तीतुस 3:6 - सिरमौरी नौवाँ नियम

⁶ पौरमेशवरे दया शै उध्दारकर्ता यीशु मसीह कै दवारा आमु पवित्र आत्मा भरपूरी दैय राए।

Sirmouri

⁶ तिन्ऐं अमाँरी मुँक्त्ति देणों वाल़े यीशू मसीया के जाँणें आँमों गाशी बैजाऐ आशीष के बर्षा करी।

तीतुस 3:6 ပူးပေါင်းရင်းမြစ်များ

यूहन्ना 1:16

जिथुखै तैसकै महान दया की परिपूर्णता शै आमु सौबी खै अनुग्रह पांदी अनुग्रह भैटी रौआ।

यूहन्ना 16:7

हौजौ बै हांव तुऔं साचौ बुलू, कै मैरौ जाणौ तुऔं कारिए आछौ औसौ, जिथुकै जै हांव ना जोऊं, तौ सैजा हौंसला दैणौवाल़ा, तोंवारै धोरे ना आन्दा, पौरौ जै हांव जोऊं, तौ तैसी तोंवारै धोरे भैजै दैंदा।

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 7:37

हौजौ तैयारो कै आखरी दूस, जू मुख्य दूस औसौ यीशु खौड़ा हौआ औरौ जोर शै बौल़ौ, “जै कुणिए तिशा औसौ तौ मैरै धोरे आव औरौ पियौ।

प्रेरितो कै काम 10:45

औरौ जैतरै खतना कौरेयौंदे यहूदी बिशवाशी पतरस कै साथी आए रौवै थिए, सै सौबै हैरान हुवे कै बैगानै यहूदी पांदी बै पवित्र आत्मा का दान दैय राए।

प्रेरितो कै काम 2:33

ऐबै सै स्वर्ग दा पौरमेशवर कै सोऐं हाथौ कै सौबी दै बौड़ै इज्जत वाल़ै ठाँव पांदी बौठेयौंदा औसौ। औरौ पिताए जैशै तैणै वादा कौरे राए थिया, तैसीखै पवित्र आत्मा दै औरौ तैणै पवित्र आत्मा आमु दै, जैसी ऐलो तुऐं दैखौ औरौ शुणौए।

रोमियों 2:4

का तू पौरमेशवर कै भोलाए, औरौ सहनशीलता, औरौ सब्ररुपी धन कै बैकार जाणै? औरौ का ऐजौ ना सौमझै कै पौरमेशवर कै भोलाए ताखै पाप छोड़ेयौ मन फिराणौ कै शिखांव?

रोमियों 5:5

औरौ आशा लैई शर्म ना हौंव, जिथुकै पवित्र आत्मा जू पौरमेशवरे आमु दैय राए तैसकै दवारा पौरमेशवर का प्यार अमारै मनो कै आपणै प्यार लैई भोरै राए।

रोमियों 8:2

जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

इफिसियों 4:2

औरौ पूरै दीनता, औरौ नम्रता कै साथै, औरौ धीरज धोरेयौ ओकी कै बर्ताव कै सैहन कौरौ,

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

तीतुस 1:4

मोऐं ऐजै चिट्ठी तीतुस कै लैखै लोए। तू मैरै बैटै कै जैशणा औसौ जिथुकै तू बै मसीह दा बिशवाश कौरे जैशै हांव कौरु: हांव प्रार्थना कौरु कै पिता पौरमेशवर औरौ अमारै उध्दारकर्ता मसीह यीशु तुऔं अनुग्रह औरौ शान्तै दैंदा रौंव।