1 Abhakörintö 1:10 - Imuuma Eehya

¹⁰ Abhakumya bharikyane, ndabhasaasaama okohetera iriina irya Omonene uwëëtö Yëësu Kiristo igha, mobhe na ubhwighwerrani, hayö ho moraabhe ëkëntö ëkëmwë. Mwangarre motakaahokana, kasi mobhe ëkëntö ëkëmwë, bhanyakiina ëkëmwë.

1 Abhakörintö 1:10 ပူးပေါင်းရင်းမြစ်များ

Mataayo 9:16

“Taaho ömöntö ono akoghegha ekeraka ekehya, aketomere ku-ngibho ëngötu hë. Hano araakore igho, ekeraka ekehya kiyö, nkeraatandore bhököngʼu ingibho ëngötu iyö.

Maariko 2:21

“Ukwishooghania amëëghyö aghaane amahya ghano, ko seteemo isyënyu, n-kya hano ömöntö araatume ekeraka ekehya ku-ngibho ëngötu. Hano araakore igho, ekeraka kiyö, nkeraatandore bhököngʼu ingibho ëngötu iyö.

Maariko 3:24

Hano abhantö abha obhokama öbhömwë bharaaitane abheene ko abheene, obhokama bhuyö nkusika bhörë.

Yohana 10:19

Hano Abhayahudi bhaaighuurë amangʼana ghayö, ghwiki bhakaanga korengerrania abheene ko bheene.

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Yohana 7:43

Mbe abhantö bhakaanga korengerrania ko okoghera iya Yëësu.

Yohana 9:16

Mbe Abhafarisaayo nyabhorebhe bhakaghamba igha, “Ömöntö ono akörrë igho, tiku-Waryobha akurwa hë, ko bhoora atakoghoota amaraghërryö agha rusikö urwa Obhotooro.” Kasi Abhafarisaayo abhandë bhakaghamba igha, “Iyakë ömököri uwa ëbhëbhë araatore okokora ebhemanyërryö ibhya amakono kya bhiyö?” Mbe bhakaanga korengerrania abheene ko abheene.

Amangʼana agha Abhatomwa 4:32

Abhakumya bhonswe igho mbaarë na öbhömwë ko maitegherro aghaabho, na senkoro isyabho. Taaho ömöntö ono yaaghambirë igha, ëbhëntö ibhyaye ni-bhyaye umwene igho hë. Kasi mbasanganga hamwë hayö.

Abharuumi 1:13

Abhakumya bharikyëtö, nkutuna ndë momanye igha, naatunanga bhököngʼu igha niishe mbamaahe, kasi nanyabhoono, nkorebherrwa nkërë. Nkutuna ndë niishe kö-bhëënyu iyö, okore ndute abhantö bhakumi Omonene Yëësu, kya bhoora naakörrë mo-Bhakyaro abhandë.

Abharuumi 12:1

Bhoono abhakumya bharikyëtö, ko bhoora igha Waryobha abhaayë na amaabhë na bhëëtö, ndabhasaasaama bhököngʼu igha, mwiruusi mobhe kya itugho ëhörëëru iya ikimwenso, eno ikushomera Waryobha. Okokora igho, nko enshera inshiiya iya okosengerra Waryobha.

Abharuumi 12:16

Mobhe ikiina ëkëmwë. Motakaabha na ikiheemere, kasi mwisuuhi mobhe na öbhömwë na abhantö bhano bhakoserwa. Motakaimaaha igha, m-bangʼaini mörë bhököngʼu.

Abharuumi 15:30

Abhakumya bharikyëtö, ko okorengʼaana na umukumo ughwëtö ghono toonagho ko-Monene uwëëtö Yëësu Kiristo, na okorengʼaana na righonshe reno tokohaanwa na Umwika Ömöhörëëru, ndabhasaasaama ko enkoro iyaane yonswe igho igha, möghëndërri okobha na omotono ughwa okonsabhera ku-Waryobha.

Abharuumi 16:17

Bhoono abhakumya bharikyëtö, ndabhasaasaama igha, mwiyangarre ko-bhantö bhaara bhakwëghya amëëghyö agha ukunyaraghania abhantö. Amëëghyö ghayö, kora nkosarya gharë umukumo na seteemo isya abhantö. Abhantö kya bhayö, mobhahete hare, ko bhoora amëëghyö ghaabho teghanga kya ghaara mwëghibhwa hë.

1 Abhakörintö 1:11

Abhakumya bharikyane, abhantö nyabhorebhe abha eka iya Kirowe, bhaantëëbhya igha, timukwighwerrana bhuuya hë.

1 Abhakörintö 11:18

Nkwighwa ndë igha, hano mwaikomania bhunyikanisa, temokobha na ubhwighwerrani hë. Na öni ko-kerengere nyabhorebhe, nkukumya ndë igha, ni-igho gharë.

1 Abhakörintö 12:25

okore ömöbhërë ghotakaahokana, kasi ni-igha, imyaho ghyonswe igho ghetorraninga.

1 Abhakörintö 3:3

Ko bhoora nanyabhoono, bhëënyu m-bantö abha esemoko iya öbhököri ubhwa ëbhëbhë mörë. Hano okomaaha moona rikenge bheena öbhösëëghërrya, momanye igha, m-bantö abha esemoko iya öbhököri ubhwa ëbhëbhë mörë, kora amangʼana aghëënyu nkoghakora mörë kinyamöbhërë.

1 Abhakörintö 4:16

Mbe, ndabhasaasaama mokorenga bhono öni nkokora.

2 Abhakörintö 10:1

Mbe, ndabhasaasaama ko obhohaabhu na kö öbhöntö ubhwa heene ubhwa Yëësu Kiristo, nö-öni Pauro ono bhakoghamba igha, hano naabha hamwë na bhëënyu, nkobha ndë omohaabhu, kasi hano naabha hare na bhëënyu, ndabha omokarë.

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

2 Abhakörintö 13:9

Nkushomerwa törë, hano twabha abhatëntëëru kasi bhëënyu mobha na singuru. Nkosaasaama törë Waryobha igha, abhahekerani.

2 Abhakörintö 5:20

Mbe, bhoono Yëësu Kiristo atötömirë tokore emeremo ighyaye, nërëngë igha, Waryobha ko okohetera amangʼana ghano tokoghamba, nkokangʼasërrya arë igha, abhantö bhaighwerrane nawe. Kiyö nkyo kekoghera torabhasabha ku ukwimererra amangʼana agha Yëësu Kiristo igha, mwighwerrane na Waryobha.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

Abhagharatia 4:12

Abhakumya bharikyëtö, nkobhasaasaama ndë igha, mobhe abhatöönööni kya öni, ko bhoora öni wonswe kare haara n-kya bhëënyu igho naarë. Kasi, temwankörëëyë obhoghogho bhwobhwonswe igho hë.

Abhafiripi 1:27

Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.

Abhafiripi 3:16

Bhoono engʼana enene, ni-igha toghoote amangʼana ghaara Waryobha yaatwörökya.

1 Abhatësarönikë 5:13

Mobhahanshe na okobhasooka bhököngʼu ko okorengʼaana na emeremo ighyabho. Mokorranenga amangʼana agha omorembe, bhëënyu abheene ko abheene.

2 Abhatësarönikë 2:1

Bhoono abhakumya bharikyëtö, tigha tobhandekere amangʼana agha ukuusha ukwa Omonene uwëëtö Yëësu Kiristo, na kya igho turimwisangerra. Keno tokobhasabha ni-igha,

1 Timoteo 5:21

Nkokoraghërrya ndë mbere iya Waryobha, na mbere iya Kiristo Yëësu na abhamaraika abhaahorwa igha, onaghi amangʼana ghayö nkwandëkëëyë. Otakaaheeta okobhotora ibhiina. Otakaabha na ekeroterro.

2 Timoteo 4:1

Nkokoraghërrya ndë amangʼana ghano mbere iya Waryobha na mbere iya Kiristo Yëësu, ono arebhotorra ikiina abhahöru na abhaku. Uyö we ariisha atonge ko-Bhokama ubhwaye.

1 Peetero 2:11

Abhaghonshe abhaane, bhëënyu m-baghëni bhahëti mörë ko-kebhara kono. Ku bhuyö, ndabhasaasaama igha, motakaikërrya okobhaahwa na oronamba oroghogho urwa ëmëbhërë ighyënyu. Oronamba oroghogho ruyö, nkurutana rörë na bhëënyu, okore robhabhaahe.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.