तीतुस 3:9 - सिरमौरी नौवाँ नियम

⁹ पौरौ मूर्खता खै बैहस-बाजी, औरौ पुराणिया कै पीढ़ी की लाम्बी चौड़ी सूची औरौ विरोध कौरणौवाल़ै औरौ झोगड़े शै दूर रौव जू मूसा कै कानून कै बारै मुंजी औसौ। जिथुकै ऐजी बातौ कोसी की मौदद ना कौरौ औरौ ना तिनका किछै बै फायदा आथी।

Sirmouri

⁹ परह् मुरूख्ता के बाद-विबाद, अरह् पीढ़ियों, अरह् बिरूध अरह् झगड़े जू ऋषी-मूसा खे भेटे गुऐ अज्ञाँ-निय्म के मुँताबिक असो, तिन्दे शा तू बंचियों रूऐ; किन्देंखे के तिन्देका किऐ फल़ ने आथी, से बै-कार असो।

तीतुस 3:9 ပူးပေါင်းရင်းမြစ်များ

1 कुरिन्थियों 13:2

औरौ जै हांव पौरमेशवर कै सौंदेश कै बौताए सौकु, औरौ सौब भेदो औरौ सौबै भान्त कै ज्ञान खै सौमझु, औरौ मैरा बिशवाश ऐशणा मोजबूत हौं कै सिरफ मैरै वचन बोल़णौ शै ही पाहाड़ आपणै जौगैह पौरैशा औखड़े जांव पौरौ हांव लोगौ आरी प्यार ना राखु तौ हांव किछै बै ना आथी।

1 कुरिन्थियों 8:1

ऐबै मूर्ति कै सामणै बल़ि कौरेयौंदी चीज़ौ कै बारै मुंजी आमु जाणुए, कै आमु सौबी खै ज्ञान औसौ: ज्ञान घमण्‍ड पौयदा कौरौ, पौरौ प्यार लैई बौढ़ौतरी हौंव।

1 तीमुथियुस 4:7

पौरौ तिनु झूठी कहाणी औरौ जू बातौ पौरमेशवर कै आदर ना दैंव तिनुदै दूर रौया। औरौ तुऔं पौरमेशवर कै आदर दैणा वाल़ा जीवन जिणौ कारिए आपी कै लगातार शिखांदै रौणौ चैंई।

2 तीमुथियुस 2:14

आपणै लोगौ मुंजी कोसी खै बै इनु बातौ कै बिसरणो नै दै जू मोऐं ताखै बौताए रैई। औरौ पौरमेशवर कै ऐक गवाह कै रुप दी राखैयौ, ताखै तिनु चैतावणी दैणी चैंई कै सै शोब्दो पांदी बैहसबाजी नै कौरौ। ऐशणै बैहसबाजी कोसी कै मौदद ना कौरौ बल्कि तिनु लोगौ कै बिशवाश कै नुकसान पोऊंचाव जू तिनु शुणौए।

2 तीमुथियुस 2:16

पौरौ दुनिया कै औरौ बैकार बातौ शै बौचेयौंदे रौव, जिथुकै जू लोग ऐशणी बातौ दै हिस्सा लोंव, सै हौजौ बै जादा पौरमेशवर शै दूर हौए जांव।

2 तीमुथियुस 2:23

पौरौ मूर्खता, औरौ अनजानी शिक्षा शै दूर रौव, जिथुकै तू जाणैए, कै इथलैई झोगड़े हौंव।

तीतुस 1:14

यहूदी लोगौ कै झूठी कहाणियो औरौ तिनु झूठै आदमियों की आज्ञाओं पांदी मन नै लाव, जू सौचाई शै भौटकाए दैंव।

याकूब 4:1

तुऔं मुंजी लौड़ाए औरौ झोगड़े कुकै दै आए गौवै? ऐजै तिनु बुरी इछावं शै आंव जू तोंवारै भीतरै लोड़ोए।