तीतुस 1:7 - सिरमौरी नौवाँ नियम

⁷ जिथुकै ऐक अगुवे कै पौरमेशवर का भण्‍डारी हौणौ की बौजैह शै निर्दोष हौणौ चैंई; औरौ ना हठीला, ना गुस्से बाज, ना पियक्कड़, ना मारपीट कौरणौवाल़ा औरौ ना नीच कमाई का लालची हौणा चैंई।

Sirmouri

⁷ किन्देंखे के कलीसिया के देख्ह-रेख्ह कर्णो वाल़ा, जेस कैई पंण्मिश्वर के काँम-काज़ देऐ थुऐ, से बै-कसूर हुआ चेंई; ना हठाव्णा, ना झुकी, ना पिय्कड़, ना झोकड़ू, ना मारपीट कर्णो वाल़ा, अरह् ना नींच कमाई का लाल़्चीं हों,

तीतुस 1:7 ပူးပေါင်းရင်းမြစ်များ

मत्ती 24:45

“औरौ ऐक भोरोशे लायक औरौ ईमानदार नोकर सैजा औसौ, जैसीकै मालिक तैसी ओकी नोकरो कै दैखभाल कौरणौ औरौ तिनुकै खियाणौ पियाणौ कै जुमैवार दैय सौकौ।

लूका 12:42

प्रभु यीशुए बौल़ौ, “भोरोशे लायक औरौ ईमानदार भण्‍डारी सैजा औसौ, जैसका मालिक तैसीकै ओकी नोकरो कै दैखभाल कौरणौ औरौ तिनुकै खियाणौ कै जुमैवारै दैंव।

इफिसियों 5:18

औरौ सूर पैयौ माचैयौ नै, जिथुकै ऐजौ लोगौ कै शर्मनाक औरौ बेकाबू तरीकै शै बर्ताव कौरणौ कै बौजैह बौणौ, पौरौ पवित्र आत्मा कै तुऔं आपणी शौकतै शै भौरणौ दौ।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

तीतुस 1:5

हांव ताखै इथकारिए क्रेते टापू दा छोड़ेयौ ओऊवा थिया ताकि तू तिथै की कलीसिया की मुसीबतौ कै ठीक कौरे सौकै जिनु ठीक कौरणौ का मुंकैई सौमय ना थी औरौ क्रेते टापू कै सौब शहर दै अगुवे कै चुणी पा। इथकै बारै मुंजी ताखै मैरी बौतायौंदे बातौ याद राखणी चैंई:

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।

1 पतरस 5:2

जैशैखै चौराईया आपणै भैड़ौ कै रोखवाल़ी कौरौ, तैशैखैई तुऔं सौबी कै रोखवाल़ी कौरणै चैंई जिनु पौरमेशवरे तोंवारै दैखभाल दै सौंपै राए। ऐजौ आपणी मर्जी शै कौरौ, जिथुकै पौरमेशवर ऐजौई चांव कै तुऐं ऐशै कौरौ। ऐशै सिरफ इथकारिए नी कौरौ जिथुकै तुऔं ऐशै कौरणौ कारिए मजबूर कौरे राए। ऐजा काम इथकारिए ना कौरौ जिथुकै तुऐं पौयसै कमाणै चांव पौरौ पौरमेशवर औरौ लोगौ कै सेवा कौरणौ कै इछा कै साथै कौरौ।

2 पतरस 2:10

पौरमेशवर सौबै दुष्ट लोगौ खै सौजा दैंदा जू आपणै बुरी, औरौ गौंदी इछाओं कै हिसाब शै काम कौरौ औरौ जू आपी पांदी पौरमेशवर कै औधिकार खै ना मानौ। सैजै घमण्डी लोग औसौ। सैजै महिमामय स्वर्गीय प्राणीयों कै बारै मुंजी बैज्जती कौरेयौ बुरु बौलणौ शै ना डौरौ।