तीतुस 3:14 - सिरमौरी नौवाँ नियम

¹⁴ सिरफ ऐशैखैई नी, पौरौ तू बिशवाशियौं कै शिखांदा रो कै सै आछै काम कौरणौ कै लगातार मैहनत कौरदै रौंव ताकि तिनु लोगौ की जौरुरतौ पूरी कौरे सौकौ जिनुवागै जौरुरत की चीज़ौ ना आथी। ऐजै बात बिशवाशियौं कै शिखा कै सै बैकार कै जिन्दगी ना जियौं।

Sirmouri

¹⁴ अमाँरे लोग भे जरूर्तो पुरी कर्णो खे आच्छ़ी काँम-काज़ दो लागो रंहणो शिखो, जू नि-षफल़ ने रंह्।

तीतुस 3:14 ပူးပေါင်းရင်းမြစ်များ

मत्ती 21:19

औरौ अंजीर का ऐक डाल़ शोड़कै कै किनारे दैखैयो सै तिथकै धोरे हौटा, औरौ पात छोड़ेबा तिंदु किछै ना भैटणौ की बौजैह शै तैसी डाल़ो खै बौल़ौ, “ऐलो दै ऊबै तांव दै हौजौ कौलोंई फल़ ना लागदै।” औरौ अंजीरो का डाल़ तौलोंई शोकै गौआ।

मत्ती 7:19

जू-जू डाल़ आछा फल़ ना लांव तैसीखै काटैयौ आगै मुंजी बैगाए दैंदै, ऐशैखैई झूठै पौरमेशवर कै बातौ बौताणौवाल़ै कै बै ऐशैखैई सौजा भैटदी।

यूहन्ना 15:16

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 15:8

मैरै पिता पौरमेशवर की महिमा इथी लैई हौंव, कै तुऐं बैजाए फोल़ लांव, तोबैई तुऐं मैरै चैलै ठोहरलै।

प्रेरितो कै काम 18:3

पौलुस औरौ अक्विला का ऐकैई बेवसाय थिया; इथकारिए पौलुस तिनुआरी भैटिंदा हौटा, जिथुकै सै ऐक जैशणै ही तोम्बू बाणणौ का काम कौरौ थिए औरौ तैणै तिनकै साथै रौयौ काम कौरा।

प्रेरितो कै काम 20:35

मोऐं तुऔं सौबै ठुँ कौरेयौ दिखाए राए, कै ऐशैखैई मैहनत कौरेयौ कमजोर लोगौ खै सोम्‍भाल़ो, औरौ प्रभु यीशु कै वचनो खै याद राखणै जौरुरी औसौ, तैणै आपी ही बौल़ै राए: लोणो शै दैणौ बढ़िया औसौ।”

रोमियों 12:13

पवित्र लोगौ कै जू किछै जौरुरी औसौ, तिथमुंजी तिनकै मौदद कौरौ, औरौ मैहमान नवाज़ी दै लागैयौंदे रौंव।

रोमियों 15:28

इथकारिए, हांव सौबिदा आगै यरूशलेम शहर कै जांदा लागै रौआ ताकि तिनु ऐजी कौठै कौरेयौंदे मौदद राशि दियु। तिथकै बाद, तोबै हांव रोम देश दा आयौ तुऔंआरी भैटिणौ कै बाद इसपानिया देश दा जांदा।

इफिसियों 4:28

चोरे कौरणौवाल़ा औटेयौ चोरे ना कौरौ; यानी तैसी आपणै हाथौ लैई ईमानदारी शै काम कौरणा चैंई, ताकि गरीब लोगौ कै मौदद कौरणौ कारिए तैसीकैईं काफी मौदद हौंव।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

फिलिप्पियों 4:16

ऐशैखैई जोबै हांव थिस्सलुनीके शहर दा थिया तोबै बै तुऐं दो बैई पौयसै भैजैयो मैरी जौरुरत दै मैरै मौदद कौरे।

फिलिप्पियों 4:17

हांव ऐजौ इथकारिए ना लिखु कै हांव तुऔं कैईंदै पौयसै कै मौदद चोऊं पौरौ हांव चोऊं कै ऐजौ तिनु आछी चीज़ौ कै सूची मुंजी शामिल कौरौ जू तुऐं आगै दौ ही कौरे राए औरौ जिथकारिए पौरमेशवर तुऔं इनाम दैंदा।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

1 थिस्सलुनीकियों 2:9

ओए रै बिशवाशी भाईयों, तुऐं अमारै मैहनत औरौ कोष्ट खै याद राखौए, कै आमुए इथकारिए रात दूस काम धन्धा कौरदै बैई तुऔं मुंजी पौरमेशवर का सुसमाचार प्रचार कौरा, ताकि तुऔं अमारै जौरुरतौ का ख्याल नी राखणा पौड़ौ।

2 थिस्सलुनीकियों 3:8

औरौ कोसी की रोटी बैली ना खैई; पौरौ मैहनत औरौ कोष्ट शै रात दूस काम धन्धा कौरु थिए, ताकि आमै आपणी जौरुरतौ कारिए तुऔं मुंजीदै कोसी कै भोरोशे दै नै रोऊं।

तीतुस 2:8

औरौ सैजौ शिखा जू साचौ औसौ औरौ जिथकै लोग काट ना कौर सौकौ, ताकि तैरै दुशमन शरमाए जांव जिथुकै किछै बै ऐशणौ बुरु ना हौंदौ जू सै अमारै खिलाफ बौल़ै सौकौ।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

2 पतरस 1:8

जै तुऐं जादा शै जादा ऐशैखै जियौंए तौ तुऐं अमारै प्रभु यीशु मसीह खै ऐशैखैई जाणै पांदै जू तुऔं खै फायदैमंद औरौ फलदायक बाणदा।