रोमियों 9:4 - सिरमौरी नौवाँ नियम

⁴ सै पौरमेशवर कै लोग औसौ; पौरमेशवरे तिनु आपणै नानड़िया बाणै औरौ तिनु कारिए आपणै महिमा कै प्रकट कौरे; तिनकै साथै आपणै कौरार बानै औरौ तिनु मूसा कै कानून दियै; ताकि सै साची तरीकै शै पौरमेशवर कै आराधना कौरौ; तिनुकै पौरमेशवर कै प्रतिज्ञाएँ भैटी रौई।

Sirmouri

⁴ ऐजे इस्राएली लोग जिनू पंणमिश्वरे गोद् लऐ थुऐ थिऐ। तिन्ऐं पंणमिश्वरो की बड़ियाऐ का दर्शण करी थुवा; अरह् से पंणमिश्वर के देऊँठी के हंकदार भे असो, जिन्खे ऋषी-मूसा खे भेटे गुऐं निय्म, अरह् पंणमिश्वर का बाय्दा भे तिन की गईलो असो।

रोमियों 9:4 ပူးပေါင်းရင်းမြစ်များ

मत्ती 21:33

“ऐक ओका उदारण शुणौ ऐक जीमदार थिया, जैणै अंगूरो का बाग लाया, औरौ तिथकै चोऊ ढौबौ खै बाड़ा बानै दिया, औरौ रोसौ का कुण्ड खुणा, औरौ तोबै बाड़ बानी; औरौ किसानो खै तिथकै ओधयाल़ी देएबा प्रदेश हौटै गौआ।

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 1:47

यीशुए नतनएल खै आपणै ढौबौ खै आन्दी बैई दैखैयो तैसकै बारै मुंजी बौल़ौ, “दैखौ ऐजा अमारै पुराणिया इस्राएल देश का ऐक साचा वंशज औसौ: जू पूरी तरह शै ईमानदार औसौ।”

प्रेरितो कै काम 2:39

जिथुकै ऐजा वादा तुऔं, औरौ तोंवारै नानड़िया, औरौ तिनु दूर-दूर कै सौबी लोगौ कारिए बै औसौ जिनुखै प्रभु अमारा पौरमेशवर आपणै धोरे बौईददा।”

रोमियों 3:2

ऐक यहूदी हौणौ कै बैजाए फायदै औसौ। सौबदै खास बात ऐजी औसौ कै, पौरमेशवर कै वचन यहूदी लोगौ खै सौंपै राए।

रोमियों 8:15

जिथुकै तुऔंखै गुलामी कै आत्मा ना भैटी रैई, कै तुऐं औटेयौ पौरमेशवर शै डौरौ पौरौ पौरमेशवरे आमु पवित्र आत्मा कै संतान बाणै राए, जिथलैई आमै ओए रै बापू, ओए रै पिता बौलेयौ पुकारू।

रोमियों 9:6

पौरौ ऐजौ नी, कै पौरमेशवर आपणै वादा राखणौ दा नाकाम रौए रौआ, पौरौ इथकारिए कै सौब इस्राएल देश कै वंश सौथी कै इस्राएली ना आथी;

2 कुरिन्थियों 11:22

का सैजै ही इब्रानी देश कै औसौ? हांव बै औसौए। का सैजै ही इस्राएल देश कै औसौ? हांव बै औसौए; का सैजै ही अब्राहम कै वंश औसौ? हांव बै औसौए।

गलातियौं 3:16

ऐशैखैई पौरमेशवरे अब्राहम शै वादा कौरे राए कै हर कुणिए तैरै ऐक वंशज कै दवारा आशीष पांदा; पवित्र शास्त्र ऐजौ ना बौल़ौ, औरौ तैरै वंशो कै खातिर औरौ जू बौहितौ कै बारै मुंजी बौल़ै राए, पौरौ जू ऐकी कै बारै दौ बौल़ै राए “तैरै वंश खै” औरौ सै मसीह औसौ।

इफिसियों 2:12

तुऐं लोग तैसी सौमय मसीह कै ना जाणौ थिए औरौ तुऐं पौरमेशवर कै चोणेयौंदे लोग इस्राएल देश कै जैशणै नागरिक कै रुप दै शामिल नै थी, पौरमेशवरे आपणै वायदै कै हिसाब शै जू कौरार यदूदी लोगौ आरी कौरे राए थै, तुऐं तिथकै बै भागीदार नै थी। औरौ तुऐं ऐसी दुनिया दै बिना आशा कै औरौ बिना ईशवर कै रौंव थिए।

इब्रानियों 9:1

औरौ पौरमेशवर कै तियौं कौरार कै बारै मुंजी जू बैजाए सौमय आगै मूसा कै दवारा इस्राएल देश कै लोगौ खै दैय राए थै, तिनुकैईं नियम थिए कै तिनु आराधना कैशै कौरणी चैंई औरौ तिनुकैईं आराधना का ऐक तोम्बू थिया जू आदमियों कै दवारा बाणै राए थिया।

इब्रानियों 9:10

जिथुकै सैजै नियम सिरफ लोगौ कै खाणौ-पिणौ औरौ शोरीरो खै ठीक ढंग शै धौणौ कै बारै मुंजी बौतांव जिथकै दवारा लोग बायरी तौर शै साफ हौए जांव। इनु नियमौ खै तांव तौड़ी मानणै पौड़ौ थिए जांव तौड़ी कै पौरमेशवरे आपणा नौवाँ सौमझौता शुरु नी कौरा।

इब्रानियों 9:3

औरौ दूजा कोमरा जू पर्दे कै पौछौड़ियौ थिया, तैसी सौबिदा जादा पवित्र ठाँव बौल़ौ थिए।

इब्रानियों 9:5

तैसी सन्दूको कै उपले हिस्से खै पापौ खै माफ कौरणौ का ठाँव बौल़ै जांव थिया। तिथपांदी करूब जू स्‍वर्गदूतौ कै जैशणै औसौ जू पौरमेशवर कै महिमा खै दिखांव, सै तैसी ठाँव कै आपणै पाखौ लैई दबायो राखौ थिए। ऐबै इनु सौबी बातौ कै बारै मुंजी पूरै तरह शै बौताणौ का सौमय ना आथी।

इब्रानियों 9:6

ऐशैखैई तोम्बू खै लाए राए थिया। तोबै हर सौमय जोबै बै पुरोहित आपणा काम कौरणौ कारिए आंव थिए तौ सै सिरफ आगलै कोमरै दै आंव थिए।