तीतुस 1:13 - सिरमौरी नौवाँ नियम

¹³ क्रेते टापू कै लोगौ कै बारै मुंजी ऐजी बातौ साची औसौ। इथकारिए तिनु सख्ताई शै चैतावणी दैया कौर, कै सै यीशु मसीह कै बारै मुंजी साची शिक्षाओं पांदी बिशवाश कौरौ।

Sirmouri

¹³ ऐजी गुवाह्-शाज़्त्त साची असो, ईन्देंखे के तिनखे शक्त्ताई शी चिताँवणी देया करह्, के से बिश्वाष दे पाक्कै हऐ ज़ाँव,

तीतुस 1:13 ပူးပေါင်းရင်းမြစ်များ

2 कुरिन्थियों 13:10

इयौं बौजैह शै मोऐं तुऔं ऐजी बातौ लैख लोई, इदा आगै कै हांव तोंवारै धोरे ओऊं ताकि तुऔं सौजा दैयौ मुखै आपणै औधिकार खै दिखाणौ कै जौरुरत ना पौड़ौ जू प्रभुए मुखै दैय राए। जिथुकै हांव तोंवारै औधिकार का इस्तैमाल तोंवारै बिशवाश खै मोजबूत कौरणौ कारिए कौरणा चोऊं ना कै नाश कौरणौ कारिए।

1 तीमुथियुस 1:10

गौलत सौमबंध राखणौवाल़ै, मर्द का मर्द कै साथै औरौ बैटमाणिश का बैटमाणिश कै साथै, औरौ आदमी कै गुलामी दै बिकणौवाल़ै औरौ झूठु बौलणौ वाल़ै, औरौ झूठी शौं खाणौवाल़ै, औरौ सैजै लोग जू सैजौ सौब ठुँ कौरौ, जिथु कौरणौ कारिए आमु कै सोही शिक्षा मौना कौरौ।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

1 तीमुथियुस 5:20

जू लोग पाप कौरौ, ताखै तिनु लोगौ कै सौबी बिशवाशियौं कै सामणै डांटणै चैंई, ताकि औकै बिशवाशी बै पाप कौरणौ शै डौरौ।

2 तीमुथियुस 4:2

कै तू पौरमेशवर कै वचन का प्रचार कौर; औरौ सौदा प्रचार कौरणौ कारिए तैयार रो चाहै लोग शुणणा चांव चाहै ना शुणणा चांव। ताखै लोगौ कै तिनकै गौलत काम बौताणै चैंई औरौ तिनकै पाप कारिए तिनु डांट ला, औरौ जोबै तू तिनु सब्र कै साथै शिखांए तौ ताखै तिनका हौंसला बै बौढ़ाणा चैंई।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।

तीतुस 2:2

बुजूर्ग मर्द कै आपी पांदी काबू राखणा चैंई औरौ ऐशैखै बर्ताव कौरणा चैंई ताकि लोग तिनका आदर कौरौ औरौ सौमझदारी शै बर्ताव कौरणा चैंई। तिनु पौरमेशवर पांदी मोजबूती शै बिशवाश कौरणा चैंई, औरौ ओकी लोगौआरी सौचाई शै प्यार कौरणा चैंई औरौ सैहनशोकती राखणै चैंई।