तीतुस 3:8 - सिरमौरी नौवाँ नियम

⁸ ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

Sirmouri

⁸ ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

तीतुस 3:8 ပူးပေါင်းရင်းမြစ်များ

मत्ती 20:4

तिनुखै बौल़ौ, ‘की तुऐं बै अंगूरो कै बागो दै जांव, औरौ जू किछै ठीक हौल़ौ, सै तुऔं खै दैंदा।’ तोबै सैजै बै काम कौरदै हौटै।

यूहन्ना 12:44

यीशुए भीड़ कै लोगौआरी जोर शै बौल़ौ, “जू मुं पांदी भोरोशा कौरौ, सै मुं पांदी नै पौरौ मैरै भैजणौवाल़ै पौरमेशवर पांदी बिशवाश कौरौ।

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

प्रेरितो कै काम 12:15

तिनुऐ तियौंखै बौल़ौ, “तू पागल औसौ।” पौरौ तियैं बिशवाश शै बौल़ौ, औरौ ओड़ेयौंदे रोए कै ऐजाई पतरस औसौ, तोबै तिनुऐ बौल़ौ, “तैसका स्‍वर्गदूत हौला।”

रोमियों 4:5

पौरौ जू आदमी पौरमेशवर का पक्ष पाणौ कारिए काम ना कौरौ पौरौ जू पापी लोगौ खै धरमी ठोहराणो वाल़ै पौरमेशवर पांदी बिशवाश कौरौ, तैसका बिशवाश तैसी कारिए धार्मिकता गिणा जांव।

2 कुरिन्थियों 4:13

पौरौ आमै प्रचार कौरणा जारी राखा जिथुकै आमु दा ऐशणा बिशवाश औसौ जैशै पवित्र शास्त्र दो लैख राए, कै “मोऐं पौरमेशवर पांदी बिशवाश कौरा, इथकारिए मोऐं बौल़ौ।” ऐशैखैई आमै बै बिशवाश कौरु, इथकारिए बुलूए।

इफिसियों 4:28

चोरे कौरणौवाल़ा औटेयौ चोरे ना कौरौ; यानी तैसी आपणै हाथौ लैई ईमानदारी शै काम कौरणा चैंई, ताकि गरीब लोगौ कै मौदद कौरणौ कारिए तैसीकैईं काफी मौदद हौंव।

1 तीमुथियुस 1:15

ऐजै कहावत साची औसौ, जियौं पूरी तरह शै मानणी औरौ बिशवाश कौरणी चैंई कै यीशु मसीह आमु पापी लोगौ कै बौचाणौ कारिए दुनिया दा ओऊवा, जिनुमुंजी सौबिदा जादा पापी हांव औसौ।

1 तीमुथियुस 2:8

हांव चोऊं कै हर जौगैह सभाओ दै सैजै मर्द जू पवित्र जीवन जियौं, आपणै हाथौ खै टिपयौ, बिना खीजै औरौ बिना बैहस कै प्रार्थना कौरेया कौरौ।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

2 तीमुथियुस 1:12

औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

तीतुस 1:9

तैसी यीशु मसीह कै बारै मुंजी साची सौंदेश पांदी पाका बिशवाश हौणा चैंई जू सौंदेश आमुए तैसी शिखाए राए थिया ताकि सै ओकी लोगौ कै सोही शिक्षा मानणौ कारिए हौंसला दैय सौकौ औरौ साथ कै साथ लोगौ कै सामणै विरोधियों कै पौल खोले सौकौ।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

तीतुस 2:7

ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

तीतुस 3:1

बिशवाशी लोगौ खै याद दिया, कै राज्यपाल औरौ औधिकारियो का आदर कौरौ, औरौ तिनकी आज्ञा मानौ, औरौ तिनुखै औकै सौबै आछै काम कौरणै चैंई।

तीतुस 3:14

सिरफ ऐशैखैई नी, पौरौ तू बिशवाशियौं कै शिखांदा रो कै सै आछै काम कौरणौ कै लगातार मैहनत कौरदै रौंव ताकि तिनु लोगौ की जौरुरतौ पूरी कौरे सौकौ जिनुवागै जौरुरत की चीज़ौ ना आथी। ऐजै बात बिशवाशियौं कै शिखा कै सै बैकार कै जिन्दगी ना जियौं।

फिलेमोन 1:11

सै तौ आगै तैरै किछै कामौ का ना थी, पौरौ ऐबै तैरै औरौ मैरै आमु दु कारिए बौड़ै काम का औसौ।

इब्रानियों 10:24

आव आमै ऐकी-दुजैआरी प्यार औरौ आछी चीज़ौ कै कामौ खै कौरणौ कारिए ऐकी-दूजै खै हिम्मत दैया कौरौ।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।