रोमियों 9:1 - सिरमौरी नौवाँ नियम

^1-3 ऐबै किछै बै आमु पौरमेशवर कै प्यार शै जौई ना कौरे सौकौ, तौ इस्राएली लोग, पौरमेशवर शै दूर किथु औसौ? मैरै दिल दा तिनु कारिए बैजाए दुख औसौ, औरौ हमैशा मैरै दिल दी तिनु कारिए पीड़ो औसौ। सौथीखै, आपणै ही लोगौ कै उध्दार कै खातिर, हांव आपी पांदी आरोप लाणौ औरौ मसीह शै जौई हौणौ कारिए तैयार औसौ। मोऐं मसीह कै गवाह मानैयौ साचौ बौल़ै लो। पवित्र आत्मा औरौ विवेक बै गवाहै दैंव कै सौबै बातौ झूठी ना आथी।

Sirmouri

¹ हाँव मसीया के नाँव शो साचो बुलू, झूठों ने बुल़्दा, अरह् मेरी अंन्त्तर-आत्त्मा भे पबित्र-आत्त्मा के जाँणें मुँखे बिश्वाष दियाँव,

रोमियों 9:1 ပူးပေါင်းရင်းမြစ်များ

रोमियों 1:9

पौरमेशवर जैसकै सेवा मोऐं पूरै दिल शै तैसकै बैटै कै बारै मुंजी सुसमाचार लोगौ कै शुणायौ कौरु, सैजाई पौरमेशवर मैरा गवाह औसौ, कै हांव आपणी प्रार्थनाओं दै तुऔं लोगौ कै लगातार याद कौरेया कौरु।

रोमियों 2:15

सैजै लोग दिखांव कै पौरमेशवर शै दैययौंदे मूसा कै कानून तिनकै दिलो दै लैखै राए, जिथुकै तिनका आपणा विवेक दिखांव कै तिनकै विचार या तौ तिनु पांदी दोष लांव या तिनुकै निर्दोष बौतांव।

रोमियों 8:16

पौरमेशवर का पवित्र आत्मा आपी अमारी आत्मा कै साथै गवाही दैंव, कै आमै पौरमेशवर कै नानड़िया औसौ।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 1:23

पौरमेशवर मैरा गवाह औसौ कै मोऐं तुऔं साचौ बौल़ै लो, कै हांव औटेयौ कुरिन्‍थुस शहर दा इथकारिए ना आई कै हांव तुऔं कोष्ट ना दैणा चोऊं।

2 कुरिन्थियों 11:10

तैशैखैई पाकै तरीकै शै मसीह कै सौचाई मुं दै औसौ, तौ अखाया प्रदेश दै कुणिए मुखै घमण्‍ड कौरणौ शै ना रौकै सौकौ।

2 कुरिन्थियों 11:31

पौरमेशवर अमारै प्रभु यीशु कै पिता जू सौदा धन्‍य औसौ, जाणौए कै हांव झूठु ना बुलू।

2 कुरिन्थियों 12:19

तुऐं इबी तौड़ी सौमझै रौलै कै आमै तोंवारै सामणै जोवाब दैय लौआ, आमै तौ पौरमेशवर कै वचन का प्रचार सौचाई औरौ मसीह कै औधिकार कै साथै कौरु, औरौ ओए रै प्‍यारो, आमै सौबै बातौ तुऔं बिशवाश दी मोजबूत कौरणौ कारिए बुलू।

गलातियौं 1:20

पौरमेशवर जाणौए कै जू मोऐं तुऔं खै लैखै लौ, सैजौ पूरी तरह शै साचौ औसौ।

फिलिप्पियों 1:8

इदा पौरमेशवर मैरा गवाह औसौ कै हांव मसीह यीशु कै जैशणा प्यार कौरेयौ तुऔं सौबीआरी भैटिणौ चोऊं।

1 थिस्सलुनीकियों 2:5

तुऐं जाणौए कै आमै ना तौ कौलोंई चापलूसी की बातौ कौरेया कौरु थिए, औरौ आमुए ऐशणै मकसद लैई काम ना कौरी जू लालची औसौ, पौरमेशवर गवाही दैंव कै आमु ऐशणै ना थी।

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 तीमुथियुस 2:7

इयौं बौजैह शै, पौरमेशवरे मुखै सुसमाचार का प्रचारक औरौ ऐक चोणेयौंदा चैला हौणौ कारिए चोणे राए। तैणै मुखै बैगानै जाति कै लोगौ कै बिशवाश का साचा सौंदेश शिखाणौ कारिए चोणे राए। मोऐं झूठु ना बौल़ै लैई; पौरौ मोऐं साचौ लो बौल़ै।

1 तीमुथियुस 5:21

पौरमेशवर, औरौ मसीह यीशु, औरौ चोणेयौंदे स्‍वर्गदूतौ कै उपस्‍थित जाणैयौ हांव ताखै आदैश दियु कै जू किछै बै तू कौरे, तिथमुंजी कोसी आदमी कै प्रति बिना भैदभाव कै काम कौर।