëëru.

Amangʼana agha Abhatomwa 8:16

ko bhoora mo-bhakumya bhayö, tiyaare-mo ömöntö kora ömwë, ono yaarenga aitöömëëywë na Umwika Ömöhörëëru. Mbaabhatiisiibhwi ko okohetera iriina irya Omonene Yëësu iryene igho.

Abharuumi 14:9

Ko bhoora Yëësu Kiristo yaakuurë, akaryoka, bhoono m-möhöru, okore abhe Omonene uwa bhonswe igho, abhaku na abhahöru.

1 Abhakörintö 1:15

Ku bhuyö, taaho ömöntö ono akotora okoghamba igha, yaabhatiisibhwa okohetera iriina iryane.

1 Abhakörintö 10:2

bhakabhatiisibhwa bhonswe igho ko nshera iya risaarö na inyansha, bhabhe abha Mosa.

2 Abhakörintö 11:4

Ngambirë igho, ko bhoora igha, bhëënyu m-bangö mörë abha ukwikërrya amangʼana agha ömöntö ono akuusha okoraareka amangʼana agha Yëësu, ghano ghatarengʼaini na ghano twaabharaarëkëëyë. Ghwiki nkwikërrya mörë umwika uwöndëwöndë igho, handë amangʼana aghandë igho ghano ghatakorengerrania na ghano mwaaikërëëyi ekembere ukurwa kö-bhëëtö.

Abhagharatia 1:7

Obhoheene ni-igha, teghaaho Amangʼana Amaiya aghandë okokera ghayö hë. Nkoghamba ndë ghayö ko bhoora igha, bhaaho abhantö bhano bhakobhabhurunga. Kora nkutuna bharë igha bhasyöri Amangʼana Amaiya agha Kiristo.

Abhaëfësö 4:5

Bhonswe igho ntoona Omonene ömwë ooraoora, umukumo ughwëtö n-gömwë, na obhobhatiisyo bhwonswe m-bömwë.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.