रोमियों 9:32 - सिरमौरी नौवाँ नियम

³² ऐजौ कैशैकै हौए सौकौ? इथकारिए कै सै बिशवाश शै नी, पौरौ भले कामौ लैई पौरमेशवर कै साथै धरमी साबित हौवे। तिनुऐ मसीह कै ठुकरोऊवा जैसकै तुलना तैसी पाथरो कै साथै कौरे राए जू लोगौ कै ठोकर खियांव।

Sirmouri

³² किन्देंखे? ईन्देंखे के इस्राएली लोग आप्णें बिश्वाष गाशी ने, परह् आप्णें कर्मों गाशी दारमदार रंह् थिऐ; तबे ही से ढैसो लाग्णों वाल़े पाथरों शे ढैसो लागियों ऊदे रिड़े।

रोमियों 9:32 ပူးပေါင်းရင်းမြစ်များ

मत्ती 13:57

इथकारिए तिनुऐ तैसकै बातौ पांदी बिशवाश ना कौरी। पौरौ यीशुए तिनुखै बौल़ौ, “पौरमेशवर कै बातौ बौताणौवाल़ै आपणै देश औरौ आपणै घोर छोड़ेयौ ओकते सारै ठाँव दा आदर पाव।”

लूका 2:34

तोबै शमौने तिनुकै आर्शीवाद देएबा, तैसकै माँ मरियम खै बौल़ौ, “दैख सै इस्राएल देश दा कैई लोगौ कै नाश औरौ उध्दार कारिए, ऐक चिताणो कै निशान कै जैशणा हौंदा, जैसकै खिलाफ दी लोग बातौ कौरदै।

लूका 7:23

धन्‍य औसौ सैजै जू मुं पांदी बिशवाश कौरणा ना छोड़ो।”

रोमियों 10:3

जिथुकै सैजै लोग पौरमेशवर कै धार्मिकता कै साबित कौरदै बैई, आपणै तरीकै शै धरमी बोणणौ कै कौचिश कौरौ, औरौ ना आपी कै पौरमेशवर कै धार्मिकता कै अधीन कौरौ।

रोमियों 11:11

तौ हांव बुलू का जोबै इस्राएल देश कै लोग मसीह पांदी बिशवाश ना कोरी, तौ तोबै कौलोंई ना बिशवाश कौरलै? ना! बिल्कुल नी! पौरौ तिनकै आज्ञा ना मानणौ कै बौजैह शै बैगानै यहूदी लोगौ कै उध्दार भैटदा, ताकि इस्राएल कै लोगौ कै ज़लन हौए जांव।

रोमियों 4:16

इथकारिए लोगै बिशवाश कै दवारा अनुग्रह ही शै पौरमेशवर का वादा पौऊवा। इयौं बौजैह शै अब्राहम कै सौबी संतानो कै ऐजा वादा भैटी सौकौ। जू सिरफ मूसा कै कानून मानणोवाल़ै कै ना आथी, पौरौ ऐजा सौबी आदमी कै औसौ जू अमारै पुराणिया अब्राहम कै जैशणा बिशवाश शै जीवन जियौं।

1 कुरिन्थियों 1:23

पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

1 पतरस 2:6

ऐजौ तैशैखैई औसौ जैशै पौरमेशवर पवित्र शास्त्र दौ आपणै बैटै कै बारै मुंजी बौल़ौ, “दैखौ! मोऐं ऐक बैजाए कीमती पाथर चोणे राए, जैसी यरूशलेम शहर कै बाणणौ कारिए नीयुं कै पाथरो जैशणा राखै राए। औरौ जू कुणिए बै तैसी पांदी बिशवाश कौरला, सै कौलोंई बै शर्मिंदा ना हौंदा।”

1 पतरस 2:8

औरौ तोबै पवित्र शास्त्र ऐजौ बै बौल़ौए, “ऐजा पाथर लोगौ कै ठोकर खाणौ कै बौजैह हौंदा। ऐजी ऐक चट्टान औसौ जू तिनकै रिड़णो कै बौजैह औसौ,” सै वचन पांदी बिशवाश ना कौरणा चांव, इथकारिए सै ठोकर खायौ रिड़ै जांव। पौरमेशवरे तिनकै साथै ऐजौई हौणौ कै योजना बाणै राए।