तीतुस 1:15 - सिरमौरी नौवाँ नियम

¹⁵ तिनु लोगौ कारिए जिनकै दिल दै ऐशणै पाप वाल़ै विचार ना आथी, तिनु कारिए सौबै चीज़ौ शुध्द औसौ, औरौ जू बुरै लोग औसौ औरौ जू लोग यीशु पांदी बिशवाश ना कौरौ, तिनु कारिए सौबै चीज़ौ अशुध्द औसौ जिथुकै तिनकै दिल पूरी तरह शै बुरै हौए गौवै।

Sirmouri

¹⁵ पबित्र लोगो खे बादी च़ीज़ो पबित्र हों, परह् बिचकै अरह् बै-बिश्वाषी खे किऐ भे शुद्ध ने आथी, परह् तिनकी बुद्धी अरह् तिनका जमीर दुईनें अ-शुद्ध असो।

तीतुस 1:15 ပူးပေါင်းရင်းမြစ်များ

मत्ती 15:18

पौरौ जू किछै मुँह बाटी निकल़ौ, सै मन शै निकल़ौ, औरौ सैजौई आदमी खै अशुध्द कौरौ।

प्रेरितो कै काम 10:15

तैसकै दुजाल़ियो आवाज़ शौणै, “जू किछै पौरमेशवरे शुध्द कौरे राए, तिथु तू अशुध्द नी बौल।”

रोमियों 14:14

हांव जाणुए, औरौ प्रभु यीशु शै मुखै पाको हौए रो, कै सौबै भोजन खाणौ कारिए ठीक औसौ, पौरौ जू तिथुकै अशुध्द सौमझौ, तैसी कारिए अशुध्द औसौ।

रोमियों 14:20

तुंआरै किछै खाणौ पिणौ की चीज़ौ कै बौजैह शै पौरमेशवर कै काम ना बिगड़ौ। सौब ठुँ ठीक औसौ, पौरौ किछै ऐशणै चीज़ खाणै गौलत औसौ जू ओकी आदमी कै पाप दै पोड़णो कै बौजैह बौणौ।

रोमियों 14:23

पौरौ जै तुऔं इयौं बातौ दा शक औसौ कै तुऔं किछै खाणौ चैंई या ना, तौ जै तुऐं औगौड़ियौ बौढ़ेयौ इथु खाए दियु तौ तुऐं पाप कौरे लौआ। जिथुकै तुऐं आपणै बिशवाश का पालन ना कौरे लैई। आमु जू बै कौरुए, जै ऐजौ प्रभु दो बिशवाश कै साथै ना आथी, तौ सैजौ अमारै खातिर पाप औसौ।

1 कुरिन्थियों 10:23

बैशक, आमु किछै बै कौरणौ कै आज़ादी औसौ। पौरौ आमु कारिए सौबै ठुँ आछौ ना आथी, पौरौ सौबै ठुँ कौरणौ कै ऐजी आज़ादी पौरमेशवर दै अमारै बिशवाश खै मोजबूत ना कौरौ।

1 कुरिन्थियों 10:25

तुऐं बाज़ार दै बिकणौवाल़ी कुणजै बै चीज़ौ खै खाए सौकौ। ऐजौ ना पूछौ कै ऐजौ मूर्ति कारिए राखै राए थियु कै ना, ताकि तोंवारा विवेक तुऔं खै दोषी ना बाणौ।

1 कुरिन्थियों 10:31

आखरी दौ, हांव तुऔं खै ऐजौ बोताणौ चोऊं, कै इथकारिए जै तुऐं चाहै खांव, चाहै पियौं, चाहै जू किछै कौरौ, सौबै ठुँ पौरमेशवर कै महिमा कै खातिर कौरौ।

1 कुरिन्थियों 8:7

पौरौ अमारै किछै बिशवाशी इबी तौड़ी ना जाणौ कै मूर्ति कैंई कुणजै शौकतै ना आथी, जिथुकै सै औगौड़ियौ तिनु मूर्ति कै आगै चौढ़ाएयौंदो खाणौ खांव, सै गौलती शै सुंचौए कै सै इबी बै तिनु मूर्ति कै पूजा दै शामिल औसौ। औरौ सै ऐजौ शोणेयो पौरैशान हौंव कै जै सै मूर्ति कै चौढ़ाएयौंदो खाणौं खांव तौ तिनुऐ पाप कौरे राए।

1 तीमुथियुस 6:5

ऐशणै लोगौ कै बीच मुंजी झोगड़े पौयदा हौं, जिनकै बुध्दि खत्म हौए गौए औरौ सै सौचाई खै ना सौमझै पांव, औरौ सै सुंचौए कै पौरमेशवर कै सेवा कौरणै अमीर हौणौ का तरीका औसौ।

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

इब्रानियों 9:14

पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।